《台语荒漠甘泉（汉罗版）》

 | | | 转寄

Oh担当ê担

作者 陈清俊 译 林俊育 汉罗翻写 2009.11.15

listen 十一月十五(十一月十五日)
「受(siū) teh 重(tāng) 真(chin) thiám 到(kàu) 当(tng) bōe 起(khí)。」(哥林多后书1：8)
「hō͘ 基督(ki-tok) ê 气力(khuì-la̍t) tòa tī 我(goá)。」(哥林多后书12：9)

上帝(siōng-tè) hō͘ 雅各(Ngá-kok) tī Piān-í-lī 面对(bīn-tuì) 性命(sìⁿ-miā) ê 危机(guî-ki)，伊(i) 学(o̍h) tio̍h 完全(oân-choân) ê 顺服(sūn-ho̍k)，谦卑(khiam-pi) 诚恳(sêng-khún) ǹg 上帝(siōng-tè) 恳求(khún-kiû)。Hit 暝(mî)，伊(i) kap 上帝(siōng-tè) 相(sio) ián，掠(lia̍h) tiâu-tiâu 上帝(siōng-tè)，tī 真(chin) 危险(guî-hiám) ê 时(sî)，hō͘ 伊(i) ê 信心(sìn-sim) kap 对(tuì) 上帝(siōng-tè) ê 认识(jīm-bat) 大(toā) 大(toā) 进步(chìn-pō͘)，hō͘ 伊(i) 有(ū) 力量(le̍k-liōng) thang 过(kè) 重新(tiông-sin) 胜利(sèng-lī) ê 生活(seng-oa̍h)。

主(Chú) ài 大卫(Tāi-pi̍t) 受(siū) 真(chin) chōe 年(nî) ê 苦楚(khó͘-chhó͘) 训练(hùn-liān)，来(lâi) 学(o̍h) 会晓(oē-hiáu) 认识(jīm-bat) 上帝(siōng-tè) ê 全能(choân-lêng) kap 信实(sìn-si̍t)，也(iā) 增加(cheng-ka) 伊(i) 信心(sìn-sim) kap 虔诚(khiân-sêng)。这(che) 是(sī) 做(choè) 以色列(Í-sek-lia̍t) 王(ông) 做(choè) 辉煌(hui-hông) 事工(sū-kang) 所(só͘) 需要(su-iàu) ê 原则(goân-chek)。

保罗(Pó-lô) 受(siū) tio̍h siōng 危险(guî-hiám) ê 环境(khoân-kéng)，chiah 学(o̍h) tio̍h 认识(jīm-bat) 上帝(siōng-tè) 应允(èng-ún) ê 完全(oân-choân) 意义(ì-gī)。这(che) 应允(èng-ún) 是(sī)「有(ū) 我(goá) ê 恩(un)，你(lí) 就(chiū) 够额(kàu-gia̍h)。」(哥林多后书12：9)只有(chí-ū) 经历(keng-le̍k) tio̍h 重大(tiōng-tāi) ê 试验(chhì-giām) kap 危险(guî-hiám)，chiah 会(oē) hō͘ 一部分(chi̍t-pō͘-hūn) ê 人(lâng)，认识(jīm-bat) 主(Chú)，信靠(sìn-khò) 主(Chú)，也(iā) 当(tng) 需要(su-iàu) ê 时(sî)，对(tuì) 伊(i) 得(tit) tio̍h 真(chin) chōe 恩典(un-tián)。

困难(khùn-lân) kap 头前(thâu-chêng) ê 阻碍(chó͘-gāi) 是(sī) 对(tuì) 咱(lán) 信心(sìn-sim) ê 挑战(thiau-chiàn)，tī 服事(ho̍k-sāi) ê 道路(tō-lō͘) tú-tio̍h 阻碍(chó͘-gāi)。Ài 知(chai)，chiah-ê 阻碍(chó͘-gāi) 挡路(tòng-lō͘) 是(sī) 信心(sìn-sim) ê 器具(khì-kū)，内面(lāi-bīn) 贮满(té-moá) 耶稣(Iâ-so͘) 丰丰(hong-hong) 富富(hù-hù) ê 恩典(un-tián)。当(tng) 咱(lán) 凭(pîn) 信心(sìn-sim) 完全(oân-choân) 信靠(sìn-khò) 伊(i) 向前(hiòng-chêng) ê 时(sî)，咱(lán) 可能(khó-lêng) 受(siū) tio̍h 考验(khó-giām)。有时(ū-sî) ài 吞忍(thun-lún) thèng 候(hāu)，ài 知(chai)，「吞忍(thun-lún) tio̍h hō͘ 伊(i) 到(kàu) 成功(sêng-kong)。」(雅各1：4)到尾(kàu-bé) 咱(lán) 会(oē) 发见(hoat-kiàn)「石(chio̍h) 已经(í-keng) tùi 墓门(bōng-mn̂g) kō 开(khui)。」(路加24：2)主(Chú) 本身(pún-sin) 准备(chún-pī) 好(hó) teh 等(tán)，teh 期待(kî-thāi)，为(uī) 咱(lán) ê 考验(khó-giām) 来(lâi) 加倍(ka-pē) 赐福(sù-hok)。――A. B. Simpson


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com