《台语荒漠甘泉（汉罗版）》

 | | | 转寄

关门，开门

作者 陈清俊 译 林俊育 汉罗翻写 2010.01.10

listen 正月初十(一月十日)
「因为(in-uī) 圣神(sèng-sîn) bat 禁(kìm) in 传(thoân) 道理(tō-lí) tī 亚西亚(A-se-a)。」(使徒行传16:6)

这(che) 是(sī) 真(chin) 趣味(chhù-bī) ê 事(sū)，早期(chá-kî)，上帝(siōng-tè) án-chóaⁿ 带领(tài-niá) 早(chá) 时(sî) 传(thoân) 十字架(si̍p-jī-kè) 福音(hok-im) ê 使者(sù-chiá)。方法(hong-hoat) 是(sī) 禁止(kìm-chí) in 去(khì)，in 想(siūⁿ) beh 去(khì)，但是(tān-sī) 不应该(put-eng-kai) 去(khì) ê 所在(só͘-chāi)。保罗(Pó-lô) 想(siūⁿ) beh 去(khì) 亚西亚(A-se-a) 传(thoân) 福音(hok-im)，圣灵(sèng-lêng) 禁止(kìm-chí) in 去(khì)；in koh 想(siūⁿ) beh 去(khì) 小(sió) 亚西亚(A-se-a) ê Pì-chhui-nî,伊(i) 也(iā) 禁止(kìm-chí) in。虽然(sui-jiân) 最后(choè-āu) 保罗(Pó-lô) tī 晚年(boán-nî)，tī 亚西亚(A-se-a)，所(só͘) 禁(kìm) ê 城市(siâⁿ-chhī)，有(ū) 做(choè) siōng 伟大(uí-tāi) ê 布道(pò͘-tō) 事工(sū-kang)，但是(tān-sī) 现此时(hiān-chhú-sî)，圣灵(sèng-lêng) 却(khiok) 无(bô) 允准(ín-chún) in 去(khì)，将(chiong) 门(mn̂g) 关(koaiⁿ) 起来(khí-lâi)，因为(in-uī) 时(sî) iáu-bōe 到(kàu)。Tùi 撒旦(Sat-tàn) 所(só͘) 防守(hông-siú) 坚强(kian-kiông) ê 所在(só͘-chāi) 进攻(chìn-kong)，必须(pit-su) 先(seng) hō͘ 阿波罗(A-pho-lô) 做(choè) 基层(ki-chân) ê 工作(kang-chok)。Chit 时(sî) 别(pa̍t) ê 所在(só͘-chāi) 需要(su-iàu) 保罗(Pó-lô) kap 巴拿巴(Pa-na-pa)，in 也(iā) 需要(su-iàu) khah-chōe ê 操练(chhau-liān)，chiah 负(hū) 会(oē) 起(khí) khah 大(toā) ê 责任(chek-jīm)。

亲爱(chhin-ài) ê 朋友(pêng-iú)，你(lí) 若(nā) m̄ 知(chai) beh 行(kiâⁿ) ê 方向(hong-hiòng)，就(chiū) 应该(eng-kai) 交(kau) hō͘ 圣灵(sèng-lêng) 决定(koat-tēng)。伊(i) beh 关(koaiⁿ) 所有(só͘-ū) ê 门(mn̂g)，chhun 所(só͘) 应该(eng-kai) 行(kiâⁿ) hit-ê 门(mn̂g) 开(khui)。你(lí) thang 对(tuì) 伊(i) 讲(kóng)：「圣灵(sèng-lêng) ah,我(goá) 信任(sìn-jīm) 你(lí) 将(chiong) 无(bô) 合(ha̍p) tī 上帝(siōng-tè) 旨意(chí-ì) ê 门(mn̂g) 关(koaiⁿ) 起来(khí-lâi)，hō͘ 我(goá) sūn-thàn 你(lí) ê 指挥(chí-hui)，会(oē) 听(thiaⁿ) tio̍h 你(lí) ê 声(siaⁿ) 讲(kóng)：「向(hiòng) 左(chó)，向(hiòng) 右(iū)」。(申命记5:32)

