《赖永祥讲书》

 | | | 转寄

《教会史话》(1_097)杜嘉德听着呼声

作者 赖永祥 2009.05.17

保罗tī特罗亚看着异象，有一ê马其顿人恳求讲「到马其顿来帮助阮」，chiah想beh ùi马其顿去，以为上帝召阮beh传福音hō͘ hia ê人听（使徒行传16章8至10节）。台湾beh开港ê消息传开，有谁肯来台湾传福音。

英国长老教会往厦门已经有宣道站a，1858年资深ê宣教师杜嘉德（Carstairs Douglas），tī热天坐船ùi宁波落来，bat tī óa台湾北角停航一、二kang，记下：「此岛山岭的美丽，吸引了我，虽然没有机会亲访田禾丰茂人口众多的平地」（据他10月24函）

1860年（咸丰10年），杜嘉德牧师kap驻汕头ê金辅尔牧师（Hur Libertas Mackenzie），由两位信徒陪同，ùi厦门坐「亚细亚号」三樯帆舰来到沪尾（淡水），并访问艋舺。伊bat记载chit摆旅行ê经过云：「阮tī 9月19日离开厦门，24日平安来到本港（指淡水港）。阮chhōa来ê厦门信徒两位kap册真多。顶礼拜tī chit区传福音。我无啥清楚荷兰人二百年前占据chit-ê岛ê时是m̄是有tī chia传道过，m̄-koh我相信che是tùi hit当chūn以来第一摆tī岛上传扬福音。船只所停留ê所在，外国人教做淡水，本地人称沪尾，有几条蜿蜒长街，人口可能有四五千，m̄-koh tī hia停留ê短短几天，是真歹作正确ê估计ê。 阮koh bat访问过艋舺，是附近唯一ê大市镇，ti6淡水上游约10哩，是tī一片美丽ê平地，四面hō͘山岭所包围，干taⁿ有几条河流ê缺口……整个地区拢是福建漳厦一 带来ê移民，讲河洛话，全岛也以河洛语为普遍。为着这ê理由，而且chit-ê所在常常有外国船只kap当地人民接触，应该是ài由厦门已经建立ê教会来担任传道工作。Hāⁿ过海峡，mā是通行同样ê语言，感觉真无平常。Tī大陆隔了一百哩，就使咱感觉言语不通a。因此，阮耳孔中kan-ná听着一种强烈ê呼召：『到chia来帮助阮』 ，一直到福音tī chia发扬光大起来」（据杜嘉德在是年10月1日在亚细亚号船上所写的信）。

杜嘉德就常常写信向母会鼓吹到台湾去传教，母会传道委员会也总算批准了台湾宣教ê方案，起初ê计划，规模真细，先派二位宣教师，其中一位须要有医药技术。

明有德牧师（Hugh MacmiIlan） tī 1953年刊「台湾今昔」（Then till now in Formosa），1963年增订为「在台湾的最初一世纪」（First Century in Formosa）；两书tī伊ê第3章讲起近代宣教ê开始，就以1860年杜嘉德ê访台为首，并附有杜嘉德1862年3月11日自厦门发出鼓吹在台传教函件ê影照一张。

《台湾教会公报》 1982期 主后1990年2月25日