《苏老师 ê 台语教室》

 | | | 转寄

台南文贤国小2018台语名号诗

作者 文贤国小ê学生 2018.05.06

指导老师：苏晏德
2018年文贤国小毕业生

我名叫做谢亚筑iok
有时去庙看戏剧
想欲家己学作曲
佮意媠媠的孔雀
逐家讲我穿足俗
上强科目是体育
别人讲我袂软弱
生日全家会庆祝

我名叫做吴沛玹ian
佮意大肠包香肠
快乐逍遥像神仙
上盖意爱食海鲜
欢喜朋友来结缘
有钱想欲买金链
阮的学校是文贤
上爱台语佮自然

柏丞外号陈清牧ok
逐工拢总真快乐
大汉想欲去外国
朋友真济袂寂寞
上爱去看梅花鹿
看着昆虫会记录
电影爱看风之谷
若写功课足快速

姿晴外号林绵红ang
我是快乐台南人
放假时阵上轻松
上惊野外虎头蜂
足爱看人练气功
讨厌功课伤济项
有闲会去安平港
上盖爱食三星葱

宥娴外号林美妆ng
逐工上爱佮人耍
放假想去动物园
有钱意爱买彩劵
上盖爱食乌瓮串
困的眠床爱足软
食饭一定爱配汤
大汉想欲学插秧

我名叫做王宜瑧in
热天上爱食冰品
爱食海味佮山珍
做事轻快阁认真
阮有一条媠围巾
做人努力阁勤慎
大汉想欲好婚姻
对待爸母足感恩

我名叫做杨佳沛ai
细汉佮意去拜拜
大汉足爱去买菜
平时爱看篮球赛
学校社团是弄狮
水果上爱食水梨
梦想想欲大发财
理想向望环世界

子芊外号李美声ia
为着成绩想欲赢
每日功课认真写
虽然算术真讨厌
毋过阮拢无咧惊
阁较艰苦嘛会拚
将来成就满府城
美声予人好探听

我名叫做黄淇芬un
大汉想欲学驶船
蹛伫仁德保安村
做人认真守本分
水果逐工拢一份
食饭上爱配芦笋
有闲佮意读课本
考试想欲一百分

我名叫做陈宣廷ing
热天上爱食礤冰
秋天意爱去赏樱
透早拢会啉牛奶
甜点佮意食布丁
逐工暗时拢闲闲
假日想欲去游泳
逐摆功课拢完成

我名叫做林颂卉ui
看着食物喙就开
热天上爱啉冰水
上盖佮意食咸梅
上惊食济会碍胃
做人认真有智慧
生做古锥人真媠
袂讲别人的是非

恒诚外号郭安世e
细汉佮意看火鸡
厝内衫裤我会洗
热天上爱啉红茶
大汉想欲学骑马
有钱想欲买新鞋
平常我拢会读册
以后想欲去西螺

耀杰外号柳文豪o
平时爱食鸡卵糕
做人正直守真道
歇热想去龟山岛
上盖尊敬阮阿母
大汉想欲饲天鹅
踢球技术有够好
希望以后钱洘洘

我名叫做蔡旻谕u
蹛伫台南仁德区
大汉欲做好丈夫
平时伫家会读书
若写功课会tuh龟
热天上爱啉沙士
上盖佮意看美女
上惊看着死鸟鼠

我名叫做黄诗瑄uan
蹛伫仁德保安村
阮的家庭足温暖
食饭上爱配贡丸
事事项项拢圆满
上盖爱去彩卷馆
有钱想欲买彩卷
若我上盖爱台湾

我名叫做陈品学ak
做人老实册会读
规规举举袂白目
做事认真阁正确
大汉欲去读大学
旅行想欲去台北
佮意英文和音乐
运动上盖有把握

我名叫做陈柏凯ai
看着神明拢会拜
以后想欲学种菜
梅仔咸咸我上爱
水果佮意食凤梨
平时爱看跤球赛
逐工做梦想发财
若趁有钱游世界

文琳外号刘文郊au
早顿佮意食肉包
上爱动物着是狗
假日意爱耍电脑
无聊想欲食涂豆
自然国语上盖gâu
逐工拢会来学校
上盖讨厌是贼偷

顶荣外号李文智i
蹛伫仁德三甲里
透早佮意啉牛奶
暗时意爱看天星
上盖爱食关庙面
拄着数学就放弃
阮兜上爱讲台语
大汉想欲做名医

秋玉外号王温儒u
蹛伫仁德的田厝
上盖佮意看老鼠
我有真济的文具
台语课程有兴趣
平时爱看故事书
上爱看人练跳舞
大汉想欲饲乳牛