《台语荒漠甘泉（汉罗版）》

 | | | 转寄

单独

作者 陈清俊 译 林俊育 汉罗翻写 2009.12.20

listen 十二月二十(十二月二十日)

「总是(chóng-sī) 我(goá) m̄ 是(sī) 家己(ka-kī) tī-teh，因为(in-uī) 父(Pē) kap 我(goá) tī-teh。(约翰16：32)
无(bô) 必要(pit-iàu) 讲(kóng)，为(uī) tio̍h 信仰(sìn-gióng) ê 实现(si̍t-hiān) tio̍h 做(choè) 真(chin) 大(toā) ê 牺牲(hi-seng)。不过(put-kò) tio̍h tùi 某(bó͘) 种(chèng) 人(lâng) kap 事(sū) 隔离(keh-lī)，ná 亲像(chin-chhiūⁿ) 有(ū) 感觉(kám-kak) 奇怪(kî-koài) ê 失落(sit-lo̍h) kap 孤单(ko͘-toaⁿ)。一个(chi̍t-ê) 人(lâng) 会(oē) 亲像(chin-chhiūⁿ) 鹰(eng) 飞(pe) 高高(koâiⁿ-koâiⁿ)，tòa tī 上帝(siōng-tè) ê 荣光(êng-kng) 下(ē)，应该(eng-kai) 能(oē) 满意(moá-ì) tī 一种(chi̍t-chióng) khak 孤独(ko͘-to̍k) ê 生活(seng-oa̍h)。

鸟类(chiáu-luī) 中(tiong)，大(toā) 鹰(eng) 是(sī) siōng 孤独(ko͘-to̍k) ê 鸟(chiáu)，咱(lán) m̄-bat 看(khoàⁿ) tio̍h 鹰(eng) kui 群(kûn) teh 飞(pe)，也(iā) 真(chin) 难得(lân-tit) 看(khoàⁿ) tio̍h 两(nn̄g) 只(chiah) 鹰鸟(eng-chiáu) 作伙(choè-hé) tī 空中(khong-tiong)。一个(chi̍t-ê) 奉献(hōng-hiàn) 性命(sìⁿ-miā) hō͘ 上帝(siōng-tè) ê 人(lâng)，掠(lia̍h) 认识(jīm-bat) 上帝(siōng-tè)，享受(hiáng-siū) kap 上帝(siōng-tè) 交往(kau-óng) 做(choè) 快乐(khoài-lo̍k)，是(sī) 无管(bô-koán) 沿路(iân-lō͘) 会(oē) 失去(sit-khì) jōa-chōe 世间(sè-kan) ê 友谊(iú-gî)。

上帝(siōng-tè) chhē 求(kiû) 亲像(chin-chhiūⁿ) 鹰(eng) ê hit 种(chióng) 人(lâng)，人(lâng) 若(nā) bōe 晓(hiáu) 单独(tan-to̍k) kap 上帝(siōng-tè) 同行(tâng-kiâⁿ)，就(chiū) tī 伊(i) 灵性(lêng-sèng) 生活(seng-oa̍h) bōe-thang 充分(chhiong-hun) 认识(jīm-bat) 上帝(siōng-tè) siōng 好(hó) siōng-súi ê 物(mi̍h)。咱(lán) 看(khoàⁿ) 亚伯拉罕(A-pek-la̍h-hán) 单独(tan-to̍k) tòa 「迦南(Ka-lâm) 地(toē)，罗得(Lô-tek) khiā 起(khí) 平洋(pîⁿ-iûⁿ) chiah-ê 城(siâⁿ)，徙(soá) 伊(i) ê 布棚(pò͘-pîⁿ) 到(kàu) 所多玛(Só͘-to-má)。」(创世记13：12)摩西(Mô͘-se) 虽然(sui-jiân) 有(ū) 埃及(Ai-ki̍p) 所有(só͘-ū) ê 智识(tì-sek)，iáu tio̍h 单独(tan-to̍k) tī 沙漠(soa-bô͘) kap 主(Chú) 同在(tông-chāi) 四十(sì-cha̍p) 年(nî)。保罗(Pó-lô) 虽然(sui-jiân) 有(ū) chōe-chōe 希腊(Hi-lia̍p) ê 智识(tì-sek)，koh 做(choè)「Ka-má-lia̍t ê 学生(ha̍k-seng)」(使徒行传22：3)，当(tng) tú tio̍h 耶稣(Iâ-so͘) 了后(liáu-āu)，就(chiū)「独独(to̍k-to̍k) 去(khì) A-lat-pek」 (加拉太1：17)，生活(seng-oa̍h) tī 沙漠(soa-bô͘) 地(toē) 单独(tan-to̍k) ǹg 上帝(siōng-tè) 学习(ha̍k-si̍p)。

