《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 使徒行传第十九章

作者 巴克礼普世版小组 2014.07.06

保罗(pó-lô)Tī以弗所(í-hut-só͘)
1亚波罗(a-pho-lô)tī哥林多(ko-lîm-to)ê时(sî)，保罗(pó-lô)经 过(keng-kòe)内 陆(lāi-lio̍k)ê地区(tē-khu)，来到(lâi-kàu)以弗所(í-hut-só͘)，tī hia tú-tio̍h几(kúi)nā个(ê)门徒(bûn-tô͘)。2保罗(pó-lô)问(mn̄g)in，讲(kóng)：「Lín信 主(sìn-chú)ê时(sî)kám有(ū)领受(niá-siū) 圣 神(sèng-sîn)？」In应 讲(ìn-kóng)：「阮(goán)到(kàu)taⁿ lóng m̄-bat听 过(thiaⁿ-kòe)有圣 神(ū sèng-sîn)ê tāi-chì。」3保罗(pó-lô)koh问 讲(mn̄g kóng)：「Án-ne lín领受(niá-siū)甚 么 款(sím-mi̍h-khoán)ê洗礼(sé-lé)？」In就 讲(chiū kóng)：「约 翰(iok-hān)ê洗礼(sé-lé)。」4保罗(pó-lô)讲(kóng)：「约 翰(iok-hān)行(kiâⁿ)悔 改(hóe-kái)ê洗礼(sé-lé)，伊(i)叫(kiò)以色列 人(í-sek-lia̍t-lâng)tio̍h信(sìn)tòe伊(i)后面(āu-bīn)来(lâi)ê Hit位(ūi)，就是(chiū-sī)tio̍h信(sìn)耶稣(iâ-so͘)。」5 Hiah-ê人(lâng)听(thiaⁿ)tio̍h，就(chiū)奉(hōng)主耶稣(chú iâ-so͘)ê名(miâ)领(niá)受洗礼(siū sé-lé)。6保罗(pó-lô)kā in hōaⁿ手(chhiú)，圣 神(sèng-sîn)就(chiū)临 到(lîm-kàu)tī in身 上(sin-chiūⁿ)，in随时(sûi-sî)讲(kóng)奇妙(kî-biāu)腔 口(khiuⁿ-kháu)，koh宣 讲(soan-káng)上 主(siōng-chú)ê信息(sìn-sit)。7总 共(chóng-kiōng)差 不多(chha-put-to)有(ū)十二个(cha̍p-jī-ê)人(lâng)。8保罗(pó-lô)连 续(liân-sio̍k)三(saⁿ)月 日(goe̍h-ji̍t)久(kú)，入去(ji̍p-khì)会 堂(hōe-tn̂g)好胆(hó-táⁿ)传 道(thoân-tō)，kah人(lâng)辩 论(piān-lūn)上 主 国 度(siōng-chú kok-tō͘)ê tāi-chì，来 苦 劝(lâi khó͘-khǹg)人(lâng)信 主(sìn-chú)。9 M̄-koh有(ū)一(chi̍t)kóa人(lâng)固 执(kò͘-chi̍p)m̄信(sìn)，tī群 众(kûn-chiòng)ê面 前(bīn-chêng)亵 渎(siat-to̍k)主(chú)ê道路(tō-lō͘)。保罗(pó-lô)就(chiū)chhōa门徒(bûn-tô͘)离开(lī-khui)in，ta̍k日(ji̍t)tī Chhui-lat-lô͘ ê讲 堂( káng-tn̂g)kah人(lâng)辩 论(piān-lūn)。10 Án-ne继 续(kè-sio̍k)两(nn̄g)年久(nî-kú)，hō͘所有(só͘-ū)tòa tī亚西亚(a-se-a)省(séng)ê人(lâng)，无论(bô-lūn)犹 太 人(iû-thài-lâng)á是(sī)希 腊 人(hi-lia̍p-lâng)，lóng有听(ū thiaⁿ)tio̍h主(chú)ê道理(tō-lí)。

士基瓦(sū-ki-óa)ê Kiáⁿ
