巴克礼普世版(试读本) 启示录第五章
册Kah羊羔
1我 看tio̍h坐tī宝座Hit位ê正 手the̍h一 卷 册,内外 面lóng有文字,用七个印封teh。2我koh看tio̍h一个有 权 能ê天使大 声宣 布 讲:「啥 人有资 格thang拆 开hit-ê封 印,掀 开hit卷册?」3 Tī天 顶、地 上kah地下lóng无 人ē-tàng掀 开á是读hit-卷 册。4 Chhōe无 人ē-tàng掀 开á是读hit卷册,我 就大 声哭。5 Hiah-ê长老中 间ê一个,对 我 讲:「M̄-thang哭,你 看!Tùi犹大支 族出 来ê狮,大卫ê根 头,伊已经得 胜thang拆 开hit-ê封 印,掀 开hit卷册。6然 后我 看tio̍h hō͘四个活 物kah hiah-ê长老围teh ê宝 座 前,有 一 只羊羔khiā-teh,羊羔ná亲 像bat受杀 害,有七 支角,七 蕊目 睭,就是受 上 主差 派去全 世界hit七个神 灵。7羊羔就 行chìn前,tùi坐tī宝座Hit位ê正 手the̍h hit卷册。8羊羔the̍h-tio̍h hit卷册ê时,hit四个活 物kah二十四个长老,lóng仆tī羊羔ê面 前,ta̍k-ê有the̍h琴kah贮香满 满ê金炉,hiah-ê香就是上 主子 民ê祈祷。9 In吟 一 首新ê诗,讲:「祢有资 格the̍h hit卷册,拆 开伊ê封 印,因为祢有受杀 害,用祢ê血tùi各 族 群,各 种语 言,各 民 族,各 国ê人,赎 回来归上 主。10祢hō͘ in成 做国度kah祭司来服 事上 主。In mā会tī地 上掌 权。11我koh详 细 看,听tio̍h千 千万 万天使ê声,in lóng围tī宝座kah活 物,以及长老ê四周围,12大 声讲:「受杀 害ê羊羔应 该得tio̍h权 能、富裕、智慧、气 力、尊 贵、荣 光kah o-ló!」13我koh听tio̍h天 顶、地 上、地下kah海里一 切受 造ê物,以及其 中ê万 物lóng吟诗讲:「愿o-ló、尊 贵、荣 光kah权 势,lóng归hō͘坐tī宝座Hit位kah羊羔,一直到代代无 尽!」14 Hit四个活 物应 讲:「阿们!」Hiah-ê长老就仆 落去敬 拜。