《押韵启应诗篇》

 | | | 转寄

台语押韵启应诗篇 27

作者 Tīⁿ Jî-gio̍k 2006.07.09

Tāi-pi̍t ê si.

1a　Iâ-hô-hoa sī góa ê kng, sī góa ê pang-bâng,
　　耶 和 华　是　我　的 光， 是　我　的 帮　忙，
　　góa beh kiaⁿ siáⁿ-lâng?
　　我　要　惊 　啥　人?
1b　　　Iâ-hô-hoa sī góa ê oa̍h-miā, góa ê la̍t; góa beh kiaⁿ siáⁿ-lâng?
　　　　耶 和 华　是　我　的 活　命，我　的 力；我　要　惊　啥　人？


2a　Hiah -ê chòe pháiⁿ ê lâng,
　　彼　些 做　坏　的 人，
2b　　　Chiū-sī góa ê oan-siû-lâng, góa ê tùi-te̍k teh chhōe phāng,
　　　　就　是　我 的 冤　仇　人， 我　的 对　敌　在 找　缝，


2c　Lâi kong-kek góa, beh chia̍h góa ê bah,
　　来　攻　击　我， 要　吃　我　的 肉，
2d　　　Hit-sî in chiū tio̍h-tak poa̍h tī thô͘-kha.
　　　　彼　时　伊　就　着　触　跋　在 土　脚。


3a　Sui-jiân ū kun-peng chat-iâⁿ hán-hoah, beh kong-kek góa,
　　虽 然 有 军 兵 扎 营 喊 喝 ， 要 攻 击 我，
3b　　　Góa ê sim ia̍h bô kiaⁿ-hiâⁿ lâi iô-choah;
　　　　我 的 心 亦 不 惊 惶 来 摇 泏；


3c　Sui-jiân heng-khí to-peng kong-kek góa,
　　虽 然 兴 起 刀 兵 攻 击 我，
3d　　　Góa iû-goân chū-chāi bô-choah.
　　　　我 犹 原 自 在 无 泏 。


4a　Ū chi̍t-hāng sū góa bat tùi Iâ-hô-hoa kiû,
　　有 一 项 事 我 曾 对 耶 和 华 求，
4b　　　Góa iû-goân tì - ì ài tit-tio̍h ê sū -iû ,
　　　　我 犹 原 致 意 要 得 着 的 事 由，


4c　Chiū-sī chi̍t-sì-lâng khiā-khí Iâ-hô-hoa ê chhù,
　　就 是 一 世 人 居 起 耶 和 华 的 厝，
4d　　　Khòaⁿ I ê êng-kng, siàu-liām I ê tiān ê êng -ū .
　　　　看 他 的 荣 光，思 念 他 的 殿 之 荣 誉。


5a　In-ūi hoān-lān ê ji̍t, I beh àm-chīⁿ pó-hō͘ góa tī I ê tiùⁿ-ûi-lāi;
　　因为 患 难 的 日, 他 曾 暗 静 保 护 我 在 他的帐 围 内；
5b　　　Chiong góa khǹg tī I pò͘-pîⁿ khàm-ba̍t ê só͘-chāi;
　　　　将 我 放 在 他 布 棚 盖 密 的 所 在；
　　　　kú-khí góa tī chio̍h-pôaⁿ-téng khiā-chāi.
　　　　举 起 我 在 石 磐 顶 立 在。


6a　Taⁿ góa ê thâu-khak tit-tio̍h kia̍h-khí,
　　今 我 的 头 壳 得 着 举 起，
6b　　　Khah koân tī góa sì-bīn ê tùi-te̍k chiàn-kî .
　　　　较 高 于 我 四 面 的 对 敌 战 旗。


6c　Góa beh tī I ê pò͘-pîⁿ hiàn hoaⁿ-hí ê chè chhiùⁿ-koa,
　　我 要 他 的 布 棚 献 欢 喜 的 祭 唱 歌，
6d　　　Góa beh gîm-si , ia̍h beh chhiùⁿ-koa o -ló Iâ-hô-hoa.
　　　　我 要 吟 诗，亦 要 唱 歌 赞 美 耶 和 华。


