Tī 欧洲 siōng 高 ê 山,A-lí-phí-sú 山(Alpine)ê 山谷中,上帝 ta̍k 年就 teh 创造奇迹。日时有大太阳照,暗时有冰雪冻,气候变化真大。总是 tī 冰雪 khah 薄 ê 所在,有一种花草,ōe 对冰 ê 中间 puh 出来真灿丽 ê 花蕾。这小小 ê 花,叫做「高山钟花」(soldanelle plant),伊 thài ōe 有 chiah-nih 大 ê 能力 ah?
原来 chit 种花草,当热天 ê 时,伊将叶 chhun tī 地里真阔,thang 吸收日头 ê 光 kap 热,chiah-ê 能 lóng 存 tī 伊 ê 根 ê 内面。当春天到,雪里 ê 性命开始醒起来,小小 ê 花草 puh 芽,奇妙来发出细细 ê 热气,渐渐将顶面 ê 雪溶出一个气囊。
Chit-ê 植物 ná 大丛,tī 顶面 ê 气囊就 ná 大粒,一直到花 m̂ 安全形成好势。Siōng 尾,盖 tī 顶面 ê 冰雪 hō͘ 气囊大到破一孔。植物 ê 花 m̂ 就 tùi chit-ê 孔 chhèng 出来雪顶,开出细细紫色 ê 花,伊 ê 花片金 siak-siak,ná 亲像经过一段真痛苦 ê 行程所致 ê 记号。
Chit 种细细脆弱 ê 花 hō͘ 我 ê 心有大大 ê 感触,m̄ 是 tī 低 ê 山坪中,花草所开 chiok súi ê 花所 hō͘ 我 ê 感触一样。咱 ài 看无可能 ê 事变做可能,koh 成做事实,上帝也是 án-ni。
所以,咱 ài 坚持、忍耐,将咱 ê 困境、人类 ê 乌点、怀疑、m̄ 信、lóng 总 ê 困难、反对上帝 ê 作为,lóng 推送 tī 上帝 ê 顶面,也是 bōe-thang 阻挡上帝 ê 奇妙创造奇迹 ê 能力。愿咱 ōe 专心信靠伊,因为伊是「ōe 做出不可能」ê 上帝。