《台语荒漠甘泉（汉罗版）》

 | | | 转寄

koh活

作者 陈清俊 译 林俊育 汉罗翻写 2010.04.25

listen
四月二五(四月二十五日)

「有(ū) 抹大拉(Boa̍t-tāi-lah) ê 马利亚(Má-lī-a)，kap 别(pa̍t) 个(ê) 马利亚(Má-lī-a) tī hia，坐(chē) tī 墓(bōng) ê 对面(tùi-bīn)。」(马太27:61)

Ah，人(lâng) tī 悲哀(pi-ai) ê 时(sî)，真(chin) oh 去(khì) 看(khoàⁿ) 清楚(chheng-chhó)，oh 明白(bêng-pe̍k)，oh 去(khì) 了解(liáu-kái)！悲伤(pi-siong) hō͘ 人(lâng) 头壳(thâu-khak) 空空(khang-khang)，无(bô) 愿意(goān-ì) 去(khì) 学(o̍h)，去(khì) 明白(bêng-pe̍k) tāi-chì。悲哀(pi-ai) ê 妇女(hū-lú)「坐(chē) tī 墓(bōng) ê 对面(tùi-bīn)」，in kiám 会(oē) 看(khoàⁿ) tio̍h 两(nn̄g) 千年(chheng-nî) 后(āu) ê 胜利(sèng-lī) 成果(sêng-kó) mah?除了(tû-liáu) chhē 无(bô) 基督(ki-tok)，in kiám 有(ū) 看(khoàⁿ) tio̍h 甚么(sím-mi̍h) mah?

你(lí) 我(goá) 所(só͘) 知(chai) ê 基督(ki-tok) 就(chiū) 是(sī) tùi in 所(só͘) 失去(sit-khì) ê，tùi in ê 悲伤(pi-siong)，有(ū) 真(chin) chōe 哀痛(ai-thòng) 伤心(siong-sim) ê 人(lâng) 看(khoàⁿ) tio̍h koh 活(oa̍h) ê ǹg 望(bāng)。抹大拉(Boa̍t-tāi-lah) ê 马利亚(Má-lī-a) 伤心(siong-sim) 到(kàu) 无(bô) 看(khoàⁿ) tio̍h koh 活(oa̍h) ê 开始(khai-sí)。In 想(siūⁿ) 是(sī) 性命(sìⁿ-miā) ê 结束(kiat-sok)，却(khiok) 是(sī) 基督(ki-tok) 做(choè) 王(ông) 受(siū) 加冕(ka-bián) ê 准备(chún-pī)。基督(ki-tok) 恬恬(tiām-tiām) 受钉(siū-tèng)，等待(tán-thāi) 伊(i) koh 活(oa̍h) ê 大(toā) 能力(lêng-le̍k)。

妇女(hū-lú) 无(bô) 看(khoàⁿ) tio̍h chit 点(tiám)，in 哀痛(ai-thòng)、啼哭(thî-khàu)、走去(cháu-khì)，koh 伤心(siong-sim) 回(hoê) 到(kàu) 坟墓(hûn-bōng) hia。总是(chóng-sī) 所(só͘) 看(khoàⁿ) ê，iáu 只是(chí-sī) 一个(chi̍t-ê) 墓(bōng) nā-tiāⁿ，无(bô) 声音(siaⁿ-im)，无(bô) 兆头(tiāu-thâu)。

咱(lán) 也(iā) 是(sī) siâng 款(khoán)，每(múi) 一(chi̍t) 人(lâng) tī 家己(ka-kī) ê 花园(hoe-hn̂g) 里(nih)，坐(chē) tī 坟墓(hûn-bōng) 对面(tùi-bīn)，讲(kóng)：「Chit-ê 惨剧(chhám-kio̍k) 是(sī) 无(bô) 伊(i) ê，无(bô) 办法(pān-hoat) thang 补救(pó͘-kiù) ê，我(goá) 看(khoàⁿ) bōe-tio̍h 有(ū) 甚么(sím-mi̍h) 利益(lī-ek)，也(iā) bōe-thang tùi 伊(i) 来(lâi) 得(tit) tio̍h 安慰(an-ùi)。「总是(chóng-sī) tī 咱(lán) siōng 沉重(tîm-tāng)、siōng 悲伤(pi-siong) ê 逆境(ge̍k-kéng) 中(tiong)，咱(lán) ê 基督(ki-tok) tī hia，等待(tán-thāi) koh 活(oa̍h)。

Tī 咱(lán) 差不多(chha-put-to) beh 死(sí) 去(khì) ê 时(sî) chūn，咱(lán) ê 救主(kiù-chú) tī hia。咱(lán) 希望(hi-bōng) ê 尽尾(chīn-bé)，beh 看(khoàⁿ) tio̍h siōng 光明(kong-bêng) ê 光辉(kong-hui) 开始(khai-sí) 出现(chhut-hiān)。Tī siōng 乌暗(o͘-àm) 中(tiong)，是(sī) 准备(chún-pī) siōng 灿烂(chhàn-lān) ê 光(kng) 出现(chhut-hiān)。一旦(it-tàn) 咱(lán) 得(tit) tio̍h 体验(thé-giām)，就(chiū) 会(oē) 发现(hoat-hiān) 咱(lán) ê 花园(hoe-hn̂g) ê 景色(kéng-sek) 无(bô) hō͘ 坟墓(hûn-bōng) 破坏(phò-hoāi)。

带(toà) 有(ū) 悲伤(pi-siong) ê 喜乐(hí-lo̍k)，chit-ê 喜乐(hí-lo̍k) koh-khah 有(ū) 意义(ì-gī)。当(tng) 上帝(siōng-tè) ê 喜乐(hí-lo̍k) 种(chèng) tī 咱(lán) ê 周围(chiu-ûi)，咱(lán) ê 悲伤(pi-siong) beh koh-khah 灿烂(chhàn-lān) 光明(kong-bêng)。起头(khí-thâu) 花园(hoe-hn̂g) ê 花(hoe) 可能(khó-lêng) m̄ 是(sī) 咱(lán) 所(só͘) 心爱(sim-ài) ê，咱(lán) beh 学习(ha̍k-si̍p) tio̍h hiah-ê 生(siⁿ) tī 心(sim) 中(tiong) ê 花(hoe)。Tī 坟墓(hûn-bōng) 边(piⁿ) 基督徒(ki-tok-tô͘) 心(sim) 中(tiong) 所(só͘) 栽种(chai-chèng) ê 花(hoe)，有(ū) 疼(thiàⁿ)、ǹg 望(bāng)、信心(sìn-sim)、喜乐(hí-lo̍k) kap 平安(pêng-an)。

Chit 条(tiâu) 忧伤(iu-siong) ê 路桥(lō͘-kiô)，
基督(ki-tok) 进入(chìn-ji̍p) 安歇(an-hioh)，
Tī chia，是(sī) teh chhē 玫瑰(mûi-kùi) 花(hoe)，
Á 是(sī) 受(siū) 祝福(chiok-hok) ê 地(toē)？
天堂(thian-tông) siōng 白(pe̍h) ê 百合花(pek-ha̍p-hoe)，
开(khui) tiàm 人间(jîn-kan) 患难(hoān-lān) 刺(chhì) phòe。
Tī chia，伊(i) 谦卑(khiam-pi) 背(pē) 十字架(si̍p-jī-kè)，
Tī hia，有(ū) 王(ông) ê 紫袍(chí-phàu) 穿(chhēng) teh。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com