《台语荒漠甘泉（汉罗版）》

 | | | 转寄

荒漠所在出水泉

作者 陈清俊 译 林俊育 汉罗翻写 2009.07.05

listen
七月初五 (七月五日)

「我(góa) beh 招呼(chio-ho͘) 伊(i)，chhōa 伊(i) 到(kàu) 旷野(khòng-iá)，用(ēng) 话(ōe) 安慰(an-uì) 伊(i)，我(góa) 也(iā) beh tùi-hia 赏赐(siúⁿ-sù) 伊(i) 葡萄园(phû-tô-hn̂g)。」 (何西阿2:14-15)

旷野(khòng-iá)，á 是(sī) 沙漠(soa-bô͘) 当然(tong-jiân) m̄ 是(sī) thang chhē tio̍h 葡萄园(phû-tô-hn̂g) ê 所在(só͘-chāi)。沙漠(soa-bô͘)，旷野(khòng-iá) 是(sī) 孤独(ko͘-to̍k) 偏僻(phian-phiah)，chhē 无(bô) 出路(chhut-lō͘) ê 所在(só͘-chāi)。咱(lán) 性命(sìⁿ-miā) ê 丰盛(hong-sēng) kiám 真正(chin-chiàⁿ) 会(ōe) tī 沙漠(soa-bô͘)，旷野(khòng-iá) 中(tiong) chhē tio̍h？M̄-nā 真正(chin-chiàⁿ) 会(ōe)，tī 第(tē) 15 节(iat) 讲(kóng)：「koh 赏赐(siúⁿ-sù) 伊(i) A-kat ê 山谷(soaⁿ-kok) 做(choè) ǹg 望(bāng) ê 门(mn̂g)；伊(i) beh ti-hia 应声(ìn-siaⁿ) kap 少年(siàu-liân) ê 日(ji̍t) 无(bô) 各样(koh-iūⁿ)。」A-kat 是(sī)「苦难(khó͘-lān)」ê 意思(ì-sù)，tī chia A-kat ê 山谷(soaⁿ-kok) 是(sī) 叫做(kiò-choè)「ǹg 望(bāng) ê 门(mn̂g)」。

Tio̍h,上帝(Siōng-tè) 知(chai) 咱(lán) 需要(su-iàu) 经历(keng-le̍k) 沙漠(soa-bô͘)，伊(i) 知(chai) tī 甚么(sím-mi̍h) 所在(só͘-chāi)，用(ēng) 甚么(sím-mi̍h) 方法(hong-hoat) hō͘ 咱(lán) 能(oē) 产生(sán-seng) 忍耐(jím-nāi) ê 美德(bí-tek)。人(lâng) 拜(pài) 偶像(ngó͘-siōng)、违背(uî-pōe)、反抗(hoán-khòng)，bōe 记得(kì-tit) 上帝(Siōng-tè)，讲(kóng)：「我(goá) beh tè 我(goá) 所(só͘) 恋爱(loân-ài) ê 人(lâng)」(何西阿2:5) beh 发见(hoat-kiàn) 前面(chêng-bīn) ê 路(lō͘) hō͘ 上帝(Siōng-tè) 所(só͘) 挡(tòng) tio̍h。「伊(i) beh 追(tui) jip 所(só͘) 恋爱(loân-ài) ê 人(lâng)，若是(nā-sī) jip-bōe-tio̍h」，(何西阿2:7)伊(i) 感觉(kám-kak) 失望(sit-bōng)，受(siū) 弃(khì) sak，上帝(Siōng-tè) 就(chiū) 会(oē) 讲(kóng)：「我(goá) beh 招呼(chio-ho͘) 伊(i)，chhōa 伊(i) 到(kàu) 旷野(khòng-iá)，用(ēng) 话(oē) 安慰(an-uì) 伊(i)。」

咱(lán) ê 上帝(Siōng-tè) 是(sī) 何等(hô-téng) ê 慈爱(chû-ài)！――tùi「幼屑(iù-sut) á」

咱(lán) 永远(éng-oán) m̄ 知(chai) 上帝(Siōng-tè) 将(chiong) 泉水(chôaⁿ-chuí) 藏(chhàng) tī tó 位(uī)，看(khòaⁿ) 是(sī) 一块(chi̍t-tè) 大(toā) 石头(chio̍h-thâu)，却(khiok) m̄ 知(chai) 下面(ē-bīn) 有(ū) 水泉(chuí-chôaⁿ)。看(khòaⁿ) 是(sī) 一片(chi̍t-phìⁿ) 岩石(giâm-chio̍h) 偏僻(phian-phiah) 所在(só͘-chāi)，无(bô) 想(siūⁿ) tio̍h 有(ū) 水泉(chuí-chôaⁿ)。伊(i) chhōa 咱(lán) tī 荒漠(hong-bô͘) 崎岖(khi-khu) ê 境界(kéng-kài)，chiah 知(chai) hia 有(ū) 长长(tn̂g-tn̂g) teh 流(lâu) 无(bô) 停(thêng) ê 泉水(chôaⁿ-chuí)。

附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com