《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 提摩太前书第二章

作者 巴克礼普世版小组 2016.02.14

教 会(kàu-hōe)ê崇 拜(chông-pài)
1所以(só͘-í)我(góa)tāi先(seng)劝 勉(khoàn-bián)你(lí)，tio̍h替(thè)所有(só͘ ū)ê人(lâng)向(hiòng) 上 主(siōng-chú)恳 求(khún-kiû)、祈祷(kî-tó)、代(tāi)祷kah感 谢(kám-siā)。2 Mā tio̍h替(thè)君 王(kun-ông)kah所有(só͘ ū)ê官 员(koaⁿ-oân)祈祷(kî-tó)，hō͘咱(lán)thang安 然(an-jiân)平 静(pêng-chēng)来过日(lâi kòe-ji̍t)。凡 事(hoân-sū)敬 虔(kèng-khiân)，端 正(toan-chiàⁿ)。3 Án-ne做(chò)真 好(chin-hó)，是咱(sī lán)ê救 主(kiù-chú)，上 主(siōng-chú)欢 喜(hoaⁿ-hí)接 纳(chiap-la̍p).ê。4上 主(siōng-chú)ài咱(lán)lóng ē-tàng得救(tit-kiù)，认(jīn)bat真理(chin-lí)。5因为(in-ūi)上 主(siōng-chú)是(sī)一位(chi̍t-ūi)，上 主(siōng-chú)kah人(lâng)中 间(tiong-kan)ê中 保(tiong-pó)mā是(sī)一位(chi̍t-ūi)，就是(chiū-sī)成 做 人(chiâⁿ-chò lâng)ê基督耶稣(ki-tok iâ-so͘)。6他(i)牺 牲(hi-seng)家己(ka-kī)ê性 命(sèⁿ-miā)来 赎 回(lâi sio̍k-hôe)众 人(chèng-lâng)，chit-ê tāi-chì tī上 主(siōng-chú)指 定(chí-tēng)ê日子(ji̍t-chí)会得(ē tit)tio̍h证 实(chèng-si̍t)。7为(ūi)tio̍h án-ne，我(góa)受设立(siū siat-li̍p)做(chò)传 道 者(thoân-tō-chiá)，做使徒(chò sù-tô͘)kah外 邦 人(gōa-pang-lâng)ê教师(kàu-su)，hō͘ in相 信(siong-sìn)上 主(siōng-chú)，认(jīn)bat真理(chin-lí)。我是(góa sī)teh讲(kóng)真实话(chin-si̍t-ōe)，无(bô)讲 白 贼(kóng pe̍h-chha̍t)。8所以(só͘-í)我(góa)ài cha-po͘人(lâng)无论(bô-lūn)tī甚 么(sím-mi̍h)所 在(só͘-chāi)，lóng无(bô)受气(siū-khì)mā无(bô)侥疑(giâu-gî)，gia̍h起(khí)神 圣(sîn-sèng)ê双 手(siang-chhiú)来祈祷(lâi kî-tó)。9我(góa)mā ài妇人 人(hū-jîn-lâng)穿 插(chhēng-chhah)朴 素(phok-sò͘)整 齐(chéng-chê)，用(ēng)廉 耻(liâm-thí)守己(siú-kí)ê态 度(thāi-tō͘)，m̄-thang用(ēng)奇 形 怪 状(kî-hêng koài-chn̄g)ê头 毛(thâu-mn̂g)kah金 器(kim-khì)á是(sī)真(chin)珠，á是(sī)值 钱(ta̍t-chîⁿ)ê衫 裤(saⁿ-khò͘)来(lâi)打 扮(táⁿ-pān)家己(ka-kī)。10 Tio̍h用(ēng)好行 为(hó hêng-ûi)做(chò)打 扮(táⁿ-pān)，表示(piáu-sī)家己(ka-kī)是(sī)敬 畏(kèng-ùi)上 主(siōng-chú)ê妇人 人(hū-jîn-lâng)。11妇人 人(hū-jîn-lâng)tio̍h恬 恬(tiām-tiām)á学 习(ha̍k-si̍p)，ta̍k项(hāng)tāi-chì lóng tio̍h谦 卑(khiam-pi)顺 服(sūn-ho̍k)。12我(góa)m̄准(chún)妇人 人(hū-jîn-lâng)教示(kà-sī)道理(tō-lí)，á是(sī)管 辖(koán-hat)cha-po͘人(lâng)，tio̍h静 静(chēng-chēng)。13因为(in-ūi)上 主(siōng-chú)先 造(seng chō)亚当(a-tong)了 后(liáu-āu)chiah造(chō)夏娃(hā-oa)。14 Koh m̄是(sī)亚当(a-tong)受 欺 骗(siū khi-phiàn)，是(sī)妇人 人(hū-jîn-lâng)受(siū)诱惑(iú-he̍k)来 陷 落(lâi hām-lo̍h)罪(chōe)。15 M̄-koh妇人 人(hū-jîn-lâng)若(nā)安份 守己(an-hūn siú-kí)持 守(chhî-siú)信 仰(sìn-gióng)，有疼 心(ū thiàⁿ-sim)koh圣 洁(sèng-kiat)，就(chiū)会因为(ē in-ūi)生(seⁿ)kiáⁿ来得(lâi tit)tio̍h救(kiù)。