《台语荒漠甘泉（汉罗版）》

 | | | 转寄

亲近主

作者 陈清俊 译 林俊育 汉罗翻写 2009.11.08

listen
十一月初八(十一月八日)
「耶稣(Iâ-so͘) 带(toà) 彼得(Pí-tet)、约翰(Iok-hān)、雅各(Ngá-kok) 相(saⁿ) kap 上山(chiūⁿ-soaⁿ) 祈祷(kî-tó)。祈祷(kî-tó) ê 时(sî)，伊(i) ê 面貌(bīn-māu) 有(ū) 各样(koh-iūⁿ)，伊(i) ê 衫(saⁿ) 白(pe̍h)，koh 光(kng) nà-nà。...彼得(Pí-tet) kap 同(tâng) tī-teh ê 人(lâng)...看见(khoàⁿ-kìⁿ) 耶稣(Iâ-so͘) ê 荣光(êng-kng)。」(路加9：28-29，32)

「我(goá) taⁿ 若(nā) tī 你(lí) ê 面前(bīn-chêng) 得(tit) tio̍h 恩典(un-tián)，求(kiû) 你(lí) 将(chiong) 你(lí) ê 路(lō͘) 指示(chí-sī) 我(goá)。」(出埃及记33：13)

耶稣(Iâ-so͘) chhōa 三(saⁿ) 个(ê) 学生(ha̍k-seng) 上山(chiūⁿ-soaⁿ)，hō͘ in kap 伊(i) 有(ū) 亲密(chin-bi̍t) ê 交陪(kau-poê)，in 「看见(khoàⁿ-kìⁿ) 伊(i) ê 荣光(êng-kng)，」koh 讲(kóng)：「咱(lán) tī chia 真(chin) 好(hó)。」(路加9：32-33) Tùi hiah-ê 跟(kun) tè 主(chú) tī 山顶(soaⁿ-téng) ê 人(lâng)，天堂(thian-tông) 永远(éng-oán) 是(sī) bōe 真(chin) 远(hn̄g)。

咱(lán) 中间(tiong-kan) 有(ū) 甚么(sím-mi̍h) 人(lâng) tī 默想(be̍k-sióng)，祈祷(kî-tó) ê 是(sī) 无(bô) 看(khoàⁿ) tio̍h 天国(thian-kok) ê 门(mn̂g) ah？有(ū) 甚么(sím-mi̍h) 人(lâng) kap 上帝(siōng-tè) 单独(tan-to̍k) 沟通(kau-thong) ê 时(sî)，无(bô) 感觉(kám-kak) tio̍h 内心(lāi-sim) 大(toā) 激动(kek-tōng)，tam tio̍h 受(siū) 祝福(chiok-hok) 喜乐(hí-lo̍k) ê 滋味(chu-bī) ah？

主(chú) kap 伊(i) ê 学生(ha̍k-seng) 安静(an-chēng) ê 交谈(kau-tâm) lóng 是(sī) tī 特别(te̍k-pia̍t) ê 时间(sî-kan) kap 地点(tē-tiám)。有(ū) 一(chi̍t) pái tī Hek-bûn 山(soaⁿ)，koh- khah 常(siông) 是(sī) tī 橄榄山(Kaⁿ-ná-soaⁿ)。每(muí) 一个(chi̍t-ê) 基督徒(ki-tok-tô͘) lóng 应该(eng-kai) 有(ū) 伊(i) 家己(ka-kī) ê 橄榄山(Kaⁿ-ná-soaⁿ)。今(kin) á 日(ji̍t)，大多数(toā-to-sò͘) ê 人(lâng)，特别(te̍k-pia̍t) tòa tī 都市(to͘-chhī) ê 人(lâng)，生活(seng-oa̍h) 紧张(kín-tiuⁿ)，tùi 透早(thàu-chá) 到(kàu) 暗(àm)，无(bô) 闲(êng) chhih-chhih，真(chin) 少(chió) 有(ū) 机会(ki-hoē) thang 默想(be̍k-sióng)、读经(tha̍k-keng)、祈祷(kî-tó)，心灵(sim-lêng) kap 主(chú) ê 沟通(kau-thong)。

