《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 路加福音第十七章

作者 巴克礼普世版小组 2013.08.04

论(lūn)罪(chōe)，信 心(sìn-sim)，服 事(ho̍k-sāi) (太(thài)17：20；18：6-7，21-22；可9：42)
1耶稣(iâ-so͘)koh对门徒(tùi bûn-tô͘)讲(kóng)：「引起(ín-khí)人(lâng)犯 罪(hoān-chōe)ê tāi-chì难 免(lân-bián)，m̄-koh hō͘ hit-ê tāi-chì发 生(hoat-seng)ê人(lâng)有灾祸(ū chai-hō)！2宁 可(lêng-khó)用(ēng)大 石 磨(tōa chio̍h-bō)吊(tiàu)tòa伊(i)ê颔 颈(ām-kún)，kā伊(i)hiat落海(lo̍h-hái)，mā m̄-thang hō͘至微细(chì-bî-sè)ê一个(chi̍t-ê)犯 罪(hoān-chōe)。3 Lín家己(ka-kī)mā tio̍h谨慎(kín-sīn)，若(nā)lín ê兄弟(hiaⁿ-tī)犯 罪(hoān-chōe)，tio̍h kā伊(i)责 备(chek-pī)。伊(i)若悔 改(nā hóe-kái)，tio̍h kā伊(i)赦 免(sià-bián)。4 M̄-koh若(nā)你(lí)ê兄弟(hiaⁿ-tī)一日(chi̍t-ji̍t)得 罪(tek-chōe)你(lí)七(chhit)pái，伊(i)七(chhit)pái lóng有(ū)倒(tò)tńg来(lâi)kā你讲(lí kóng)：『我(góa)悔 改(hóe-kái)à。』你(lí)mā lóng tio̍h kā伊(i)赦 免(sià-bián)。」

论(lūn)信 心(sìn-sim)
5使徒(sù-tô͘)kā主(chú)讲(kóng)：「求(kiû)祢(lí)加添(ke-thiⁿ)阮(goán)ê信 心(sìn-sim)。」6主(chú)应 讲(ìn-kóng)：「Lín若有(nā ū)亲 像(chhin-chhiūⁿ)一 粒(chi̍t-lia̍p)芥 菜 子(kòa-chhài-chí)hiah大(tōa)ê信 心(sìn-sim)，就是(chiū-sī)命 令(bēng-lēng)chit丛(châng)桑 材 树(sng-châi-chhiū)讲(kóng)：『拔(pu̍ih)你(lí)ê根(kin)去 栽(khì chai)tī海里(hái-ni̍h)。』Hit丛(châng)树(chhiū)mā会顺 服(ē sūn-ho̍k)lín。」

奴仆(lô͘-po̍k)ê义务(gī-bū)
7 Lín中 间(tiong-kan)若有(nā ū)奴仆(lô͘-po̍k)tùi做穑(chò-sit)á是(sī)顾羊(kò͘-iûⁿ)tńg来(lâi)ê时(sî)，lín kám会(ē)kā伊(i)讲(kóng)：『紧(kín)坐 落来(chē lo̍h-lâi)食 饭(chia̍h-pn̄g)？』8祢(lí)kám会颠倒(ē tian-tò)kā伊(i)讲(kóng)：『准 备(chún-pī)hō͘我(góa)食 饭(chia̍h-pn̄g)，縖(hâ)围(ûi)su裙(kûn)来服 事(lâi ho̍k-sāi)我(góa)。Thèng候(hāu)我(góa)lim食(chia̍h)soah，你(lí)chiah thang lim食(chia̍h)？』9奴仆(lô͘-po̍k)做 主 人(chò chú-lâng)所吩 咐(só͘ hoan-hù)ê tāi-chì，主 人(chú-lâng)kám tio̍h kā伊(i)说 谢(soeh-siā)？10 Lín mā亲 像(chhin-chhiūⁿ)án-ne，lín做 完(chò-oân)受交带(siū kau-tài)ê tāi-chì，tio̍h讲(kóng)：『阮 是(goán sī)无路用(bô-lō͘-ēng)ê奴仆(lô͘-po̍k)，kan-tāⁿ尽 本 份(chīn pún-hūn)去 做(khì chò)niā-niā。'「

