《Lahjih寓言》

 | | | 转寄

212-chiam, 蝉chhòng-tī鸡公

作者 萧平治, 汉罗Ruby版处理：Lîm Chùn-io̍k 2020.03.22





joa̍h-.lâng(热 人) ji̍t-thâu(日 头) tng(当) iām(炎) ， siâm(蝉) á chhiū-téng(树 顶) hoaⁿ-hí(欢 喜) chhiùⁿ-koa(唱 歌) ， lāu-jia̍t(闹 热) kún-kún(滚 滚) ， ke-kang(鸡 公) chhiū(树) kha nah-liâng(纳 凉) ， chhiu-chhìn(秋 凊) peh-ha， khùn(困) ka-chōe， tó(倒) tī thô͘(土) kha。

「Sia̍k sia̍k sia̍k sia̍k！sia̍k sia̍k sia̍k sia̍k！」 ji̍t-thâu(日 头) jú mé(猛) jú chhiùⁿ(唱) jú hiáng(响) 。 ke-kang(鸡 公) péng chi̍t-ē(一下) sin(身) ， kám-kak(感 觉) ná-ē chiah-ni̍h chhò(噪) lâng(人) hīⁿ(耳) ，taⁿ thâu(头) chi̍t(一) khòaⁿ(看) ， goân-lâi(原 来) sī(是) siâm(蝉) á teh hoaⁿ-hí(欢 喜) chhiùⁿ-koa(唱 歌) 。

ke-kang(鸡 公) sim(心) siūⁿ(想) chi̍t(一) kè(计) ，ná-m̄ koái(拐) in poe(飞) lo̍h-lâi(落 来) hō͘ góa(我) chia̍h(食) tiám-sim(点 心) ：「 siâm(蝉) á siâm(蝉) á，lín ê koa-siaⁿ(歌 声) ū(有) kàu(够) hó(好) thiaⁿ(听) ， chiat-chàu(节 奏) khin-khoài(轻 快) ， siaⁿ-ūn(声 韵) chin(真) tiⁿ(甜) ， chhiáⁿ(请) lín lo̍h-lâi(落 来) thô͘(土) kha， chhiùⁿ(唱) hō͘ goán(阮) thiaⁿ(听) hó-.bô(好无) ？」 「 ū-iáⁿ(有影) oh，án-ne to̍h chhiáⁿ(请) lí(你) kè-sio̍k(继 续) him-sióng(欣 赏) ！」

「 lo̍h-.lâi(落 来) lah， lo̍h-lâi(落 来) thô͘(土) kha chhiùⁿ(唱) ，khah tōa-siaⁿ(大 声) ，án-ne thiaⁿ(听) khí-.lâi(起 来) ke(加) chin(真) sòa-phah。」

「 chèng(众) hiaⁿ-tī(兄弟) ， chhian-bān(千 万) m̄-thang lo̍h-.khì(落去) ，he ke-kang(鸡 公) chāi-lâi(在 来) lóng sī(是) teh kā lán(咱) khi-hū(欺负) ，pō͘-pîn án-ne kā lán(咱) o-ló， kî-tiong(其 中) pit-iú(必有) iân-kò͘(缘故) 。」
㊣ khé-sī(启示) ： tiⁿ-giân(甜 言) bi̍t-gí(蜜语) m̄-thang gō͘-kái(误解) sī(是) kim-giân(金 言) gio̍k-gí(玉 语) ， hoa-giân(花 言) khá-gí(巧语) tiāⁿ(定) tio̍h bô(无) an(安) hó-sim(好 心) 。

注解：
纳凉： [乘凉]
秋凊（chhiu-chhìn）：[凉爽]
peh-ha：[打哈欠]
困ka-chōe：[睡着了]
ná-ē chiah-ni̍h（哪会遮尔）： [怎么这么]
噪人耳（chhò-lâng-hīⁿ）：[吵人清静]
ná-m̄（哪毋）：[怎么不]
拐（koái）：[拐骗]
sòa-phah（续拍）：[流利、乘势]
pō͘-pîn（暴凭）：[突然]
o-ló（呵咾）：[赞美]