巴克礼普世版（试读本） 路加福音第二十章
20 论耶稣ê权 柄 (太21：23-27；可11：27-33) 1 有一日耶稣tī圣 殿教示人koh传 福 音ê时，hiah-ê祭司长、经 学 教 师kah长老做伙来，2问耶稣讲：「Tio̍h kā阮 讲：祢是靠啥 物权 柄来做chiah-ê tāi-chì？是啥 人hō͘祢chit-ê权 柄？」3耶稣应 讲：「我mā beh问lín一 句话，lín tio̍h kā我应答。4约 翰kā人洗礼ê权 柄是tùi天á是tùi人来ê？」5 In互 相议论讲：「咱若 讲『Tùi天』，án-ne他会讲：『Lín ná会无beh信约 翰？』6咱若 讲『Tùi人』，人民lóng会用 石 头kā咱tìm，因为众 人lóng深信约 翰是先知。」7所以in应 讲：「阮m̄知是tùi tó位。」8耶稣kā in讲：「我mā无beh kā lín讲，我是靠啥 物权 柄来做chiah-ê tāi-chì。」
Pháiⁿ佃 农ê譬喻 (太21：33-46；可12：1-12)
9 耶稣koh用 一个譬喻对 众 人讲：「有一个人开 垦一块葡萄 园，租hō͘佃 农，就 出 外真 久。10到收 成ê期，园 主差 一个奴仆去chhōe佃 农，beh对in收 园 租ê果 子，m̄-koh佃 农phah hit-ê奴仆，hō͘伊空 手tńg去。11园 主koh差 别ê奴仆去。佃 农仝 款kā伊phah，koh kā伊侮 辱，又koh hō͘伊空 手tńg去。12园 主koh差第三个奴仆去，hiah-ê佃 农mā是kā伊phah伤，koh kā伊赶 出 去。13后来园 主想 讲：『Taⁿ我tio̍h án怎做chiah好？我beh差 我所 疼ê kiáⁿ去。In大 概会kā伊尊 重。』14 M̄-koh佃 农看tio̍h园 主ê kiáⁿ来，就 互 相参 详讲：『Chit-ê是beh承 接园 主财 产ê kiáⁿ，咱来kā伊thâi死，án-ne chiah-ê财 产就 变 做咱ê。』15 In就kā伊hiat出 去园 外，koh kā伊thâi死。园 主beh án怎来kā in处 理？16园 主会来kā hiah-ê佃 农剿 灭，kā伊ê园 租hō͘别 人。」In听tio̍h chiah-ê话了 后就 讲：「千 万m̄-thang án-ne。」17耶稣目 睭金 金kā in看，讲：「圣 经有记载：师傅所弃sak ê石，成 做厝 角 头ê基 石。(注：诗118：22) Chit句话是啥 物意思？18所有跋 落 去hit块石 头 顶ê人，lóng会碎 骨 分 尸；hō͘ hit块石 头teh-tio̍h ê人，lóng会碎 糊 糊。」
纳 税ê问题 (太22：12-22；可12：13-17)
19 Hit时hiah-ê经 学 教 师kah祭司长知，耶稣chit-ê譬喻是teh指in，就ài beh当 场下 手掠耶稣，m̄-koh惊众 人反 弹。20 In就chhōe机会，派密 探假做义 人，beh掠耶稣ê话 缝，thang kā他交hō͘总 督，来依法办理。21 Chiah-ê密 探来问耶稣讲：「老师ah，阮 知祢所 讲所教示ê是正 直，祢mā无 看人ê面 色，就是忠 实教示上 主ê道理。22阮纳 税hō͘罗马ê皇 帝，有合咱ê律 法á无？」23 M̄-koh耶稣看 出in ê诡计，就 对in讲：24「The̍h一个银á hō͘我 看。Chit-ê像kah字号是啥 人？」In讲：「是罗马皇 帝ê。」25耶稣就 对in讲：「Án-ne，lín tio̍h kā皇 帝ê物纳hō͘皇 帝，kā上 主ê物纳hō͘上 主。」26 In tī众 人ê面 前bē-tàng掠tio̍h耶稣ê话 缝，koh对伊ê应答真tio̍h惊，soah就án-ne恬 去。
死人Koh活ê问题 (太22：23-33；可12：18-27)
27 有一kóa主 张人无koh活ê撒都该 派ê人，来问耶稣讲：28「老师ah，摩西kā阮规 定讲：『若有人ê阿兄死去，bó͘ iáu tī-teh m̄-koh无生kiáⁿ。伊ê小弟tio̍h娶hit-ê兄嫂来做bó͘，thang生kiáⁿ来替阿兄传 宗 接 代。』(注：申25：5；创38：8) 29 Bat有七个兄弟，大ê娶bó͘，无kiáⁿ就 死去。30第二个，第三个mā lóng娶hit-ê兄嫂。31七个lóng án-ne，无生kiáⁿ就 死去。32后来hit-ê妇人 人mā死去。33 Án-ne，tī koh活ê时，chit-ê妇人 人beh做in中 间tó一个 人ê bó͘？因为chit七 人lóng有 娶她做bó͘。」34耶稣kā in讲：「今 世ê人有嫁有 娶。35 M̄-koh会堪 得tùi死 人 中koh活进 入来世ê，就无嫁无 娶。36因为in koh活了 后bē koh死，kah天使仝 款，lóng是上 主ê kiáⁿ儿。37关 系死人koh活ê tāi-chì，摩西tī『Teh To̍h ê刺phè』hit篇有指 明，称 呼主是亚伯 拉罕ê上 主、以撒ê上 主、雅 各ê上 主。(注：出3：6，15-16) 38他m̄是死人ê上 主，是 活 人ê上 主，因为人lóng是为tio̍h主teh活。」39有几nā个经 学 教 师应 讲：「老师ah，祢讲 了真 好。」40 In就m̄敢koh问耶稣啥 物问题。
关 系基督ê问题 (太22：41-46；可12：35-37)
41 耶稣对in讲：「人ná会讲基督是大卫ê kiáⁿ孙？42因为大卫tī诗 篇家己讲：『主kā我ê主讲：坐我ê正pêng，43到我hō͘祢ê对敌做祢ê脚 踏。』(注：诗110：1) 44大卫既然称基督做 主，基督ná会做大卫ê kiáⁿ孙？」
Tio̍h提 防经 学 教 师 (太23：1-36；可12：38-40)
45 众 人teh听ê时，耶稣kā门徒讲：46 「Tio̍h提 防hiah-ê经 学 教 师，in ài穿长 衫四界行，真ài tī街路里hō͘人请 安，tī会 堂内坐 高 位，tī宴 席坐 大位。47 In侵 占寡 妇ê家伙，刁 工祈祷真 长，in会受koh-khah重ê刑 罚。」
|
|
|
转寄