11上 主(siōng-chú)用(ēng)保罗(pó-lô)ê手(chhiú)，行(kiâⁿ)非 常(hui-siông)稀罕(hi-hán)ê神 迹(sîn-jiah)。12甚 至(sīm-chì)有人(ū lâng)the̍h保罗(pó-lô)用 过(ēng-kòe)ê手 巾(chhiú-kin)á á是(sī)围(ûi)su裙(kûn)，hē tī病 人(pēⁿ-lâng)ê身 上(sin-chiūⁿ)，in ê病(pēⁿ)就(chiū)好去(hó-khì)，邪神(siâ-sîn)mā tùi in身 上(sin-chiūⁿ)出 去(chhut-khì)。13 Hit时(sî)，有(ū)几(kúi)nā个(ê)行(kiâⁿ)江 湖(kang-ô͘)teh赶 鬼(kóaⁿ-kúi)ê犹 太 人(iû-thài-lâng)，mā想(siūⁿ)beh借(chioh)主耶稣(chú iâ-so͘)ê名(miâ)，对(tùi)hiah-ê hō͘邪神(siâ-sîn)附身(hū-sin)ê人(lâng)，讲(kóng)：「我(góa)奉(hōng)保罗(pó-lô)所 传(só͘ thoân)耶稣(iâ-so͘)ê名(miâ)，命 令(bēng-lēng)你(lí)tùi hit人(lâng)ê身 躯(seng-khu)出 去(chhut-khì)！」14犹太(iû-thài)ê祭司长(chè-si-tiúⁿ)士基瓦(sū-ki-óa)ê七个(chhit-ê)kiáⁿ，mā teh做(chò)chit款(khoán)tāi-chì。15 M̄-koh hit-ê邪神(siâ-sîn)应 讲(ìn-kóng)：「耶稣(iâ-so͘)我(góa)bat，保罗(pó-lô)我(góa)m̄-bat。Lín leh，lín是(sī)甚 么 人(sím-mi̍h lâng)？」16 Hit-ê hō͘邪神(siâ-sîn)附身(hū-sin)ê人(lâng)，就(chiū)óa去(khì)攻 击(kong-kek)hiah-ê行(kiâⁿ)江 湖(kang-ô͘)ê人(lâng)，kā in制 服(chè-ho̍k)，hō͘ in tio̍h伤(siong)，thǹg-pak-theh tùi hit间(keng)厝(chhù)逃 走(tô-cháu)。17 Tòa tī以弗所(í-hut-só͘)ê犹 太 人(iû-thài-lâng)kah希 腊 人(hi-lia̍p-lâng)听(thiaⁿ)tio̍h chit项(hāng)tāi-chì lóng tio̍h惊(kiaⁿ)。主耶稣(chú iâ-so͘)ê名(miâ)就(chiū)án-ne大 大(tōa-tōa)受 尊 重(siū chun-tiōng)。18有真(ū chin)chē已经(í-keng)信(sìn)ê人(lâng)出(chhut)来 公 开(lâi kong-khai)承 认(sêng-jīn)，koh讲 起(kóng-khí)in过 去(kòe-khì)所做(só͘ chò)ê tāi-chì。19 Mā有真(ū chin)chē行 邪术(kiâⁿ siâ-su̍t)ê人(lâng)，the̍h in ê册(chheh)来(lâi)khǹg做(chò)伙(hóe)，tī群 众(kûn-chiòng)ê面 前(bīn-chêng)放 火 烧(pàng-hóe sio)。In计算(kè-sǹg)hiah-ê册(chheh)ê价值(kè-ta̍t)，差 不多(chha-put-to)有(ū)五万个(gō͘-bān-ê)银币(gîn-pè)。20亲 像(chhin-chhiūⁿ)án-ne，主(chú)ê道理(tō-lí)一直(it-ti̍t)传 开(thoân-khui)，大 大(tōa-tōa)兴 旺(heng-ōng)起来(khí-lâi)。

Tī以弗所(í-hut-só͘)ê暴 动(pō-tōng)