7a　Iâ-hô-hoa ah, góa chhut-siaⁿ kiû-kiò ê sî , kiû Lí thiaⁿ.
　　耶 和 华 啊，我 出 声 求 叫 的 时，求 Ｌｉ２　听。
7b　　　Koh kiû Lí lîn-bín góa, ìn góa ê siaⁿ.
　　　　又 求　Ｌｉ２怜 悯 我， 应 我 的 声。


8a　Lí bat kóng, lín tio̍h him-bō͘ kìⁿ Góa ê bīn,
　　Ｌｉ２　曾 说， 恁 着 欣 慕 见 我 的 面，
8b　　　Hit-sî góa ê sim tùi Lí kóng kín-kín,
　　　　彼 时 我 的 心 对　Ｌｉ２讲 紧 紧，


8c　Iâ-hô-hoa ah , góa beh him-bō͘ kìⁿ Lí ê bīn,
　　耶 和 华 啊， 我 要 欣 慕 见Ｌｉ２的 面，
8d　　　M̄-thang tùi góa ng Lí ê bīn.
　　　　不 通 对 我 掩　Ｌｉ２的 面。


9a　M̄-thang siū-khì lâi kóaⁿ Lí ê lô͘-po̍k hō͘ goán put-an,
　　不 通 怒 气 来 赶　Ｌｉ２ 的 奴 仆 使 阮 不 安，
9b　　　Lí pêng-sò͘ sī chòe góa ê pang-chān.
　　　　Ｌｉ２平 素 是 作 我 的 帮 助。


9c　Kiù góa ê Siōng-tè ah , m̄-thang pàng-sak góa,
　　救 我 的 上 帝 啊， 不 通 放 舍 我，
9d　　　Ia̍h m̄-thang lī-khui góa.
　　　　亦 不 通 离 开 我。


10a　In-ūi pē-bú lī-khui góa,
　　因 为 父 母 离 开 我，
10b　　　Iâ-hô-hoa beh siu-liû góa.
　　　　耶 和 华 要 收 留 我。


11a　Iâ-hô-hoa ah , kiû Lí ēng Lí ê tō-lō͘ chí-sī góa chi̍t-pō͘ chi̍t-pō͘ .
　　耶 和 华 啊，求　Ｌｉ２用　Ｌｉ２的 道路 指 示 我 一 步 一 步。
11b　　　In-ūi góa ê tùi-te̍k ê iân-kò͘, chhōa góa tī pîⁿ-tháⁿ ê lō͘.
　　　　因为 我 的 对 敌 的 缘 故，领 我 在 平 坦 的 路。


12a　M̄-thang chiong góa kau hō͘ tùi-te̍k,
　　不 通 将 我 交 给 对 敌，
12b　　　Chiâⁿ in ê sim-goān chòe sim-sek.
　　　　成 伊 的 心 愿 作 欣 适。


12c　In-ūi lām-sám kan-chèng ê lâng khí-lâi kong-kek góa,
　　因 为 滥 糁 干 证 的 人 起 来 攻 击 我，
12d　　　In ia̍h thò͘-chhut hiong-ok ê ōe ná teh thâi-koah.
　　　　伊 亦 吐 出 凶 恶 的 话 若 在 杀 割。


13a　Góa nā m̄-sìn tī oa̍h-lâng ê tōe ê chiu-ûi,
　　我 若 不 信 在 活 人 的 地 的 周 围，
　　tit-tio̍h khòaⁿ-kìⁿ Iâ-hô-hoa ê un-hūi,
　　得 着 看 见 耶 和 华 的 恩 惠，
13b　　　Chiū-sī tek-khak choa̍t-bāng bô khùi.
　　　　就 是 的 确 绝 望 没 气。


14a　Tio̍h thèng-hāu Iâ-hô-hoa, tio̍h ióng-chòng,
　　着 等 候 耶 和 华， 着 勇 壮，
　　lí ê sim tio̍h kian-kò͘ bô soah,
　　你 的 心 着 坚 固 无 息，
14b　　　Si̍t-chāi tio̍h thèng-hāu Iâ-hô-hoa.
　　　　实 在 着 等 候 耶 和 华。