《台语荒漠甘泉（汉罗版）》

 | | | 转寄

单独kap主tī-teh

作者 陈清俊 译 林俊育 汉罗翻写 2011.02.27

listen 二月二七(二月二十七日)

「只有(chí-ū) chhun 雅各(ngá-kok) 家己(ka-kī) tī-teh；有(ū) 一(chi̍t) 人(lâng) 来(lâi) kap 伊(i) 相(saⁿ) ián，到(kàu) tī 天(thiⁿ) phú 光(kng)。」(创世记(chhòng-sè-kì) 32：24)

「只有(chí-ū) chhun 一个(chi̍t-ê) 人(lâng)」，当(tng) 咱(lán) 读(tha̍k) tio̍h chit 句(kù) ê 时(sî)，咱(lán) ê 感受(kám-siū) 是(sī) án-chóaⁿ？是(sī) 孤单(ko͘-toaⁿ)？是(sī) 忧伤(iu-siong)？á 是(sī) 安静(an-chēng) thang 歇困(hioh-khùn) ê 机会(ki-hōe)。若是(nā-sī) chhun 一(chi̍t) 人(lâng)，koh 无(bô) 天父(thiⁿ-pē) ê 同在(tông-chāi)，这(che) 是(sī) 真(chin) 可怕(khó-phàⁿ)，真(chin) oh 用(ēng) 言语(giân-gí) 形容(hêng-iông) ê 事(sū)。但是(tān-sī) 单独(tan-to̍k) 一(chi̍t) 人(lâng)，有(ū) 天父(thiⁿ-pē) ê 同在(tông-chāi)，就(chiū) thang 讲(kóng) 是(sī) súi-súi，ná 亲像(chhin-chhiūⁿ) tī 天堂(thian-tông) ê 时(sî) chūn。一个(chi̍t-ê) 基督徒(ki-tok-tô͘) 若(nā) 常常(siông-siông) 会(ōe) thang 单独(tan-to̍k) kap 主(chú) tī-teh，伊(i) beh 成做(chiâⁿ-chòe) 属灵(sio̍k-lêng) 伟大(úi-tāi) ê 人物(jîn-bu̍t)。

咱(lán) ê 主(chú)，耶稣(iâ-so͘) 基督(ki-tok)，留(lâu) hō͘ 咱(lán) 好(hó) ê 模样(bô͘-iūⁿ)，伊(i) 常常(siông-siông) 单独(tan-to̍k) kap 天父(thiⁿ-pē) tī-teh，teh 祈祷(kî-tó)。伊(i) 也(iā) 教示(kà-sī) 咱(lán) 讲(kóng)：「你(lí) 祈祷(kî-tó) ê 时(sî)，ài 入(ji̍p) 内房(lāi-pâng)，关(koaiⁿ) 门(mn̂g)，祈祷(kî-tó)。」(马太(má-thài) 6：6) Chit-ê 教示(kà-sī) 有(ū) 强(kiông) koh 有力(ū-la̍t) ê 目的(bo̍k-tek)。