21 Chiah-ê tāi-chì了 后(liáu-āu)，保罗(pó-lô)受 圣 神(siū sèng-sîn)ê指示(chí-sī)，决 定(koat-tēng)beh经 过(keng-kòe)马其顿(má-kî-tùn)kah A-kai-a，去(khì)耶路撒 冷(iâ-lō͘-sat-léng)。伊(i)讲(kóng)：「到(kàu)hia了 后(liáu-āu)，我(góa)mā tio̍h去 看(khì khòaⁿ)罗马(lô-má)。」22伊(i)就 差(chiū chhe)两个(nn̄g-ê)助 手(chō͘-chhiú)，提摩 太(thê-mô͘-thài)kah Í-lah-to͘去(khì)马其顿(má-kî-tùn)，伊(i)家己(ka-kī)暂 时(chiām-sî)留(lâu)tòa亚西亚(a-se-a)省(séng)。23 Hit时(sî)，为(ūi)tio̍h主(chú)ê道(tō)，tī以弗所(í-hut-só͘)有引起(ū ín-khí)严 重(giâm-tiōng)ê扰 乱(jiáu-loān)。24有一个(ū chi̍t-ê)名 叫(miâ-kiò)低米丢(tí-bí-tiui)ê phah银(gîn)师傅(sai-hū)，伊(i)用(ēng)银(gîn)做(chò)A-tí-bí女神庙(lú-sîn-biō)ê模 型(bô͘-hêng)，伊(i)hō͘ hiah-ê师傅(sai-hū)thàn bē少(chió)钱(chîⁿ)。25低米丢(tí-bí-tiui)kā hiah-ê师傅(sai-hū)kah所有(só͘ ū)ê同 业(tông-gia̍p)聚 集(chū-chi̍p)óa来(lâi)，kā in讲(kóng)：「各位(kok-ūi)，lín知(chai)咱是(lán sī)óa靠(khò)chit-ê手 艺(chhiú-gē)teh thàn钱(chîⁿ)。26 Taⁿ chit-ê保罗(pó-lô)，m̄-nā tī以弗所(í-hut-só͘)，mā tī差 不多(chha-put-to)全(choân)亚西亚(a-se-a)省(séng)，用(ēng)伊(i)ê讲 道(káng-tō)来迷惑(lâi bê-he̍k)真(chin)chē人(lâng)，讲(kóng)用(ēng)人(lâng)ê手(chhiú)所做(só͘ chò)ê lóng m̄是(sī)神 明(sîn-bêng)。这是(che sī)lín所 看(só͘ khòaⁿ)tio̍h，所听(só͘ thiaⁿ)tio̍h-.ê。27 Án-ne落去(lo̍h-khì)，m̄-nā咱(lán)chit种(chióng)事 业(sū-gia̍p)会(ē)phah-pháiⁿ名 声(miâ-siaⁿ)，hō͘人(lâng)危 险(gûi-hiám)hō͘人(lâng)看 轻(khòaⁿ-khin)，连(liân)大(tōa)女神(lú-sîn)A-tí-bí ê庙(biō)mā会(ē)hō͘人(lâng)看 轻(khòaⁿ-khin)。全(choân)亚西亚(a-se-a)省(séng)kah天下(thiⁿ-ē)所(só͘)拜(pài)ê A-tí-bí女神(lú-sîn)会失去(ē sit-khì)她(i)ê尊 严(chun-giâm)！」28群 众(kûn-chiòng)一下 听(chi̍t-ē thiaⁿ)tio̍h chiah-ê话(ōe)就(chiū)非 常(hui-siông)受气(siū-khì)，大 声(tōa-siaⁿ)hoah：「伟大(úi-tāi)ah！以弗所人(í-hut-só͘-lâng)ê A-tí-bí！」29全 城(choân siâⁿ)起 扰 乱(khí jiáu-loān)。众 人(chèng-lâng)掠(lia̍h)tio̍h保罗(pó-lô)ê同 伴(tâng-phōaⁿ)，马其顿(má-kî-tùn)Kai-iû kah A-lí-ta̍t-kó͘，kui阵(tīn)做 一下(chò-chi̍t-ē)kheh入去(ji̍p-khì)戏园(hì-hn̂g)。30保罗(pó-lô)想(siūⁿ)beh入去(ji̍p-khì)群 众(kûn-chiòng)ê内面(lāi-bīn)，m̄-koh门徒(bûn-tô͘)kā伊(i)阻 挡(chó͘-tòng)。