单独
十二月初四(十二月四日)
「就 ( chiū ) 家己 ( ka-kī ) 上山 ( chiūⁿ-soaⁿ ) 祈祷 ( kî-tó ) 。」(马太 ( má-thài ) 福音 ( hok-im ) 14:23)
安歇 ( an-hioh ) 日 ( ji̍t ) ê 好处 ( hó-chhù ) 就是 ( chiū-sī ) 放下 ( pàng-hē ) 世间 ( sè-kan ) ê 事 ( sū ) ,享受 ( hiáng-siū ) 安宁 ( an-lêng ) 平静 ( pêng-chēng ) ,圣洁 ( sèng-kiat ) ê 平安 ( pêng-an ) ,肃静 ( siok-chēng ) 中 ( tiong ) 产生 ( sán-seng ) 一种 ( chi̍t-chióng ) 特别 ( te̍k-pia̍t ) ê 能力 ( lêng-le̍k ) 。乌鸦 ( o͘-a ) 是 ( sī ) kui 群 ( kûn ) teh 飞 ( pe ) ,豺狼 ( chhâi-lông ) 是 ( sī ) 结 ( kiat ) 阵 ( tīn ) teh 行 ( kiâⁿ ) ,但是 ( tān-sī ) ,狮 ( sai ) kap 鹰鸟 ( eng-chiáu ) 是 ( sī ) 单独 ( tan-to̍k ) 出现 ( chhut-hiān ) 。
Tī 无闲 ( bô-êng ) 吵闹 ( chhá-nāu ) ê 中间 ( tiong-kan ) bōe 产生 ( sán-seng ) 力量 ( le̍k-liōng ) ,tī 安静 ( an-chēng ) ê 时 ( sî ) chiah 会 ( ōe ) 。湖 ( ô͘ ) 面 ( bīn ) beh 反影 ( hóan-iáⁿ ) 出 ( chhut ) 天色 ( thiⁿ-sek ) ê súi,是 ( sī ) tī 平静 ( pêng-chēng ) ê 时 ( sî ) chūn。咱 ( lán ) ê 主 ( chú ) 欢喜 ( hoaⁿ-hí ) 一 ( chi̍t ) 大阵 ( tōa-tīn ) ê 人 ( lâng ) 来 ( lâi ) chhē 伊 ( i ) ,总是 ( chóng-sī ) 伊 ( i ) 也 ( iā ) 常常 ( siông-siông ) 单独 ( tan-to̍k ) 一 ( chi̍t ) 人 ( lâng ) 安静 ( an-chēng ) tī 山里 ( soaⁿ-nih ) 。虽然 ( sui-jiân ) 伊 ( i ) ê 宣道 ( soan-tō ) 是 ( sī ) tī 都市 ( to͘-chhī ) 、乡镇 ( hiong-tìn ) ê 湖 ( ô͘ ) 边 ( piⁿ ) 进行 ( chìn-hêng ) ,伊 ( i ) koh-khah ài 家己 ( ka-kī ) 一 ( chi̍t ) 人 ( lâng ) 黄昏 ( hông-hun ) ê 时 ( sî ) ,退 ( thè ) 到 ( kàu ) 山里 ( soaⁿ-nih ) tī 平静 ( pêng-chēng ) koân ê 所在 ( só͘-chāi ) 。
现今 ( hiān-kim ) 咱 ( lán ) 所 ( só͘ ) 需要 ( su-iàu ) ê 是 ( sī ) 单独 ( tan-to̍k ) kap 主 ( chú ) tī-teh ê 时 ( sî ) chūn,这 ( che ) tī 伊 ( i ) ê 脚前 ( kha-chêng ) ,得 ( tit ) 伊 ( i ) ê 祝福 ( chiok-hok ) ,单独 ( tan-to̍k ) kap 伊 ( i ) 亲近 ( chhin-kūn ) 。Oh,咱 ( lán ) 需要 ( su-iàu ) hit 种 ( chióng ) 「默想 ( be̍k-sióng ) 」ê 工夫 ( kang-hu ) ,咱 ( lán ) ê 生活 ( seng-o̍ah ) 需要 ( su-iàu ) hit-ê「隐密 ( ún-ba̍t ) ê 所在 ( só͘-chāi ) 」(诗篇 ( si-phian ) 91:1)。Oh,咱 ( lán ) 需要 ( su-iàu ) thèng 候 ( hāu ) tùi 上帝 ( siōng-tè ) 来 ( lâi ) ê 能力 ( lêng-le̍k ) !
谷 ( kok ) 中 ( tiong ) 甘甜 ( kam-tiⁿ ) 好 ( hó ) 生活 ( seng-o̍ah ) ,
世上 ( sè-chiūⁿ ) tāi-chì lóng 做 ( chòe ) soah,
做穑人 ( chò-sit-lâng ) tī 麦园 ( be̍h-hn̂g ) 唱歌 ( chhiùⁿ-koa ) ,
工作 ( kang-chok ) 到 ( kàu ) 日头 ( ji̍t-thâu ) 落山 ( lo̍h-soaⁿ ) 。
平洋 ( pîⁿ-iûⁿ ) 以外 ( í-gōa ) ,我 ( góa ) giâ 目 ( ba̍k ) 看 ( khòaⁿ ) 山 ( soaⁿ ) ,
无 ( bô ) 有 ( ū ) 人 ( lâng ) 、车 ( chhia ) ,众 ( chèng ) 喧哗 ( soan-hôa ) ,
Tùi 和平 ( hô-pêng ) ê 山 ( soaⁿ ) ,
有 ( ū ) 声 ( siaⁿ ) teh 叫 ( kiò ) 我 ( góa ) 。
是 ( sī ) ,谷 ( kok ) 中 ( tiong ) 生活 ( seng-o̍ah ) 是 ( sī ) 甘甜 ( kam-tiⁿ ) ,
工作 ( kang-chok ) 到 ( kàu ) 日头 ( ji̍t-thâu ) 落去 ( lo̍h-khì ) ,
一日 ( chi̍t-ji̍t ) 工作 ( kang-chok ) 做 ( chòe ) 清气 ( chheng-khì ) ,
我 ( góa ) 心灵 ( sim-lêng ) 需要 ( su-iàu ) 山里 ( soaⁿ-nih ) 空气 ( khong-khì ) 。
至 ( chì ) koân 恬静 ( tiām-chēng ) ê 气味 ( khì-bī ) ,
充满 ( chhiong-móa ) tī 安静 ( an-chēng ) 山里 ( soaⁿ-nih ) ,
深深 ( chhim-chhim ) 安宁 ( an-lêng ) ê 山 ( soaⁿ ) 边 ( piⁿ ) ,
Iáu teh 感 ( kám ) tio̍h 这 ( che ) 灵气 ( lêng-khì ) 。
性命 ( sìⁿ-miā ) beh 得 ( tit ) tio̍h 坚强 ( kian-kiông ) ,必须 ( pit-su ) ài 有 ( ū ) 只有 ( chí-ū ) 上帝 ( siōng-tè ) ōe-thang 入去 ( ji̍p-khì ) ê「至圣所 ( chì-sèng-só͘ ) 」(出埃及记 ( chhut-ai-ki̍p-kì ) 26:33)
附注:《荒漠甘泉》汉罗版kap "Hong-bô͘ Kam-chôaⁿ"全罗版附CD,由人光出版社出版, 欢迎洽购(06-235-6277分机(122~124) , e-mail:book@pctpress.org