《台语荒漠甘泉（汉罗版）》

 | | | 转寄

开垦山地

作者 陈清俊 译 林俊育 汉罗翻写 2011.02.13

listen 二月十三(二月十三日)

「山地(soaⁿ-tōe) 也(iā) beh 归(kui) 你(lí)；虽然(sui-jiân) 是(sī) 树林(chhiū-nâ)，你(lí) 也(iā) thang chhò 伊(i)；伊(i) ê 极头(ke̍k-thâu) 也(iā) beh 属(sio̍k) 你(lí)。」(约书亚(iok-su-a) 17：18)

平洋(pîⁿ-iûⁿ)、山谷(soaⁿ-kok) tòa 满(móa) 迦南(ka-lâm) 人(lâng)，in 有(ū) 铁车(thih-chhia)，强大(kiông-tōa) 有力(ū-la̍t)，阻挡(chó͘-tòng) lín 前进(chiân-chìn)。山地(soaⁿ-tōe) 开阔(khui-khoah)，满(móa) 是(sī) 树(chhiū)，是(sī) 你(lí) 努力(ló͘-le̍k) 发展(hoat-tián) ê 所在(só͘-chāi)。

今日(kim-ji̍t) 当(tng) 你(lí) 发见(hoat-kiàn) bōe-tàng 为(ūi) 上帝(siōng-tè) 做工(chòe-kang)，你(lí) thang 为(ūi) tio̍h hiah-ê ōe-tàng ê 人(lâng) 来(lâi) 祈祷(kî-tó)。你(lí) bōe-tàng 用(ēng) 你(lí) ê 力量(le̍k-liōng)，你(lí) ê 话语(ōe-gú) 来(lâi) 推展(thui-tián) 地上(tē-chiūⁿ) ê 工作(kang-chok)，你(lí) thang 用(ēng) 祈祷(kî-tó) 来(lâi) 感动(kám-tōng) 天里(thiⁿ-nih) ê 大(tōa) 力量(le̍k-liōng) 来(lâi) 做工(chòe-kang)。你(lí) 感觉(kám-kak) tī 山脚(soaⁿ-kha) bōe-tàng 进展(chìn-tián) 你(lí) ê 事工(sū-kang)，有(ū) 生活(seng-o̍ah) 压力(ap-le̍k)，受(siū) 阻止(chó͘-chí)，事事(sū-sū) 无(bô) 顺利(sūn-lī)，你(lí) thang 将(chiong) 眼光(gán-kong) ǹg khah koân ê 山地(soaⁿ-tōe)、天里(thiⁿ-nih)，看(khòaⁿ) bōe-tio̍h、永久性(éng-kiú-sèng) ê 境界(kéng-kài) 去(khì) 做(chòe)。

人(lâng) 用(ēng) 信心(sìn-sim) 来(lâi) 开垦(khai-khún) 山地(soaⁿ-tōe)，以色列(í-sek-lia̍t) 人(lâng) 知(chai) 山里(soaⁿ-nih) 有(ū) chōe-chōe 资源(chu-gôan)、财宝(châi-pó)，有(ū) 丰富(hong-hù) ê 大(tōa) 树林(chhiū-nâ) 去(khì) 开垦(khai-khún)。上帝(siōng-tè) ài in 去(khì) 山里(soaⁿ-nih) 开垦(khai-khún) ê 大(tōa) 工作(kang-chok)，看(khòaⁿ) 起来(khí-lâi) 是(sī) 无(bô) 可能(khó-lêng) ê 大(tōa) 工程(kang-thêng)。M̄ 是(sī) beh hō͘ in 惊(kiaⁿ) kah 灰心(hoe-sim)，反(hóan) tńg 是(sī) beh ài in 有(ū) 信心(sìn-sim)，有(ū) 能力(lêng-le̍k) 会(ōe) 做(chòe) in 所(só͘) 想(siūⁿ) 讲(kóng) 无(bô) 可能(khó-lêng) ê 事(sū)。Chit-ê 力量(le̍k-liōng) 是(sī) 靠(khò) tio̍h 上帝(siōng-tè) 所(só͘) 赐(sù) 圣灵(sèng-lêng) ê 大能(tāi-lêng)，chiah 发(hoat) 会(ōe) 出来(chhut-lâi)。

人(lâng) 会(ōe) 有(ū) 困难(khùn-lân) 是(sī) 为甚么(ūi-sím-mi̍h)？Ài 咱(lán) 用(ēng) 信心(sìn-sim) 靠(khò) 祈祷(kî-tó) kap 努力(ló͘-le̍k) 工作(kang-chok)，上帝(siōng-tè) ê 能力(lêng-le̍k) 就(chiū) 会(ōe) 显现(hián-hiān) 出来(chhut-lâi)。Tī 山谷(soaⁿ-kok) 中(tiong) tú-tio̍h 四(sì) 面(bīn) 受(siū) 围困(ûi-khùn) mah?「就(chiū) hō͘ 伊(i) 骑(khiâ) tī 地上(tē-chiūⁿ) koân ê 所在(só͘-chāi)，得(tit) tio̍h 食(chia̍h) 田里(chhân-nih) ê 土产(thó͘-sán)；koh hō͘ 伊(i) tùi 石磐(chio̍h-pôaⁿ) suh 蜜(bi̍t)，tùi 火石(hé-chio̍h) suh 油(iû)。」(申命记(sin-bēng-kì) 32：13)Ài ǹg koân ê 地(tōe)，tùi 石磐(chio̍h-pôaⁿ) ni 蜜(bi̍t) 出来(chhut-lâi)。人(lâng) 看做(khòaⁿ-chòe) 无(bô) 可能(khó-lêng)，lóng beh 变做(pìⁿ-chòe) 可能(khó-lêng)。Tùi 山地(soaⁿ-tōe) 取(chhú) 珍宝(tin-pó)。

甚么(sím-mi̍h) 横(hûiⁿ) bōe 过(kè) ê 大(tōa) 水(chúi)，
甚么(sím-mi̍h) 钻(chǹg) bōe 透(thàu) ê 山堆(soaⁿ-tui)，
阮(góan) 是(sī) 特殊(te̍k-sû) 工程(kang-thêng) 队(tūi)，
专门(choan-bûn) 做(chòe)「无(bô) 可能(khó-lêng)」ê 类(lūi)。
――Panama运河(ūn-hô) 建筑(kiàn-tio̍k) 工人(kang-lâng) ê 歌(koa)


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.org