《台语荒漠甘泉（汉罗版）》

 | | | 转寄

求就得tio̍h

作者 陈清俊 译 林俊育 汉罗翻写 2009.10.25

listen 十月二五(十月二十五日)
「Lín 到(kàu) taⁿ 未(boē) bat tī 我(goá) ê 名(miâ) 求(kiû) 甚么(sím-mi̍h)；lín tio̍h 求(kiû) 就(chiū) 会(oē) 得(tit) tio̍h，hō͘ lín ê 欢喜(hoaⁿ-hí) 满满(moá-moá)。」 (约翰16：24)

美国(Bí-kok) 内战(lāi-chiàn) ê 时(sî)，有(ū) 一个(chi̍t-ê) kiáⁿ 去(khì) 参加(chham-ka) 联合军(liân-ha̍p-kun)。伊(i) ê 老父(lāu-pē) 是(sī) 银行家(gîn-hâng-ka)，虽然(sui-jiân) 伊(i) 同意(tông-ì) kiáⁿ 去(khì) 参军(chham-kun)，总是(chóng-sī) hō͘ kiáⁿ 出征(chhut-cheng) 相(sio) thâi 却(khiok) 会(oē) 真(chin) 伤心(siong-sim)。

Kiáⁿ 出征(chhut-cheng) 了后(liáu-āu)，伊(i) 对(tuì) 军人(kun-jîn) ê 处境(chhú-kéng) 真(chin) 关心(koan-sim) 真(chin) 注意(chù-ì)。看(khoàⁿ) tio̍h 穿(chhēng) 制服(chè-ho̍k) ê 士兵(sū-peng)，伊(i) ê 心(sim) 就(chiū) 跳(thiàu) 出去(chhut-khì)，ná 亲像(chin-chhiūⁿ) 看(khoàⁿ) tio̍h 伊(i) ê kiáⁿ 一样(chi̍t-iūⁿ)。常常(siông-siông) 放下(pàng-hē) seng-lí 无(bô) 做(choè)，用(ēng) 钱(chîⁿ) 用(ēng) 时间(sî-kan) 照顾(chiàu-kò͘) 受伤(siū-siong) ê 兵(peng)。朋友(pêng-iú) 劝(khǹg) 伊(i) m̄-thang 无(bô) 顾(kò͘) 家己(ka-kī) ê 事业(sū-gia̍p)，伊(i) 就(chiū) 听(thiaⁿ) 朋友(pêng-iú) ê 苦劝(khó͘-khǹg)，完全(oân-choân) 停止(thêng-chí) koh 放弃(hòng-khì) 救济(kiù-chè) 伤兵(siong-peng) ê 工作(kang-chok)。

总是(chóng-sī) 有(ū) 一工(chi̍t-kang)，一个(chi̍t-ê) 少年(siàu-liân) 士兵(sū-peng) 穿(chhēng) 旧旧(kū-kū) 退色(thè-sek) ê 军服(kun-ho̍k) 行(kiâⁿ) 入(ji̍p) 银行(gîn-hâng)。对(tuì) 伊(i) ê 面(bīn) kap 手(chhiú) 所(só͘) 受(siū) ê siong，知(chai) 伊(i) tú-tú tùi 陆军(lio̍k-kun) 野战(iá-chiàn) 病院(pīⁿ-īⁿ) 出来(chhut-lâi) ê。银行家(gîn-hâng-ka) 看见(khoàⁿ-kìⁿ) hit-ê 可怜(khó-lîn) ê 少年(siàu-liân) 兵(peng) tú 伸(chhun) 手(chhiú) tī 袋(tē) á 内(lāi) jîm 甚么(sím-mi̍h) 物(mi̍h) ê 时(sî)，银行家(gîn-hâng-ka) 家己(ka-kī) 掠(lia̍h) 做(choè) 明白(bêng-pe̍k) 伊(i) ê 意思(ì-sù)，就(chiū) 讲(kóng)：「少年人(siàu-liân-lâng)，我(goá) 今(kin) á 日(ji̍t) 特别(te̍k-pia̍t) 无(bô) 闲(êng)，bōe-thang 帮赞(pang-chān) 你(lí)，你(lí) ài 去(khì) 陆军(lio̍k-kun) 总部(chóng-pō͘)，tī hia 有(ū) 官员(koaⁿ-oân) 会(oē) 照顾(chiàu-kò͘) 你(lí)。」

Hit-ê 可怜(khó-lîn) ê 伤兵(siong-peng) 犹原(iû-goân) khiā teh，ná 亲像(chin-chhiūⁿ) 听(thiaⁿ) 无(bô) 伊(i) ê 意思(ì-sù)。伊(i) 继续(kè-sio̍k) tī 裤(khò͘) ê la̍k 袋(tē) á chhē，chhiau 出(chhut) 一张(chi̍t-tiuⁿ) lah-sap lah-sap ê 纸条(choá-tiâu) á，伊(i) 将(chiong) hit 张(tiuⁿ) 乌乌(o͘-o͘) ê 纸条(choá-tiâu) hē-tī 银行家(gîn-hâng-ka) ê 面前(bīn-chêng)，hō͘ 伊(i) 看(khoàⁿ)，顶面(téng-bīn) 写(siá)：

亲爱(chhin-ài) ê 父亲(hū-chhin)：
伊(i) 是(sī) 我(goá) ê 朋友(pêng-iú)，tī 顶(téng) pái 相战(sio-chiàn) ê 时(sî) 受伤(siū-siong)，tùi 病院(pīⁿ-īⁿ) 出来(chhut-lâi) 看(khoàⁿ) 你(lí)。请(chhiáⁿ) 你(lí) 接待(chiap-thāi) 伊(i) 亲像(chin-chhiūⁿ) 接待(chiap-thāi) 我(goá) 一样(chi̍t-iūⁿ)。
你(lí) ê kiaⁿ Chha-lī

银行家(gîn-hâng-ka) chit-ē 看(khoàⁿ) tio̍h chit 张(tiuⁿ) 纸条(choá-tiâu) ê 内容(lāi-iông)，伊(i) 暂时(chiām-sî) 放下(pàng-hē) 工作(kang-chok)，带(toà) 伊(i) 到(kàu) 家己(ka-kī) ê 大厝(toā-chhù)，将(chiong) kiáⁿ 儿(jî) ê 房间(pâng-keng) hō͘ 伊(i) 用(ēng)，食饭(chia̍h-pn̄g) ê 时(sî)，也(iā) 是(sī) 坐(chē) tī kiáⁿ 所(só͘) 坐(chē) ê 椅(í) á 位(uī)。照顾(chiàu-kò͘) 伊(i) ê lim 食(chia̍h)，亲像(chin-chhiūⁿ) 照顾(chiàu-kò͘) 家己(ka-kī) ê kiáⁿ 一样(chi̍t-iūⁿ)。伊(i) 得(tit) tio̍h 充分(chhiong-hun) ê 歇困(hioh-khùn) kap 疼护(thiàⁿ-hō͘)，紧紧(kín-kín) 恢复(hoe-hok) 健康(kiān-khong)，chiah koh 送(sàng) 伊(i) 回(hoê) 到(kàu) 伊(i) 原来(goân-lâi) 服务(ho̍k-bū) ê 单位(tan-uī) 继续(kè-sio̍k) 为(uī) 国(kok) 效劳(hāu-lô)。

现在(hiān-chāi) 你(lí) beh 看见(khoàⁿ-kìⁿ) 我(goá) 所(só͘) 行(kiâⁿ) ê 事(sū)。(出埃及记6：1)


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com