医好(i-hó)十个(cha̍p-ê)癞 哥(thái-ko)病 人(pēⁿ-lâng)
11耶稣(iâ-so͘)去(khì)耶路撒 冷(iâ-lō͘-sat-léng)ê时(sî)，tùi撒玛利亚(sat-má-lī-a)kah加利利省(ka-lī-lī-séng)ê交 界(kau-kài)经 过(keng-kòe)。12他(i)入去(ji̍p-khì)一个(chi̍t-ê)庄 社(chng-siā)ê时(sî)，tú-tio̍h十个(cha̍p-ê)癞 哥(thái-ko)病 人(pēⁿ-lâng)。In khiā tòa远 远(hn̄g-hn̄g)ê所 在(só͘-chāi)，13大 声(tōa-siaⁿ)hoah讲(kóng)：「耶稣(iâ-so͘)老师(lāu-su)，怜 悯 阮(liân-bín goán)。」14耶稣(iâ-so͘)一下看(chi̍t-ē khòaⁿ)tio̍h就(chiū)kā in讲(kóng)：「Lín本 身(pún-sin)去(khì)hō͘祭司(chè-si)验(giām)。」In去(khì)tī路 中(lō͘-tiong)，就得(chiū tit)tio̍h清 气(chheng-khì)。15其 中(kî-tiong)一个 人(chi̍t-ê lâng)看(khòaⁿ)tio̍h家己(ka-kī)ê病(pēⁿ)已经(í-keng)好(hó)，就(chiū)倒(tò)tńg来(lâi)大 声(tōa-siaⁿ)o-ló上 主(siōng-chú)，16仆(phak)tòa耶稣(iâ-so͘)ê脚 前(kha-chêng)kā他(i)感 谢(kám-siā)，chit-ê人(lâng)是(sī)撒玛利亚 人(sat-má-lī-a-lâng)。17耶稣(iâ-so͘)问 讲(mn̄g kóng)：「Kám m̄是(sī)十 个 人(cha̍p-ê lâng)lóng得(tit)tio̍h清 气(chheng-khì)？其他(kî-tha)九个人(káu-ê lâng)tī tó位(ūi)？18 Chit-ê外 族(gōa-cho̍k)ê人(lâng)以外(í-gōa)，kám无别 人(bô pa̍t-lâng)倒(tò)tńg来(lâi)感 谢(kám-siā)上 主(siōng-chú)？」19耶稣(iâ-so͘)就(chiū)kā hit-ê人(lâng)讲(kóng)：「起来(khí-lâi)，做(chò)你(lí)tńg去(khì)，你(lí)ê信 心(sìn-sim)hō͘你(lí)得(tit)tio̍h医好(i-hó)à。」

上 主 国 度(siōng-chú kok-tō͘)ê来临(lâi-lîm) (太(thài)24：23-28，37-41)

