不管你有甚么事,任何 ê 重担 lóng 讲 hō͘ 上帝听,将 kui-ê tāi-chì 交托 tī 伊 ê 手中。Án-ni 做,你就 bōe 受 tio̍h 世间 ê 纷乱、冲突,kap 挂虑。事实上,不管甚么时准备做甚么事,受甚么考验,á 是做日常生活 khang-khè,lóng 总讲 hō͘ 上帝知。是,将一切向伊讲明,甚至将重担卸 hō͘ 伊,了后你就无 koh 为 chiah-ê 事忧虑 kap 烦恼。Tùi taⁿ 起,静静工作、认真、谨慎,了解你是完全靠伊来进行工作。将你 ê 忧虑 kap 你本身做一伙,ná 重担交托上帝。――R. Leighton
今日围造一个信心 ê 篱笆园, 疼 ê 工作充满 hit 中央, 明日莫得看篱笆 gōa 远远, 无论喜乐 á 忧伤,伊 lóng 会担当。
你 beh 发现无可能「将你 ê tāi-chì 交代耶和华」,除非你 ê 事有符合 tio̍h 伊 ê 同意。只有通过信心来做,假使你 ê 心内甚至有一点点 á ê 怀疑,信心就 bōe 发生作用。将 tāi-chì 交托上帝是连续 ê 动作,m̄ 是孤孤一 pái 就够额。不管伊 ê 引 chhōa 是真意外,á 是真特别无平常,也无管伊 chhōa 到离山崖 jōa 近,永远 m̄-thang 将引 chhōa ê 索 tùi 伊 ê 手抢过来。
你愿意将你一切 ê 事 lóng 交托上帝,hō͘ 伊做决定 mah?一个基督徒需要详细检验伊本身 ê 习惯 kap 见解看法,因为咱常常陷落 tī 掠做上帝一定同意。Án-ni chiah 会有一 kóa 基督徒会着急 kap 惊惶。显然 in 无交代 in ê 所做 hō͘ 主,完全交托伊。In the̍h tāi-chì 到伊 ê 面前,总是离开 ê 时,也 koh 将 tāi-chì 带 tò-tńg。