《台语荒漠甘泉（汉罗版）》

 | | | 转寄

天门开

作者 陈清俊 译 林俊育 汉罗翻写 2009.06.28

listen 六月二八(六月二十八日)

「Tī 天里(thiⁿ-nih) 有(ū) 开门(khui-mn̂g)。」(启示录4:1)

咱(lán) 知(chai)，约翰(ioh-hān) 写(siá) chiah-ê 话(oē)，是(sī) 当(tng) 伊(i) 受(siū) 关监(koaiⁿ-kaⁿ) tī Poa̍t-mô͘ 小岛(sió-tó) 里(nih)。伊(i) tī hia 是(sī) 「为(uī) tio̍h 上帝(siōng-tè) ê 道(tō)，kap 耶稣(iâ-so͘) ê 干证(kan-chèng)。」(启示录1:9) Chit-ê 岛屿(tó-sū) 是(sī) 石头(chio̍h-thâu)，无(bô) 适合(sek-ha̍p) 人(lâng) khiā 起(khí) ê 监狱岛(kaⁿ-ga̍k-tó)。Tī 极(ke̍k) 困难(khùn-lân) ê 环境(khoân-kéng)，离开(lī-khui) 以(í) 弗(hut) 所(só͘) 众(chèng) 敬疼(kèng-thiàⁿ) ê 兄弟(hiaⁿ-tī)，bōe-thang tī 教会(kàu-hoē) 相(saⁿ) kap 敬拜(kèng-pài)，是(sī) kap 无(bô) 欢喜(hoaⁿ-hí) ê 囚犯(kiû-hoān) 做伙(choè-hé) 受(siū) 关监(koaiⁿ-kaⁿ)。上帝(siōng-tè) hō͘ 伊(i) 有(ū) 特别(te̍k-pia̍t) ê 恩典(un-tián)，tī 伊(i) 做(choè) 囚犯(kiû-hoān) ê 时(sî)，看见(khoàⁿ-kìⁿ) 天(thiⁿ) ê 门(mn̂g) 开(khui)。

咱(lán) 也(iā) 记得(kì-tit)，雅各(ngá-kok) 离开(lī-khui) 老父(lāu-pē) ê 家(ke)，tī 沙漠(soa-bô͘) 中(tiong) 困(khùn)，「梦见(bāng-kìⁿ) 有(ū) 梯(thui) khiā tī 地(toē) 里(nih)，梯顶(thui-téng) 抵(tú) 天(thiⁿ)；…耶和华(iâ-hô-hoa) khiā tī 梯顶(thui-téng)」(创世记28:12-13) 天门(thiⁿ-mn̂g) m̄-nā 对(tuì) chit 两人(nn̄g-lâng) 开(khui)，也(iā) 对(tuì) 真(chin) chōe 其他(kî-tha) ê 人(lâng) 开(khui)。Tī 世人(sè-jîn) ê 看法(khoàⁿ-hoat)，in 无(bô) 可能(khó-lêng) 得(tit) tio̍h chit 种(chióng) ê 启示(khé-sī)。总是(chóng-sī)，当(tng) 受掠(siū-lia̍h)、关监(koaiⁿ-kaⁿ)，hō͘ 锁链(só-liān) 缚(pak) teh，破病(phoà-pīⁿ) 倒(tó) tī 监床(kaⁿ-chhn̂g) 孤独(ko͘-to̍k)，离开(lī-khui) 上帝(siōng-tè) ê 大家庭(toā-ka-têng)，thang 看(khoàⁿ) tio̍h「天里(thiⁿ-nih) ê 门(mn̂g) 开(khui)」lah。

不过(put-kò) beh 看(khoàⁿ) 天门(thiⁿ-mn̂g) 开(khui) 是(sī) 有(ū) 条件(tiâu-kiāⁿ)，咱(lán) 必须(pit-su) 知(chai) án-chóaⁿ 是(sī)「受(siū) 圣(sèng) 神(sîn) 感动(kám-tōng)，」(启示录1:10)咱(lán) 必须(pit-su) 是(sī) 清气(chheng-khì) 心肝(sim-koaⁿ) ê 人(lâng)，(马太5:8) koh 会(oē) 遵行(chun-hêng) 上帝(siōng-tè) 旨意(chí-ì)。咱(lán) 必须(pit-su) 愿意(goān-ì)「看(khoàⁿ) 万事(bān-sū) 做(choè) 损害(sún-hāi)，因为(in-uī) 我(goá) 掠(lia̍h) bat 我(goá) ê 主基督耶稣(chú-ki-tok-ia-so͘) 做(choè) 第一(tē-it) 好(hó)。」(腓立比3:8)了后(liáu-āu) 一旦(it-tàn) 对(tuì) 咱(lán) 上帝(siōng-tè) 是(sī) 一切(it-chhè)，是(sī) 全部(choân-pō͘)，「咱(lán) tiàm-tī 伊(i) 来(lâi) 活(oa̍h)，来(lâi) 振动(tín-tāng)，来(lâi) tī-teh；」(使徒行传17:28) 天门(thiⁿ-mn̂g) 也会(iā-oē) tī 咱(lán) 面前(bīn-chêng) phah 开(khui)。――tùi「每日(muí-ji̍t) 灵修(lêng-siu)」

荒芜(hong-bû) 秃头(thuh-thâu) 山(soaⁿ)，
伊(i) chhōa 咱(lán) 到(kàu) hia tòa,
Tī 山崖(soaⁿ-gâi) suh 新鲜(sin-sian) 空气(khong-khì) 无(bô) soah,
透早(thàu-chá) 有(ū) 高峰(ko͘-hong) ê 笑面(chhiò-bīn) 做伴(choè-phoā)。

黄黄(n̂g-n̂g) 广阔(kóng-khoah) 沙漠(soa-bô͘)，
一片(chi̍t-phìⁿ) 沙(soa)，一片(chi̍t-phìⁿ) 荒埔(hong-po͘)，
Tī hia, 伊(i) 放落(pàng-lo̍h) 天幕(thiⁿ-bō͘)，
Hō͘ 天上(thiⁿ-siōng) 显露(hián-lō͘)。



附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com