巴克礼普世版（试读本） 路加福音第二十二章
陷 害耶稣ê阴谋 (太26：1-5，14-16；可14：1-2，10-11；约11：45-53)
1除 酵 节，mā叫 做Pôaⁿ过 节，teh-beh到。2祭司长kah经 学 教 师因为惊人民反 弹，所以chhōe看有甚 么办 法thang害死耶稣。
犹大同意出-卖耶稣 (太26：14-16；可14：10-11)
3撒旦入tī hit-ê叫 做加略ê犹大，伊是十二使徒ê一个；4就 去kah chiah-ê祭司长以及圣 殿ê守卫 官做伙参 详，看beh用 甚 么方 法将耶稣交hō͘ in。5 In真 欢 喜，约 定beh hō͘伊钱。6犹大同意，就chhōe机会当人民无tī in中 间ê时，将耶稣交hō͘ in。
准 备Pôaⁿ过 节ê晚 餐 (太26：17-25；可14：12-21；约13：21-30)
7除 酵 节到à，hit日tio̍h thâi Pôaⁿ过 节ê羊羔。8耶稣差彼得kah约 翰讲：「Lín去准 备Pôaⁿ过 节ê晚 餐。」9 In两个问 讲：「祢ài阮去甚 么所 在准 备？」10耶稣应 讲：「Lín入去城内就会tú-tio̍h一个 人kōaⁿ水 瓶。Lín tòe伊入去hit间厝，11 kā hit间厝ê主 人讲：『老师teh问，他beh kah使徒食Pôaⁿ过 节晚 餐ê客 厅tī tó位？。』12 Hit-ê人会报lín看 楼 顶一 间已经布置好势ê大 厅。Lín tio̍h tī hia准 备。」13 In去，果 然ta̍k项lóng照耶稣所kā in讲ê。In就tī hia准 备Pôaⁿ过 节ê晚 餐。
主ê晚 餐 (太26：26-30；可14：22-26；约11：23-25)
14晚 餐ê时间到，耶稣就kah使徒做伙坐 桌。15耶稣对in讲：「Tī受害chìn前，我真意爱kah lín食chit-ê Pôaⁿ过 节ê晚 餐。16我kā lín讲，tī上 主ê国度实 现以 前，我bē koh食chit款ê晚 餐。」17耶稣kā杯接 过 来，祝 谢了 后，讲：「Lín phâng chit-ê杯去 分hō͘ ta̍k家lim。18我kā lín讲，tùi chit-má起直到上 主ê国度来临，我绝 对bē koh lim chit款ê葡萄 汁。」19然 后耶稣the̍h饼祝 谢了 后peh开the̍h hō͘ in，讲：「Chit-ê是我ê身 躯，为tio̍h lín来 献ê，lín tio̍h án-ne做来记 念我。」20食了 后koh phâng杯祝 谢，讲：「Chit-ê杯是新约，用我为tio̍h lín流ê血来设立ê盟 约。21 Lín看！beh出 卖我hit-ê人kah我做伙伸 手tī桌 顶。22因为人 子会 照上 主所定tio̍h ê来离开世间，m̄-koh出 卖人 子hit-ê人有灾祸！」23 In就 互 相问 来问 去，ài beh知in中 间啥 人会做chit-ê tāi-chì。
啥 人Siōng大ê争 论
24 In有teh争 论，看in中 间啥 人算siōng大。25耶稣就kā in讲：「外 邦 人ê君 王做 主来治理人民；统 治 者叫 做恩 主。26 M̄-koh lín就m̄是án-ne，lín中 间做 大ê tio̍h亲 像序细，做 头 人ê tio̍h亲 像差 用ê。27甚 么 人做 大？是坐 桌ê人 客，á是服务ê人？Kám m̄是坐 桌ê人 客？M̄-koh我tī lín中 间亲 像teh做服务ê人。28 Lín tī试 探 中常 常kah我做伙。29我ê天父用王ê权 柄hō͘我，我mā beh án-ne将王ê权 柄hō͘ lín。30 Hō͘ lín thang tī我ê国度kah我做伙坐 桌lim食，koh坐tòa宝座来 审 判以色列十二个支 族。」
预言彼得M̄认主 (太26：31-35；可14：27-31；约13：36-38)
31耶稣koh讲：「西门，西门ah，你 看，撒旦已经得tio̍h允 准，beh亲 像簸麦án-ne kā lín簸。32 M̄-koh我有替你祈祷，hō͘你bē失去信 心。你回 心 转意了 后，tio̍h坚 固你兄弟ê信 心。」33彼得应 讲：「主ah，我准 备便 便beh kah祢去 坐监，kah祢做伙死。」34耶稣kā伊讲：「彼得ah，我kā你讲，今á日鸡Iáu未啼以 前，你会三pái m̄认我。」
钱袋kah刀 剑