先知(sian-ti) 以利亚(í-lī-a) kap 以利沙(í-lī-sa) ê siōng 伟大(úi-tāi) ê 神迹(sîn-jiah)，lóng 是(sī) tī in 单独(tan-to̍k) kap 天父(thiⁿ-pē) tī-teh ê 时(sî) 发生(hoat-seng)。雅各(ngá-kok) 会(ōe) 成做(chiâⁿ-chòe)「王子(ông-chú)」(叫做(kiò-chòe) 以色列(í-sek-lia̍t)，创世记(chhòng-sè-kì) 32：28)，也是(iā-sī) 伊(i) kap 上帝(siōng-tè) 单独(tan-to̍k) ê 时(sî)。Siāng 款(khóan)，咱(lán) 会(ōe) 得(tit) 变做(pìⁿ-chòe)「王族(ông-cho̍k)」，做(chòe)「众人(chèng-lâng) 稀奇(hi-kî) ê 人(lâng)」(撒该利亚(sat-ka-lī-a) 3：8)；约书亚(iok-su-a) kap 上帝(siōng-tè) saⁿ tú-tio̍h ê 时(sî)，是(sī) 孤单(ko͘-toaⁿ) 一(chi̍t) 人(lâng)(约书亚(iok-su-a) 1：1)。士师(sū-su) 基甸(ki-tiân) kap 耶弗他(iâ-hut-tha) 受命(siū-bēng) 拯救(chín-kiù) 以色列(í-sek-lia̍t) 人(lâng) ê 时(sî)，也是(iā-sī) 只有(chí-ū) 一(chi̍t) 人(lâng)(士师记(sū-su-kì) 6：11；11：29)。摩西(mô͘-se) 面对(bīn-tùi) teh 烧(sio) ê 莿(chhì) phè ê 时(sî)，也是(iā-sī) 伊(i) 单独(tan-to̍k) 一(chi̍t) 人(lâng) ê 时(sî)(出埃及记(chhut-ai-ki̍p-kì) 3：1-5)。上帝(siōng-tè) ê 使者(sù-chiá) 来(lâi) 见(kìⁿ) 百总(peh-chóng)(连长(liân-tiúⁿ))哥尼流(ko-nî-liû) ê 时(sî)，是(sī) tī 伊(i) 一(chi̍t) 人(lâng) teh 祈祷(kî-tó)。使徒(sù-tô͘) 彼得(pí-tet) tī 厝顶(chhù-téng) 奉差(hōng-chhe) 去(khì) 外邦(gōa-pang) 人(lâng) 中间(tiong-kan)，mā 是(sī) 无(bô) 人(lâng) tī 伊(i) 身边(sin-piⁿ)(使徒(sù-tô͘) 行传(hêng-tōan) 10：9-28)。行洗礼(kiâⁿ-sóe-lé) 约翰(iok-hān) tī 旷野(khòng-iá) 也是(iā-sī) 伊(i) 单独(tan-to̍k) 一(chi̍t) 人(lâng)(路加(lō͘-ka) 1：80)。耶稣(iâ-so͘) 所(só͘) 疼(thiàⁿ) ê 学生(ha̍k-seng)，约翰(iok-hān) tī 拔摩(po̍at-mô͘) ê 海屿(hái-sū) kap 上帝(siōng-tè) 上(siōng) 亲密(chin-bi̍t) ê 时(sî)，也是(iā-sī) chhun 伊(i) 一(chi̍t) 人(lâng)(启示录(khé-sī-lio̍k) 1：9)

应当(èng-tong) 渴慕(khak-bō͘) kap 上帝(siōng-tè) 单独(tan-to̍k) 作伙(chòe-hé)，假使(ká-sú) 咱(lán) 若(nā) 忽略(hut-lio̍k)，轻视(khin-sī) kap 上帝(siōng-tè) 单独(tan-to̍k) ê 时刻(sî-khek)，m̄-nā 是(sī) 家己(ka-kī) 失去(sit-khì) 福份(hok-hūn)，也会(iā-ōe) 因为(in-ūi) 无(bô) 福份(hok-hūn) kap 人(lâng) 分享(hun-hióng)，hō͘ 别人(pa̍t-lâng) 也(iā) soah 失去(sit-khì) chit-ê 福份(hok-hūn)。单独(tan-to̍k) 亲近(chhin-kūn) 上帝(siōng-tè)，tī 外表(gōa-piáu) 看起来(khòaⁿ-khí-lâi) ná 亲像(chhin-chhiūⁿ) 无(bô) 甚么(sím-mi̍h) 大(tōa) 了不起(liáu-put-khí) ê 事(sū)，总是(chóng-sī) 会(ōe) 增加(cheng-ka) 咱(lán) ê 工作(kang-chok) ê 深度(chhim-tō͘) kap 能力(lêng-le̍k)。另外(lēng-gōa) iáu 有(ū) 一个(chi̍t-ê) 奇妙(kî-biāu) ê 结果(kiat-kó)，别人(pa̍t-lâng) tī 咱(lán) ê 生活(seng-o̍ah) 中(tiong)「无(bô) 看见(khòaⁿ-kìⁿ) 一(chi̍t) 人(lâng)，只有(chí-ū) 耶稣(iâ-so͘)」(马太(má-thài) 17：8)

祈祷(kî-tó) 中(tiong)，单独(tan-to̍k) kap 上帝(siōng-tè) 作伙(chòe-hé)，这(che) 重要性(tiōng-iàu-sèng) 绝对(cho̍at-tùi) m̄-thang 忽略(hut-lio̍k) 去(khì)。

若(nā) 无(bô) 单独(tan-to̍k)，安安(an-an) 静静(chēng-chēng) tī 主(chú) 面前(bīn-chêng)
就(chiū) bōe 产生(sán-seng)，完成(ôan-sêng) 伟大(úi-tāi) 工程(kang-thêng)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org