20有(ū)一(chi̍t)kóa法 利赛 派(hoat-lī-sài-phài)ê人(lâng)问耶稣(mn̄g iâ-so͘)，上 主 国 度(siōng-chú kok-tō͘)tī时(sî)会临 到(ē lîm-kàu)。耶稣(iâ-so͘)应 讲(ìn-kóng)：「上 主 国 度(siōng-chú kok-tō͘)临 到(lîm-kàu)，m̄是人(sī lâng)看(khòaⁿ)会(ē)出 来(chhut-lâi)。21 Mā无 人(bô-lâng)ē-tàng讲(kóng)：『Tī chia』，á是(sī)『Tī hia』因为(in-ūi)上 主 国 度(siōng-chú kok-tō͘)是(sī)tī lín ê中 间(tiong-kan)。」22耶稣(iâ-so͘)就(chiū)对门徒(tùi bûn-tô͘)讲(kóng)：「时日(sî-ji̍t)teh-beh到(kàu)，lín真(chin)ài看(khòaⁿ)tio̍h人 子(jîn-chú)来临(lâi-lîm)ê hit日(ji̍t)，lín mā看(khòaⁿ)bē-tio̍h。23有人(ū lâng)kā lín讲(kóng)：『你 看(lí khòaⁿ)，tī hia！你 看(lí khòaⁿ)，tī chia！』 Lín m̄-thang出 去(chhut-khì)，mā m̄-thang tòe in去(khì)。24因为(in-ūi)人 子(jîn-chú)来临(lâi-lîm)ê日子(ji̍t-chí)ná亲 像(chhin-chhiūⁿ)闪电(sih-nà)，tùi天(thiⁿ)chit-pêng teh闪(siám)，光 照(kng chiò)到(kàu)天(thiⁿ)ê hit-pêng。25 M̄-koh他(i)一定(it-tēng)tio̍h tāi先(seng)受(siū)真(chin)chē ê艰 苦(kan-khó͘)，mā hō͘ chit世代(sè-tāi)ê人(lâng)弃(khì)sak。26人 子(jîn-chú)来临(lâi-lîm)ê日子(ji̍t-chí)kah挪亚(ná-a)ê时日(sî-ji̍t)仝 款(kāng-khoán)。27 Hit时(sî)ê人(lâng)，照 常(chiàu-siông)teh lim食(chia̍h)，teh嫁 娶(kè-chhōa)。到(kàu)挪亚(ná-a)入去(ji̍p-khì)大 船(tōa-chûn)ê日(ji̍t)，大 水(tōa-chúi)一下到(chi̍t-ē kàu)，众 人(chèng-lâng)lóng淹死(im-sí) 了 了(liáu-liáu)。28 Mā kah罗得(lô-tek)ê时日(sî-ji̍t)仝 款(kāng-khoán)，人(lâng)照 常(chiàu-siông)teh lim食(chia̍h)、买卖(bé-bē)、种 作(chèng-choh)、起 厝(khí-chhù)。29 M̄-koh罗得(lô-tek)出(chhut)所多玛(só͘-to-má)hit日(ji̍t)，tùi天(thiⁿ)有降 落(ū kàng-lo̍h)火(hóe)kah硫 磺(liû-hông)，kā in消 灭(siau-bia̍t)kah无 半 人(bô pòaⁿ-lâng)。30人 子(jîn-chú)出 现(chhut-hiān)ê日(ji̍t)，mā会(ē)亲 像(chhin-chhiūⁿ)án-ne。31 「Hit日(ji̍t)，tú tī厝 顶(chhù-téng)ê人(lâng)m̄-thang落来(lo̍h-lâi)the̍h厝 内(chhù-lāi)ê物 件(mi̍h-kiāⁿ)，tú tī园 里(hn̂g-ni̍h)ê人(lâng)mā m̄-thang tńg去(khì)厝 里(chhù-ni̍h)。32 Lín tio̍h会记得(ē-kì-tit)罗得(lô-tek)ê bó͘所(só͘)tú-tio̍h ê tāi-chì。33想(siūⁿ)beh保 全(pó-choán)家己(ka-kī)性 命(sèⁿ-miā)ê人(lâng)会丧 失(ē sòng-sit)性 命(sèⁿ-miā)；所有(só͘-ū)丧 失(sòng-sit)性 命(sèⁿ-miā)ê人(lâng)会保全(ē pó-choán)伊(i)ê性 命(sèⁿ-miā)。34我(góa)kā lín讲(kóng)，hit暝(mê)两个 人(nn̄g-ê lâng)困(khùn)仝 顶(kâng-téng)床(chhn̂g)，一个(chi̍t-ê)会(ē)hō͘人(lâng)chhōa去(khì)，一个(chi̍t-ê)会留(ē lâu)teh。35两个(nn̄g-ê)妇人 人(hū-jîn-lâng)同 齐(tâng-chê)teh挨(e)石 磨(chio̍h-bō)，一个(chi̍t-ê)会(ē)hō͘人(lâng)chhōa去(khì)，一个(chi̍t-ê)会留(ē lâu)teh。36有两个(ū nn̄g-ê)人(lâng)tī田 里(chhân-ni̍h)teh做穑(chò-sit)，一个(chi̍t-ê)hō͘人(lâng)接 去(chiap-khì)，一个(chi̍t-ê)留(lâu)teh。」(注(chù)：有(ū)ê抄 本(chhau-pún)无(bô)chit节(cheh)。) 37门徒(bûn-tô͘)问耶稣(mn̄g iâ-so͘)讲(kóng)：「主(chú)ah，这(che)会(ē)tī啥 物(siáⁿ-mi̍h)所 在(só͘-chāi)发 生(hoat-seng)？」耶稣(iâ-so͘)应 讲(ìn-kóng)：「有尸体(ū si-thé)ê所 在(só͘-chāi)，鹰 鸟(eng-chiáu)就(chiū)会聚 集(ē chū-chi̍p)去(khì)tī hia。」