《台语荒漠甘泉（汉罗版）》

 | | | 转寄

铁链

作者 陈清俊 译 林俊育 汉罗翻写 2009.12.27

listen 十二月二七(十二月二十七日)
「伊(i) 受(siū) 铁链(thih-liān) 捆缚(khún-pa̍k)；」(诗篇105：18)

少年(siàu-liân) ê 时(sî)，背(pē) 重担(tāng-tàⁿ)，受(siū) 忧伤(iu-siong) kap 失望(sit-bōng) ê 铁链(thih-liān)，心灵(sim-lêng) 抵抗(té-khòng) 罪恶(choē-ok) ê 引诱(ín-iú)，lóng 是(sī) 发展(hoat-tián) 出(chhut) 亲像(chin-chhiūⁿ) 铁(thih) 一般(chi̍t-poaⁿ) ê 坚定(kian-tēng) 意志(ì-chì)，有(ū) 忍耐(jím-nāi)，有(ū) 毅力(gē-le̍k)。
Chiah-ê 性质(sèng-chit) 是(sī) 高超(ko-chhiau) 性格(sèng-keh) 所(só͘) bōe-thang 无(bô) ê 基本(ki-pún) 基础(ki-chhó͘)。

你(lí) ê 一生(it-seng) 是(sī) m̄ 是(sī) tī 单调(tan-tiāu) 生活(seng-oa̍h) 中(tiong) 浪费(lōng-huì) 掉(tiāu)，溜(liu) 过去(kè-khì)？你(lí) kiám bat 受(siū) 人(lâng) 反对(hoán-tuì)，受(siū) 人(lâng) 误会(gō͘-hoē)，受(siū) 人(lâng) 责备(chek-pī) mah？你(lí) ê 苦痛(khó͘-thàng) kiám 亲像(chin-chhiūⁿ) tī 深山(chhim-soaⁿ) 林内(nâ-lāi)，所(só͘) 踏(ta̍h) ê 树叶(chhiū-hio̍h) 树枝(chhiū-ki) 杂草(cha̍p-chháu) hiah 深(chhim)，hiah pháiⁿ 行(kiâⁿ)，hiah pháiⁿ 忍受(jím-siū) mah？若是(nā-sī) án-ni，m̄-thang 灰心(hoe-sim)，ài 用(ēng) 心(sim)，因为(in-uī) 上帝(siōng-tè) 将(chiong) 你(lí) hē tī 铁般(thih-poaⁿ) ê 训练(hùn-liān)。Ài 食苦(chia̍h-khó͘)，chiah 会(oē) 得(tit) 荣光(êng-kng) ê 金帽(kim-bō)。苦痛(khó͘-thàng) 进入(chìn-ji̍p) 你(lí) ê 灵(lêng)，变(piàn) 钢铁(kǹg-thih)，hō͘ 你(lí) 坚强(kian-kiông) 勇敢(ióng-kám)。――F. B. Meyer

无(bô) 嫌(hiâm) 路(lō͘) 高低(koân-kē) 无(bô) 平(pîⁿ)，无(bô) 嫌(hiâm) 路(lō͘) 真(chin) 崎(kiā)，
寒冷(hân-léng) ê 透早(thàu-chá)，á 是(sī) 炎热(iām-jia̍t) ê 中昼(tiong-tàu) lóng m̄ 惊(kiaⁿ)，
无(bô) 偏(phian) 左(chó) 偏(phian) 右(iū)，也(iā) 无(bô) oa̍t-tńg 身(sin) 行(kiâⁿ)，
向前(hiòng-chêng) 行(kiâⁿ)，不管(put-koán) 是(sī) 日时(ji̍t-sî) á 是(sī) 乌暗(o͘-àm) 也(iā)，
Chit 条(tiâu) 路(lō͘) 是(sī) 透(thàu) tńg 去(khì) 厝(chhù)――天(thiⁿ) 城(siâⁿ)。


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com