《台语荒漠甘泉（汉罗版）》

 | | | 转寄

延迟kap苦难

作者 陈清俊 译 林俊育 汉罗翻写 2009.10.18

listen
十月十八(十月十八日)
「你(lí) 的确(tek-khak) tio̍h 知(chai)，你(lí) ê 后裔(hō͘-è) beh 出外(chhut-goā) tī 别人(pa̍t-lâng) ê 地(toē)，...Hit 位(uī) ê 人(lâng) beh 苦楚(khó͘-chhó͘) in 四百(sì-pah) 年(nî)。...后来(āu-lâi) in beh 带(toà) chōe-chōe 财物(châi-bu̍t) tùi-hia 出来(chhut-lâi)。」(创世记15：13-14)

我(goá) thang 肯定(khéng-tēng) 上帝(siōng-tè) 应允(èng-ún) hō͘ 我(goá) ê 福气(hok-khì) 中(tiong)，有(ū) 一部分(chi̍t-pō͘-hūn) 是(sī)「延迟(iân-tî)」kap「受苦(siū-khó͘)」。亚伯拉罕(A-pek-la̍h-hán) 一生(it-seng) 经历(keng-le̍k) 延迟(iân-tî)，看(khoàⁿ) loh ná 亲像(chin-chhiūⁿ) 上帝(siōng-tè) ê 应允(èng-ún) 永(éng) 无(bô) 实现(si̍t-hiān) ê 日(ji̍t)，伊(i) ê 后裔(hō͘-è) 经过(keng-koè) 长期(tn̂g-kî) ê iân-chhiân。但是(tān-sī) he 确实(khak-si̍t) 是(sī) 延迟(iân-tî)，当(tng) 应允(èng-ún) 实现(si̍t-hiān) lah，in 的确(tek-khak)「带(toà) 真(chin) chōe 财物(châi-bu̍t) tùi hia 出来(chhut-lâi)。」

上帝(siōng-tè) 用(ēng) 延迟(iân-tî) 来(lâi) 考验(khó-giām) 咱(lán)，koh kap 延迟(iân-tî) 作伙(choè-hé) 来(lâi) ê，iáu 有(ū) 苦难(khó͘-lān)。总是(chóng-sī) 经过(keng-koè) 这(che) 一切(it-chhè)，上帝(siōng-tè) ê 应允(èng-ún) iáu-kú 有效(ū-hāu)。我(goá) 有(ū) 伊(i) tī 基督(ki-tuk) ê 新约(sin-iok)，kap 伊(i) 答应(tap-èng) hō͘ 我(goá)，我(goá) 所(só͘) 需要(su-iàu) 细(soè) ê 应允(èng-ún)，hiah-ê iân-chhiân kap 苦难(khó͘-lān) 实际上(si̍t-chè-siōng) 是(sī) 应允(èng-ún) 福气(hok-khì) ê 一部分(chi̍t-pō͘-hūn)。愿(goān) 我(goá) 今(kin) á 日(ji̍t) 因为(in-uī) 延迟(iân-tî) kap 苦难(khó͘-lān) 来(lâi) o-ló 伊(i)；愿(goān) 我(goá) 会(oē)「勇壮(ióng-chòng)，...坚固(kian-kò͘)；...thèng 候(hāu) 耶和华(Iâ-hô-hoa)。」 (诗篇27：14) ――Charles Gallaudet Trumbull

苦心(khó͘-sim) 伤心(siong-sim) 久久(kú-kú) 长长(tn̂g-tn̂g)，
Chōe-chōe 年(nî) ê 祈祷(kî-tó) 无(bô) 断(tn̄g)？
信心(sìn-sim) 开始(khai-sí) 失去(sit-khì)？希望(hi-bōng) 开始(khai-sí) 失(sit) 光(kng)？
想(siūⁿ) 讲(kóng) 所(só͘) lâu ê 目屎(ba̍k-sái) lóng 无(bô) 算(sǹg)？
M̄-thang 讲(kóng) 天父(Thiⁿ-pē) 无(bô) 听(thiaⁿ) 你(lí) ê 祈祷(kî-tó)，
某时(bó͘-sî)，某地(bó͘-tē)，你(lí) beh 得(tit) tio̍h 你(lí) 所(só͘) ǹg。

Iáu-bōe 回(hoê)？M̄-thang 讲(kóng) 是(sī) 无(bô) 可能(khó-lêng)。
是(sī) 你(lí) ê 工作(kang-chok) iáu 未(boē) 完成(oân-sêng)。
当(tng) 你(lí) 开始(khai-sí) 祈祷(kî-tó) ê 时(sî)，工作(kang-chok) 就(chiū) 进行(chìn-hêng)，
上帝(siōng-tè) beh 完成(oân-sêng) 伊(i) bōe-soah ê 工程(kang-thêng)，
假使(ká-sú) 你(lí) 继续(kè-sio̍k) 烧香(sio-hiuⁿ)、祈祷(kî-tó)，
某时(bó͘-sî)，某地(bó͘-tē)，你(lí) beh 看见(khoàⁿ-kìⁿ) 伊(i) ê 光荣(kong-êng)。

Iáu-bōe 回(hoê)？有(ū) 信(sìn)，bōe 无(bô) 回应(hoê-èng)。
信(sìn) ê 双脚(siang-kha) khiā tiâu tī 石磐(chio̍h-poâⁿ) 顶(téng)，
Tī 狂风(kông-hong) 暴雨(po̍k-ú) 中(tiong) khiā 静静(chēng-chēng)，
Siōng 大声(toā-siaⁿ) ê 雷(luî) kòng，也(iā) bōe 摇动(iô-tāng) 变更(piàn-keng)，
知(chai) 全能(choân-lêng) ê 上帝(siōng-tè) 已经(í-keng) 听(thiaⁿ) 祈祷(kî-tó)，
某时(bó͘-sî)，某地(bó͘-tē)，hoah 讲(kóng)，「的确(tek-khak) 完成(oân-sêng)。」――Ophelia G. Browning


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com