31亚西亚(a-se-a)省(séng)几(kúi)nā个(ê)官 长(koaⁿ-tiúⁿ)，是(sī)保罗(pó-lô)ê朋 友(pêng-iú)，mā差 人(chhe lâng)来(lâi)劝(khǹg)保罗(pó-lô)m̄-thang冒 险(mō͘-hiám)入去(ji̍p-khì)戏园(hì-hn̂g)。32 Hit时(sî)，kui个(ê)会 场(hōe-tiûⁿ)乱(loān)chhau-chhau，一个 人(chi̍t-ê lâng)hoah一 款(chi̍t-khoán)，大 部 分(tōa-pō͘-hūn)ê人(lâng)m̄知(chai)in是(sī)án怎(chóaⁿ)teh聚 集(chū-chi̍p)。33群 众(kûn-chiòng)中 间(tiong-kan)有人(ū lâng)kā扰 乱(jiáu-loān)ê责 任(chek-jīm)归(kui)hō͘亚力山大(a-le̍k-san-tāi)，因为(in-ūi)犹 太 人(iû-thài-lâng)kā伊(i)sak去(khì)头 前(thâu-chêng)。亚力山大(a-le̍k-san-tāi)比(pí)手 势(chhiú-sè)叫(kiò)in安 静(an-chēng)，想(siūⁿ)beh对(tùi)in辩 解(piān-kái)。34众 人(chèng-lâng)一下(chi̍t-ē)认 出(jīn-chhut)伊是(i sī)犹 太 人(iû-thài-lâng)，就(chiū)齐 声(chê-siaⁿ)hoah：「伟大(úi-tāi)ah！以弗所人(í-hut-só͘-lâng)ê A-tí-bí！」Án-ne一直(it-ti̍t)hoah，差 不多(chha-put-to)hoah两(nn̄g)点 钟(tiám-cheng)久(kú)。35城(siâⁿ)ê书记官(su-kì-koaⁿ)hō͘群 众(kûn-chiòng)安 静(an-chēng)了 后(liáu-āu)，就 讲(chiū kóng)：「以弗所人(í-hut-só͘-lâng)ah，啥 人(siáⁿ-lâng)m̄知(chai)以弗所人(í-hut-só͘-lâng)ê城(siâⁿ)是(sī)大(tōa)A-tí-bí ê庙(biō)kah tùi天 顶(thiⁿ-téng)lak落来(lo̍h-lâi)hit块(tè)圣 石(sèng-chio̍h)ê守护 者(siú-hō͘-chiá)？36既然(kì-jiân)无 人(bô-lâng)ē-tàng否认(hó͘ⁿ-jīn)chit项(hāng)tāi-chì，lín tio̍h安 静(an-chēng)，m̄-thang chhóng-pōng。37何 况(hô-hòng)chiah-ê人(lâng)无(bô)偷(thau)the̍h庙内(biō-lāi)ê物(mi̍h)，mā无(bô)毁 谤(húi-pòng)咱(lán)ê女神(lú-sîn)，lín竟 然(kèng-jiân)拖(thoa)in来(lâi)chia。38低米丢(tí-bí-tiui)kah hiah-ê óa伊(i)ê师傅(sai-hū)若(nā)beh控 告(khòng-kò)，有(ū)开 庭(khui-têng)ê日期(ji̍t-kî)，mā有(ū)总 督(chóng-tok)，大家(tāi-ke)thang tòa hia相告(sio-kò)。39 Lín若(nā)iáu有(ū)别 项(pa̍t-hāng)tāi-chì，thang tī定期(tēng-kî)ê会议(hōe-gī)来 解 决(lâi kái-koat)。40今(kin)á日(ji̍t)所 发 生(só͘ hoat-seng)ê扰 乱(jiáu-loān)，恐 惊(khióng-kiaⁿ)bē免 得(bián-tit)hō͘人(lâng)查 问(cha-mn̄g)，koh讲(kóng)咱(lán)mā无(bô)理由(lí-iû)thang辩 解(piān-kái)。」41讲(kóng)soah，伊(i)就(chiū)宣 布(soan-pò͘)散 会(sòaⁿ-hōe)。