这是真趣味 ê 事,早期,上帝 án-chóaⁿ 带领早时传十字架福音 ê 使者。方法是禁止 in 去,in 想 beh 去,但是不应该去 ê 所在。保罗想 beh 去亚西亚传福音,圣灵禁止 in 去;in koh 想 beh 去小亚西亚 ê Pì-chhui-nî,伊也禁止 in。虽然最后保罗 tī 晚年,tī 亚西亚,所禁 ê 城市,有做 siōng 伟大 ê 布道事工,但是现此时,圣灵却无允准 in 去,将门关起来,因为时 iáu-bōe 到。Tùi 撒旦所防守坚强 ê 所在进攻,必须先 hō͘ 阿波罗做基层 ê 工作。Chit 时别 ê 所在需要保罗 kap 巴拿巴,in 也需要 khah-chōe ê 操练,chiah 负会起 khah 大 ê 责任。
亲爱 ê 朋友,你若 m̄ 知 beh 行 ê 方向,就应该交 hō͘ 圣灵决定。伊 beh 关所有 ê 门,chhun 所应该行 hit-ê 门开。你 thang 对伊讲:「圣灵 ah,我信任你将无合 tī 上帝旨意 ê 门关起来,hō͘ 我 sūn-thàn 你 ê 指挥,会听 tio̍h 你 ê 声讲:「向左,向右」。(申命记5:32)
Chit 时,你应该继续你 ê 路程,坚守上帝 ê 呼召,若无上帝清楚 ê 指示,m̄-thang 改变。天路 ê 旅客 ah,耶稣 ê 灵 án-chóaⁿ 对待保罗,也 beh án-ni 指示你。咱 ài 小心听细细 ê 指示 á 是警告。信心 ê 祈祷,若无阻挡,就放心去行。无得奇怪,有时 tú-tú beh 踏出,门 soah 关起来,向左,向右 ê 门 lóng 关起来,却是 beh ín-chhōa 你去 Te̍k-lô-a 大路 ê 门大开。Tī hia 有同工路加 teh 等你。异象会指示 tó 一所在有机会,有忠心 ê 朋友 teh 等你。---F. B. Meyer
人生 tú-tio̍h 问题 ê 时, 前途无知亦神秘, 上帝显明 hō͘ 你看见, 伊有锁匙。
人看好时期, 上帝却关伊, 信任 thèng-hāu 伊, 伊有锁匙。
虔诚祈祷无合意,
Á 是无回 teh 延迟, 上帝渐渐显明伊旨意, 伊有锁匙。
耐心 ê 上帝是全能、全智, 耐心 thèng-hāu,伊 bōe 延迟, 你 beh 行入 ê 门扇, 伊有锁匙。
妥当安慰,甘甜又福气, 伊有每 ê 门 ê 锁匙,
Tī siōng 适当 ê 时,
Beh 交 hō͘ 你。