《赖永祥讲书》

 | | | 转寄

《教会史话》(1_070)标天才ê回忆

作者 赖永祥 2008.11.16

标天才是白水溪初代ê传道师。甘为霖牧师tī白水溪遭难ê时，伊mā tòa tī礼拜堂ê宿舍。伊回忆着hit时ê情形，讲kah chiâⁿ趣味。

「甘牧师tòa tī白水溪礼拜堂宿舍，时间已经过了半暝a，突然间有匪贼群手the̍h武器，放火包围教会一直喊： 红毛蕃！今仔日要你ê命啦！」 chit ê时chūn两ê人邦是真惊惶，神不附体。好加在甘牧师机智非凡，紧将毛毡内面ê棉被卷做一丸，tàn出去礼拜堂外hō͘匪徒kè-sī甘牧师本人已经走出去＝a。匪徒一看着棉被soah全部拢围过去，相争beh下手，用刀枪乌白phut，in两ê人chiah趁chit ê机会ùi礼拜堂围篱ê缝偷走＝去。甘牧师暗是teh困ê时tiâⁿ-tiâⁿ拢无穿外裤，走出包围阵了后，一时看无天才，tī黑暗中摸真久，chiah发视tī黑暗ê树丛中有一ê物件leh阵动，甘牧师kè-sī匪徒藏leh hia，就摩拳擦掌作一决鬪ê姿势。表情真紧张，等到发现是天才ê时chūn，甘牧师一时bōe冻kā攻击ê姿势变做怀柔ê态度，所以iáu是气phut-phut讲：天才啊！.今仔日你险险á为着我失去一条姓命，.两个人tī惊险中互相发现平安无事，感激相lám leh哭。甘牧师借用天才ê裤子，匆匆起程，跋涉崎岖ê山路，到隔tńg工ê黎明才赶到嘉义县衙门去报案。不料衙门办公ê时间iáu未到，有守卫者tú睡醒，手the̍h一支长柄烟斗，悠然地应接；iáu bōe听详细，就懒洋洋ê叹口气讲“「拢是你这ê红毛蕃ê事情」。甘牧师看衙役真无诚意、一时气bōe冻忍，当场着发脾气，向桌顶当一下，hoah讲beh马上见县老爷。到chia来，衙役才知道代志无好＝a，赶紧入去恭请县座 出厅听案，县座看甘牧师是一ê外国人，而所叩县臣出厅听案。县座看甘牧师是一ê外国人，伊所讲ê情形，又确实是真严重，马上着派一队卫兵护送甘牧师tńg去台南」。

据李嘉嵩撰「100年来」第一章，标天才是嘉嘉嵩阿祖辈ê人，bat追随甘为霖牧师为导游，也兼作kōaⁿ行李e kap厨师传道助手。李嘉嵩ê阿叔昆峰，长老教中学ê校友，曾牧岗林教会多年。李昆峰为着「长荣中学70周年校庆纪念特刊」（民国54年刊），写了一篇「60年前一母校的回顾（由李嘉嵩代述记），对甘为霖牧师是真佩服。云：各位校长内面，情感丰富奇特，行动变化万千，趣话无穷ê，就是甘为霖牧师.....。标天才是李昆峰ê舅公，所以就kā标天才ê回忆谈写落来（见该刊105页）。 　
《台湾教会公报》 1950期 主后1989年7月16日