《Lahjih寓言》

 | | | 转寄

049_chhiám, 风kah日头相输

作者 萧平治, 汉罗Ruby版处理：Lîm Chùn-io̍k 2020.12.06


hong(风) bî-bî(微微) á chhoe(吹) sī(是) chiok sóng-khoài(爽 快) ， hong(风) nā(若) piàⁿ-miā(拚 命) chhoe(吹) ，ē kiaⁿ(惊) sí(死) lâng(人) ； ji̍t-thâu(日 头) chhiō kng(光) sàng(送) un-loán(温 暖) ， kôaⁿ-.lâng(寒 人) ji̍t-kng(日光) chin(真) sio(烧) 烙， joa̍h-.lâng(热 人) iām(炎) thiⁿ(天) chhiah(赤) ji̍t-thâu(日 头) ，hō͘ lâng(人) chhàu(臭) kōaⁿ(汗) it-ti̍t(一直) lâu(流) 。

ū(有) chi̍t(一) kang(工) ， hong(风) chio(招) ji̍t-thâu(日 头) sio(相) su(输) ， khòaⁿ(看) siáng ê ui-le̍k(威力) khah lī-hāi(厉害) ，in soán(选) chi̍t-ê(一个) kòe-lō͘(过路) lâng(人) chò(做) bo̍k-piau(目 标) ， khòaⁿ(看) siâng ū(有) hoat-tō͘(法 度) hō͘ i(伊) kā saⁿ(衫) 褪 tiāu(掉) 。

hong(风) bî-bî(微微) á chhoe(吹) ， kòe-lō͘(过路) lâng(人) saⁿ(衫) bô(无) liú(钮) ， kám-kak(感 觉) chiâⁿ sóng-khoài(爽 快) 。 hong(风) khai-sí(开 始) thàu(透) tōa-hong(大 风) ， kòe-lō͘(过路) lâng(人) kóaⁿ-kín(赶 紧) kā saⁿ-liú(衫钮) liú(钮) hō͘ hó(好) 。M̄-siàn-siàⁿ， hong(风) koh-khah chhut-la̍t(出 力) chhoe(吹) ， chhin-chhiūⁿ(亲 像) chò(做) hong-thai(风 台) ， kòe-lō͘(过路) lâng(人) soah cháu(走) tńg khì(去) tha̍h chi̍t(一) niá(领) gōa-thò(外 套) ，thoah liān(链) thoah ân-ân，sian chhoe(吹) to(都) chhoe(吹) bē lo̍h-.lâi(落来) 。

Koh lâi(来) ， ōaⁿ(换) ji̍t-thâu(日 头) tián(展) kang-hu(功 夫) ， ji̍t-thâu(日 头) tián-khui(展 开) chhiò-iông(笑 容) ， un-tō͘(温度) chiām-chiām(渐 渐) sio(烧) 烙， kòe-lō͘(过路) lâng(人) kā gōa-thò(外 套) thǹg tiāu(掉) 。 ji̍t-thâu(日 头) kng(光) ná lâi(来) ná iām(炎) ， kòe-lō͘(过路) lâng(人) khai-sí(开 始) lâu-kōaⁿ(流 汗) ， un-tō͘(温度) ná koân， kōaⁿ(汗) soah chho̍p-chho̍p-tin，kui-khì kā saⁿ(衫) thǹg tiāu(掉) ， hiám-hiám(险 险) á kā lāi-khò͘(内裤) mā thǹg tiāu(掉) ，to̍h thiàu(跳) lo̍h-.khì(落去) chúi-tî(水池) siû-chúi(泅 水) 。

㊣ gū - ì(寓意) ： pà-tō(霸道) kiông-pek(强 迫) bô(无) it-tēng(一 定) ē iâⁿ(赢) ， tián-hiān(展 现) si̍t-le̍k(实力) 、 jia̍t-chêng(热 情) chiah sī(是) pún-téng(本 等) 。

注解：
微微á（bî-bî-á）：[稍微、一点点]
烧烙（sio-lo̍h）：[温暖]
寒人（kôaⁿ-.lâng）：[冬天]
热人（joa̍h-.lâng）：[夏天]
相输（sio-su）：[打赌、比输赢]
谁（chiâ）：[谁]
hō͘伊kā衫褪掉（予i 共saⁿ thǹg-tiāu）：[让他将衣服脱掉]
衫无钮（saⁿ bô liú）：[上衣钮扣没扣]
M̄-siàn-siàⁿ（毋信圣）：[不信邪]
tha̍h一领外套（叠chi̍t-niá gōa-thò）：[加穿一件外套]
thoah链thoah ân-ân（挩liān挩絚絚）：[拉链拉紧]
ná来ná炎（那lâi那iām）：[越来越炎热]
chho̍p-chho̍p-tin（嘈嘈滴）：[滴滴答答滴个不停]
kui气（规气）：[干脆]
险险á（hiám-hiám-á）：[差一点点]
本等（pún-téng）：[本领、本事]