《苏老师 ê 台语教室》

 | | | 转寄

梦境

作者 吕王真 2024.01.21

梦境 吕王真
我有一段一生无法放bē记，不可思议ê代志竟然发生tī我ê身上，我出世tī
一ê大家庭--里，兄弟姊妹有十一ê，我排最后一ê，当我十五岁hit年我ê三
嫂生第五胎ê时阵，当时落大雨无去病院也无叫产婆，囡仔生出来了后突然
大出血最后离开世间，留落五ê细囝一ê十岁一ê tú出世，五ê囡仔着hō͘我
kah阿娘来照顾，到一年后有一暝我半睡半醒ê时，我听着客厅ê门一声开门
ê声音，也有跤步声行入房间，又有听着开房门ê声，一下仔阁听着跤步
声，一步一步行到我ê床头就坐落来，手提一杯水着对我讲：细汉姑这杯水
hō͘你啉，我ê手kah伊ê手有接触着，竟然是冰--ê，然后伊阁转去伊ê房
间，当时我惊kah走去阮四嫂ê房间bih--起来，犹有一摆我捾菜篮仔去挽敏
豆仔，三嫂阁来ah，伊提敏豆khǹg tī我ê手，我ê手摸伊ê手也是冰--ê，
后来有人讲伊是来kā我报恩ê原因，因为我kah阿娘照顾伊hit五ê囡仔，真
正是人生无常。