愿(goān) 咱(lán) hō͘ 上帝(siōng-tè) 孤立(ko͘-li̍p) 咱(lán)，m̄ 是(sī) 亲像(chin-chhiūⁿ) 修道院(siu-tō-īⁿ) hit 种(chióng) ê 隔离(keh-lī)，是(sī) tī 隔离(keh-lī) 经验(keng-giām) 中(tiong) 主(Chú) tī 咱(lán) 内面(lāi-bīn) 产生(sán-seng) 一种(chi̍t-chióng) 生活(seng-oa̍h) kap 信心(sìn-sim) ê 独立(to̍k-li̍p)，心内(sim-lāi) 无(bô) koh óa 靠(khò) 别人(pa̍t-lâng) ê 帮赞(pang-chān)，祈祷(kî-tó) 信心(sìn-sim) ê 鼓励(kó͘-lē) kap 照顾(chiàu-kò͘)。别人(pa̍t-lâng) ê 帮赞(pang-chān) kap 鼓励(kó͘-lē) 是(sī) 必要(pit-iàu)，tī 基督徒(ki-tok-tô͘) ê 成长(sêng-tióng) 是(sī) 真(chin) 重要(tiōng-iàu)，不过(put-kò) tī 某(bó͘) 一个(chi̍t-ê) 时(sî) chūn 也会(iā-oē) 妨碍(hông-gāi) tio̍h 信心(sìn-sim) ê 成长(sêng-tióng)。

上帝(siōng-tè) 知(chai) 怎样(cháiⁿ-iūⁿ) 改变(kái-piàn) 咱(lán) ê 环境(khoân-kéng) hō͘ 咱(lán) 孤独(ko͘-to̍k) 一(chi̍t) 人(lâng) 来(lâi) 培养(poê-ióng) 咱(lán)，咱(lán) 一旦(it-tàn) 顺服(sūn-ho̍k) 上帝(siōng-tè)，得(tit) tio̍h chit 种(chióng) 孤独(ko͘-to̍k) ê 经历(keng-le̍k)，咱(lán) 就(chiū) 无(bô) koh óa 靠(khò) 咱(lán) 周围(chiu-uî) ê 人(lâng)，虽然(sui-jiân) 咱(lán) iáu-kú 亲像(chin-chhiūⁿ) 过去(kè-khì) hiah-nih 疼(thiàⁿ) in。然后(jiân-āu) 咱(lán) 就(chiū) 认识(jīm-bat) tio̍h，上帝(siōng-tè) tī 咱(lán) 内面(lāi-bīn) 做(choè) 了(liáu) 一件(chi̍t-kiāⁿ) 新(sin) ê 事(sū)，咱(lán) 心灵(sim-lêng) ê 翼股(si̍t-kó͘) 已经(í-keng) 学(o̍h) 会晓(oē-hiáu) 飞(pe) ǹg 空中(khong-tiong)lah。

咱(lán) 必须(pit-su) 有(ū) 勇气(ióng-khì) 敢(káⁿ) 单独(tan-to̍k) 生活(seng-oa̍h)，亲像(chin-chhiūⁿ) 雅各(Ngá-kok) 必须(pit-su) tī 单独(tan-to̍k) 一(chi̍t) 人(lâng)，hō͘ 上帝(siōng-tè) ê 使者(sù-chiá) thang tī 伊(i) ê 耳孔(hīⁿ-khang) 边(piⁿ) 细(soè) 声(siaⁿ) 讲(kóng)：「你(lí) ê 名(miâ) 无(bô) beh koh 叫(kiò) 雅各(Ngá-kok)，beh 叫做(kiò-choè) 以色列(Í-sek-lia̍t)。」(创世记32：28)亲像(chin-chhiūⁿ) 但以理(Tān-í-lí) 单独(tan-to̍k) 一(chi̍t) 人(lâng)，chiah 看见(khoàⁿ-kìⁿ) 天顶(thiⁿ-téng) 来(lâi) ê 异象(īⁿ-siōng)；约翰(Iok-hān) 受(siū) 放逐(hòng-tio̍k) 到(kàu) Poa̍t-mô͘ 海岛(hái-tó)，chiah 会(oē) 得(tit) tio̍h hâm 记录(kì-lo̍k)「耶稣(Iâ-so͘) 基督(ki-tok) ê 启示(khé-sī)，就(chiū) 是(sī) 上帝(siōng-tè) 所(só͘) hō͘ 伊(i)。」(启示录1：1)

伊(i) 为(uī) tio̍h 咱(lán)「家己(ka-kī) 一个(chi̍t-ê) 踏(ta̍h) 酒窟(chiú-khut)。」(以赛亚63：3)所以(só͘-í) 咱(lán) 有(ū) 准备(chún-pī) 一个(chi̍t-ê) 时间(sî-kan) 是(sī)「荣耀(êng-iāu) 上帝(siōng-tè) 单独(tan-to̍k) 一(chi̍t) 人(lâng)」(参考约翰17：1) Á 是(sī) 会(oē) hō͘ 伊(i) 失望(sit-bōng)？



附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com