《台语荒漠甘泉（汉罗版）》

 | | | 转寄

得胜有chhun

作者 陈清俊 译 林俊育 汉罗翻写 2011.12.18

listen
十二月十八（十二月十八日）

「反(hóan)tńg tī chiah-ê lóng总(chóng) ê 事(sū)，咱(lán) 对(tùi) 疼(thiàⁿ) 咱(lán) ê，得胜(tek-sèng) 到(kàu) 有(ū) chhun。」（罗马(lô-má) 8：37）

福音(hok-im)，上帝(siōng-tè) ê 恩赐(un-sù) 是(sī) 真(chin) 奇妙(kî-biāu) ê，ōe 将(chiong) 敌人(te̍k-jîn) 对敌(tùi-te̍k) 咱(lán) 所有(só͘-ū) ê 力量(le̍k-liōng) 集(chi̍p) 起来(khí-lâi)，化做(hoà-choè) 帮赞(pang-chān) 咱(lán) 行(kiâⁿ)ǹg 天国(thian-kok)，去(khì) 见(kìⁿ) 上帝(siōng-tè) ê 路(lō͘)。这(che) ná 亲像(chhin-chhiūⁿ) 莺鸟(eng-chiáu) 利用(lī-iōng) 暴风(po̍k-hong) ê 力量(le̍k-liōng) 成做(chiâⁿ-choè) 伊(i) pèng 空中(khong-tiong) ê 力(la̍t)。鹰(eng) khiā tī koân-koân ê 山崖(soaⁿ-gâi) 边(piⁿ) 静静(chēng-chēng)，看(khoàⁿ) 天色(thiⁿ-sek) teh 暗(àm)，sih-nà teh sih，暴风(po̍k-hong) teh 卷(kńg)。看(khoàⁿ) 准准(chún-chún)，就(chiū) ǹg 强(kiông) 风(hong) 飞(pe) 去(khì)，利用(lī-iōng) 风(hong) ê 力(la̍t) 将(chiong) 伊(i) ǹg 空中(khong-tiong) 飞(pe) koân。

上帝(siōng-tè) 也(iā) ài 伊(i) 每(múi) 一个(chi̍t-ê) kiáⁿ儿(jî) ōe án-ni，「得胜(tek-sèng) 到(kàu) 有(ū) chhun」。将(chiong) 暴风雨(pō-hong-ú) ê 云(hûn) 变做(pìⁿ-choè) 胜利(sèng-lī) ê 战车(chiàn-chhia)。「得胜(tek-sèng) 到(kàu) 有(ū) chhun」m̄-nā 是(sī) 战(chiàn) 赢(iâⁿ)，将(chiong) 敌人(te̍k-jîn) phah 败(pāi)，koh ōe tùi 敌人(te̍k-jîn) 来(lâi) 得(tit) in ê 粮食(niû-si̍t)，in ê ta̍k 种(chióng) ê 物(mi̍h)。这(che) 是(sī) chit-ê 经节(keng-chat) 真正(chin-chiàⁿ) ê 意义(ì-gī)，m̄-nā phah 赢(iâⁿ)，koh 有(ū) 战利品(chiàn-lī-phín) thang the̍h。

亲爱(chhin-ài) ê 基督徒(ki-tok-tô͘)，当(tng) 你(lí) 经过(keng-koè) 惊惶(kiaⁿ-hiâⁿ) thang 惊(kiaⁿ) ê 苦难(khó͘-lān) 山谷(soaⁿ-kok) 后(āu)，你(lí) 是(sī) m̄ 是(sī) 有(ū) 带(toà)tio̍h 战利品(chiàn-lī-phín) 离开(lī-khui) mah?当(tng) 你(lí) 受伤(siū-siong)，已经(í-keng) teh-beh 无(bô) 元气(goân-khì) ê 时(sî)，你(lí) 有(ū) 信靠(sìn-khò) 上帝(siōng-tè)，hō͘ 你(lí) 出去(chhut-khì) ê 时(sî) 比(pí) 你(lí) 入来(ji̍p-lâi) ê 时(sî) khah 丰盛(hong-sēng)、富裕(hù-jū) mah?做(choè) 一个(chi̍t-ê)「得胜(tek-sèng) 到(kàu) 有(ū) chhun」是(sī) tùi 敌人(te̍k-jîn) hia 得(tit) 战利品(chiàn-lī-phín)，归(kui) tī 家己(ka-kī)，敌人(te̍k-jîn) 所(só͘) beh 用(ēng) 这(che) 来(lâi) 攻击(kong-kek) 你(lí) ê 物(mi̍h) 变做(pìⁿ-choè) 你(lí) ê，变做(pìⁿ-choè) 对(tùi) 你(lí) 有(ū) 路用(lō͘-iōng) ê 物(mi̍h)。

Tī 英国(eng-kok) Bú-lâi-tùn(Brighton, England) 有(ū) 一位(chi̍t-ūi) Mō͘-un 博士(phok-sū)（Dr. Mo͘n)，有(ū) 一日(chi̍t-ji̍t) 伊(i) 忽然(hut-jiân) 失明(sit-bêng)，青瞑(chhiⁿ-mî) 无(bô) 看见(khoàⁿ-kìⁿ)。伊(i) 对(tùi) 主(chú) 讲(kóng)：「主(chú) ah，我(goá) tùi 你(lí) 得(tit)tio̍h 失明(sit-bêng)，这(che) 是(sī) 一种(chi̍t-chióng) ê 才能(châi-lêng)，求(kiû) 你(lí) 帮赞(pang-chān) 我(goá)，hō͘ 我(goá) ōe 用(ēng) 这(che) 来(lâi) 荣耀(êng-iāu) 你(lí)。Tī 你(lí) 再(chài) 临(lîm) ê 时(sî)，ōe 连(liân) 本(pún) 带(toà) 利(lāi) 来(lâi) 收回(siu-hoê)。（马太(má-thài) 25：27）。后来(āu-lâi) 得(tit)tio̍h 上帝(siōng-tè) ê 帮赞(pang-chān)，伊(i) 发明(hoat-bêng) 盲人(bông-jîn) ê 字母(jī-bú)，hō͘ 千千(chheng-chheng) 万万(bān-bān) ê 盲人(bông-jîn) ōe-thang 读(tha̍k) 上帝(siōng-tè) ê 话(oē)，得(tit)tio̍h 救恩(kiù-un) ê 道理(tō-lí)。

上帝(siōng-tè) 无(bô) 将(chiong) 保罗(pó-lô) ê「肉体(jio̍k-thé) ê 刺(chhì)」除去(tû-khì)，（哥林多(ko-lîm-to) 后(āu) 12：7），主(chú) 所(só͘) 做(choè) ê koh-khah 好(hó)，hō͘ 保罗(pó-lô) 克服(khek-ho̍k) chit 支(ki) 刺(chhì)，hō͘ 刺(chhì) 变做(pìⁿ-choè) 伊(i) ê 奴仆(lô͘-po̍k)。带(toà) 刺(chhì) ê 事奉(sū-hōng)，对(tùi) 人类(jîn-lūi) ê 贡献(kòng-hiàn) 比(pí) 坐(chē) tī 王位(ông-ūi)（享受(hiáng-siū)）ê 事奉(sū-hōng) khah 伟大(úi-tāi)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org