《CTT出頭天園地》

 | | | 轉寄

Chiok Kiat-hun Koa..祝結婚歌

作者 Lōa Kang 賴江, 1939.03 2006.04.02

br> Lâng soeh in-iân thiⁿ chù tiāⁿ,
人　說　姻　緣　天　注　定,

M̄-sī môe-lâng gâu chō-chiâ;
M̄　是　媒　人　gâu　做　成;

Iú-iân chhian-lí lâi siong-hōe,
有　緣　千　里　來　相　會,

Bô-iân tùi-bīn bô kau-pôe.
無　緣　對　面　無　交　陪.

Taⁿ lín sē-iok chò hu-chhe,
今　恁　誓　約　做　夫　妻,

Sū-sū sī ài saⁿ thê-hê;
事　事　是　要　相　提　攜;

Tio̍h gâu kèng tōa koh thiàⁿ sè,
著　gâu　敬　大　又　疼　小,

Tio̍h ēng tō-lí lâi lí-ke.
著　用　道　理　來　理　家.

Hu-hū put-sî ū ài-chêng,
夫　婦　不　時　有　愛　情,

Chiū lín sim-koaⁿ beh lōa chheng;
就　恁　心　肝　beh lōa chheng;

Seng-oa̍h put-sî ná sian-kéng,
生　活　不　時　若　仙　境,

Thian-tông tī lín ê ka-têng.
天　堂　在　恁　ê　家　庭.