35 耶稣koh kā十二使徒讲：「我前差lín出 去，叫lín m̄-thang带 钱袋、行 李袋kah鞋。Lín kám有欠甚 么？」使徒应 讲：「无。」36耶稣kā in讲：「M̄-koh taⁿ有 钱袋ê tio̍h带 去，有行 李袋ê mā tio̍h带 去。无刀ê人tio̍h卖伊ê外衫去买刀来带 去。37圣 经有记载：他hō͘人算 做不 法ê人。(注：赛53：12) Chit句话一定会 应 验tī我ê身 躯。事实 上，圣 经所记载关 系我ê tāi-chì已经teh-beh应 验ā。」38使徒讲：「主ah，祢看，tī chia有两支刀。」耶稣应 讲：「Án-ne有够 额à。」
耶稣Tī橄榄 山祈祷 (太26：36-46；可14：32-42)
39耶稣照 常出 去橄榄 山，使徒mā tòe他去。40到hit所 在耶稣就kā in讲：「Lín tio̍h祈祷，chiah bē受 试 探ê迷惑。」41然 后耶稣离开in差 不多有hiat石 头ê远，跪 落去祈祷，讲：42「天父ah，祢若 肯，求你将chit-ê苦 杯phâng离开我，m̄-koh m̄-thang照我ê意思，tio̍h照祢ê旨意来实 现。」43有一个天使tùi天出 现来加添他ê气 力。44耶稣非 常痛 苦，祈祷jú迫 切。他ê汗亲 像大 点血teh滴落地。45耶稣祈祷soah khiā起来，去 到使徒hia，看tio̍h in因为忧闷soah困 去。46耶稣kā in讲：「Lín ná会teh困？起来祈祷chiah bē受 试 探ê迷惑。」
耶稣Hông掠 去 (太26：47-56；可14：43-50；约18：3-11)
47 Iáu teh讲ê时，有kui阵人到。十二使徒ê一个，就是hit-ê叫 做犹大ê做头 前chhōa路。犹大行óa耶稣beh kā伊chim。48 M̄-koh耶稣kā他讲：「犹大，你用chim嘴来 出 卖人 子是无？」49耶稣身边ê使徒看tio̍h所beh发 生ê tāi-chì就 讲：「主ah，阮用刀来kā in thâi好无？」50其 中一个 人kā祭司长ê奴仆phut落去，kā伊正pêng ê耳á削 起来。51耶稣讲：「Soah去！Án-ne好à！」他就 摸hit-ê奴仆ê耳á，来kā伊医好。52耶稣对hiah-ê来beh掠他ê祭司长、圣 殿ê守卫 官kah长老讲：「Lín kám tio̍h gia̍h刀kah槌出 来？Bē输teh-beh掠土 匪leh？53我ta̍k日kah lín tī圣 殿，lín无 下 手kā我掠。M̄-koh chit-má是lín tng红ê时，mā是乌暗teh掌 权。」
彼得M̄认耶稣 (太26：57-58，69-75；可14：53-54，66-72；约18：12-18，25-27)
54 In就掠耶稣，kā他押去祭司长ê公 馆。彼得离远 远teh tòe耶稣。55有人tī埕里起 火，做伙围teh坐，彼得mā坐tī in中 间。56有一个女婢 女婢看tio̍h彼得坐tī hia teh烘 火，就目 睭金 金kā伊siòng，讲：「Chit-ê人mā是kah耶稣teh做 阵。」57彼得m̄承 认，讲：「妇人 人ah，我m̄-bat他。」58 Koh过无jōa久，另 外一个 人看tio̍h彼得就 讲：「你mā是kah in tàu阵ê人。」彼得应 讲：「朋 友ah，我m̄是。」59差 不多过一-点 钟久，koh有一个人坚 持讲：「Chit-ê人真 正kah耶稣做 阵。因为伊mā是加利利人。」60 M̄-koh彼得讲：「朋 友ah，你teh讲甚 么，我m̄知。」Iáu teh讲ê时，鸡随时啼。61 Hit时主oa̍t头看彼得，彼得就 想 起主对伊讲ê话：「今á日鸡啼以 前，你会三pái m̄认我。」62彼得就 出 去外 面，大 声啼 哭。
耶稣受戏弄鞭Phah (太26：67-68；可14：65)
63 Hiah-ê顾守耶稣ê人kā他戏弄，koh kā他鞭phah。64 In掩耶稣ê面，问他讲：「祢若是先知，ioh看 啥 人kā祢phah？」65 In koh讲真chē话来kā他侮 辱。
耶稣Tī议会受 审 问 (太26：59-66；可14：55-64；约18：19-24)
66天一下 光，犹 太 人ê祭司长kah经 学 教 师聚 集开 会，决 定kā耶稣押去in ê议会。67 In问耶稣讲：「祢若是基督tio̍h kā阮 讲。」68耶稣kā in讲：「我kā lín讲，lín mā m̄信。我若 问lín，lín mā m̄应。69 M̄-koh tùi chit-má起，人 子会坐tī权 能上 主ê正pêng。」(注：诗110：1) 70众 人lóng讲：「Án-ne，祢就是上 主ê Kiáⁿ是无？」耶稣应 讲：「照lín所 讲ê，我就是。」71 In讲：「咱ná-tio̍h koh需要甚 么证 据？咱已经有听tio̍h他亲 嘴讲à。」
|
|
|
转寄