但以理(Tān-í-lí) tòa tī 崇拜(chông-pài) 偶像(ngó͘-siōng) ê 巴比伦(pa-pí-lûn) ê 喧闹(soan-nāu)中(tiong)，有(ū) 伊(i) 本身(pún-sin) ê 橄榄山(Kaⁿ-ná-soaⁿ) tī 伊(i) ê 房间(pâng-keng)；彼得(Pí-tet) tī Iok-phàⁿ 有(ū) 一个(chi̍t-ê) thang 祈祷(kî-tó) ê 厝顶(chhù-téng)；路德(Lō͘-tek) 马丁(Má-teng)(Martin Luther) 有(ū) 一间(chi̍t-keng) 楼顶(lâu-téng) tī Ui-tin-bó (Wittenberg) thang 灵修(lêng-siu)、祈祷(kî-tó)；到(kàu) 现在(hiān-chāi)，hit 所在(só͘-chāi) 受(siū) 认定(jīm-tēng) 做(choè) 圣地(sèng-tē)，teh hông 参观(chham-koan)。

十九(cha̍p-káu) 世纪(sè-kí) 英国(Eng-kok) 公理会(Kong-lí-hoē) 牧师(bo̍k-su) Joseph Parker bat 讲(kóng)：「假使(ká-sú) 咱(lán) 做(choè) 教会(kàu-hoē)，无(bô) 灵性(lêng-sèng) ê 异象(īⁿ-siōng) 见(kìⁿ) tio̍h 天国(thian-kok)，无(bô) 想(siūⁿ) khah 大(toā) ê 荣光(êng-kng) kap 性命(sìⁿ-miā)，咱(lán) 会(oē) 失去(sit-khì) 咱(lán) ê 信仰(sìn-gióng)，án-ni 咱(lán) ê 圣坛(sèng-toâⁿ) 只是(chí-sī) chit-tè 冰冰(peng-peng) 冷冷(léng-léng)，空空(khang-khang) ê 石头(chio̍h-thâu)，得(tit) bōe-tio̍h 天(thiⁿ) 来(lâi) ê 祝福(chiok-hok)。」现今(hiān-kim) 世界(sè-kài) 所(só͘) 需要(su-iàu) ê 就(chiū) 是(sī) 有(ū) 看(khoàⁿ) 过(kè) 主(chú) ê 人(lâng)。――tùi《失去默想ê艺术》

亲近(chhin-kūn) 主(chú)！可能(khó-lêng) 伊(i) 今日(kim-ji̍t) 带(toà) 你(lí) 到(kàu) 山顶(soaⁿ-téng)，就(chiū) 是(sī) 伊(i) 带(toà) 容易(iông-īⁿ) 出错(chhut-chhò) ê 彼得(Pí-tet)，kap 雅各(Ngá-kok)、约翰(Iok-hān)，就(chiū) 是(sī)「雷(luî) ê kiáⁿ」(马可3：17)常常(siông-siông) 误解(gō͘-kái) 主(chú) kap 伊(i) 使命(sú-bēng) 常常(siông-siông) 去(khì) ê 所在(só͘-chāi)。伊(i) 无(bô) 理由(lí-iû) m̄ 带(toà) 你(lí) 去(khì)，所以(só͘-í) m̄-thang 拒绝(kū-choa̍t) 家己(ka-kī) 讲(kóng)：

「Hiah-ê 主(chú) ê 奇妙(kî-biāu) 异象(īⁿ-siōng) kap 启示(khé-sī) 是(sī) 为(uī) 别人(pa̍t-lâng)，m̄ 是(sī) 为(uī) 我(goá)！」其实(kî-si̍t) chiah-ê lóng 是(sī) 为(uī) tio̍h 你(lí)！――John Thomas McNeill


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com