Chit 时(sî)，你(lí) 应该(eng-kai) 继续(kè-sio̍k) 你(lí) ê 路程(lō͘-thêng)，坚守(kian-siú) 上帝(siōng-tè) ê 呼召(ho͘-tiàu)，若(nā) 无(bô) 上帝(siōng-tè) 清楚(chheng-chhó) ê 指示(chí-sī)，m̄-thang 改变(kái-piàn)。天(thiⁿ) 路(lō͘) ê 旅客(lí-kheh) ah,耶稣(Iâ-so͘) ê 灵(lêng) án-chóaⁿ 对待(tuì-thāi) 保罗(Pó-lô)，也(iā) beh án-ni 指示(chí-sī) 你(lí)。咱(lán) ài 小心(sió-sim) 听(thiaⁿ) 细细(soè-soè) ê 指示(chí-sī) á 是(sī) 警告(kéng-kò)。信心(sìn-sim) ê 祈祷(kî-tó)，若(nā) 无(bô) 阻挡(chó͘-tòng)，就(chiū) 放心(hòng-sim) 去(khì) 行(kiâⁿ)。无(bô) 得(tit) 奇怪(kî-koài)，有时(ū-sî) tú-tú beh 踏(ta̍h) 出(chhut)，门(mn̂g) soah 关(koaiⁿ) 起来(khí-lâi)，向(hiòng) 左(chó)，向(hiòng) 右(iū) ê 门(mn̂g) lóng 关(koaiⁿ) 起来(khí-lâi)，却(khiok) 是(sī) beh ín-chhōa 你(lí) 去(khì) Te̍k-lô-a 大(toā) 路(lō͘) ê 门(mn̂g) 大(toā) 开(khui)。Tī hia 有(ū) 同工(tâng-kang) 路加(Lō͘-ka) teh 等(tán) 你(lí)。异象(īⁿ-siōng) 会(oē) 指示(chí-sī) tó 一(chi̍t) 所在(só͘-chāi) 有(ū) 机会(ki-hoē)，有(ū) 忠心(tiong-sim) ê 朋友(pêng-iú) teh 等(tán) 你(lí)。---F. B. Meyer

人生(jîn-seng) tú-tio̍h 问题(būn-tê) ê 时(sî)，
前途(chiân-tô͘) 无知(bû-ti) 亦(ia̍h) 神秘(sîn-pì)，
上帝(siōng-tè) 显明(hián-bêng) hō͘ 你(lí) 看见(khoàⁿ-kìⁿ)，
伊(i) 有(ū) 锁匙(só-sî)。

人(lâng) 看(khoàⁿ) 好(hó) 时期(sî-kî)，
上帝(siōng-tè) 却(khiok) 关(koaiⁿ) 伊(i)，
信任(sìn-jīm) thèng-hāu 伊(i)，
伊(i) 有(ū) 锁匙(só-sî)。

虔诚(khiân-sêng) 祈祷(kî-tó) 无(bô) 合意(kah-ì)，
Á 是(sī) 无(bô) 回(hoê) teh 延迟(iân-tî)，
上帝(siōng-tè) 渐渐(chiām-chiām) 显明(hián-bêng) 伊(i) 旨意(chí-ì)，
伊(i) 有(ū) 锁匙(só-sî)。

耐心(nāi-sim) ê 上帝(siōng-tè) 是(sī) 全能(choân-lêng)、全智(choân-tì)，
耐心(nāi-sim) thèng-hāu,伊(i) bōe 延迟(iân-tî)，
你(lí) beh 行(kiâⁿ) 入(ji̍p) ê 门扇(mn̂g-sìⁿ)，
伊(i) 有(ū) 锁匙(só-sî)。

妥当(thò-tòng) 安慰(an-uì)，甘甜(kam-tiⁿ) 又(iū) 福气(hok-khì)，
伊(i) 有(ū) 每(muí) ê 门(mn̂g) ê 锁匙(só-sî)，
Tī siōng 适当(sek-tòng) ê 时(sî)，
Beh 交(kau) hō͘ 你(lí)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com