《台语荒漠甘泉（汉罗版）》

 | | | 转寄

风台雨后

作者 陈清俊 译 林俊育 汉罗翻写 2009.11.29

listen 十一月二九(十一月二十九日)

「若是(nā-sī) 后来(āu-lâi)，就(chiū) tī...」(希伯来12：11)

传说(thoân-soat) 讲(kóng)，德国(Tek-kok) 有(ū) 一个(chi̍t-ê) 城垒(siâⁿ-luí) 建(kiàn) tī Lâi-in (Rhine)河边(hô-piⁿ)，城堡(siâⁿ-pó) ê 主人(chú-lâng) tī 城楼(siâⁿ-lâu) kap 城楼(siâⁿ-lâu) ê 中间(tiong-kan) 牵(khan) 铁线(thih-soàⁿ)，当做(tòng-choè) khiā 风琴(hong-khîm)，当(tng) 风(hong) 吹(chhe) 过(kè) 铁线丝(thih-soàⁿ-si) ê 时(sî)，会(oē) 发(hoat) 出(chhut) 真(chin) súi ê 音乐(im-ga̍k)。总是(chóng-sī) 若是(nā-sī) 风(hong) 轻轻(khin-khin) á 吹(chhe)，小(sió) 风(hong) 就(chiū) 听(thiaⁿ) bōe-tio̍h 音乐(im-ga̍k) ê 声(siaⁿ)。

有(ū) 一(chi̍t) 暝(mî)，起(khí) 暴风(po̍k-hong)，城堡(siâⁿ-pó) ê 小(sió) 山(soaⁿ) 受(siū) 真(chin) 大(toā) ê 风力(hong-la̍t)。主人(chú-lâng) 行(kiâⁿ) 到(kàu) 门口(mn̂g-kháu)，见(kìⁿ) tio̍h 可怕(khó-phàⁿ) ê 风(hong)，风声(hong-siaⁿ) hù-hù 叫(kiò)，却(khiok) 也(iā) 听(thiaⁿ) 能(oē) tio̍h khiā 风琴(hong-khîm) ê 声音(siaⁿ-im)，hit-ê 音乐(im-ga̍k) 连(liân) 暴风(po̍k-hong) ê 声(siaⁿ) 也(iā) 盖(khàm) 伊(i) bōe-tiâu。原来(goân-lâi) 暴风雨(pō-hong-ú) chiah 会(oē) 发(hoat) 一个(chi̍t-ê) 真(chin) 大(toā) koh 特别(te̍k-pia̍t) ê 音乐(im-ga̍k)。

咱(lán) kiám m̄ 是(sī) 听过(thiaⁿ-kè)，人(lâng) tī 平顺(pêng-sūn) ê 时(sî) 真(chin) oh 产生(sán-seng) 好(hó) 听(thiaⁿ) ê 音乐(im-ga̍k)。但是(tān-sī) 当(tng) 暴风雨(pō-hong-ú) 打击(tá-kek) tio̍h in ê 性命(sìⁿ-miā)，所(só͘) 奏(chàu) 出来(chhut-lâi) ê 音乐(im-ga̍k) 是(sī) 响亮(hiáng-liāng)、美妙(bí-miāu)，会(oē) hō͘ 人(lâng) tio̍h 一(chi̍t) 惊(kiaⁿ) mah？

雨(hō͘)，雨(hō͘)，外面(goā-bīn) 落(lo̍h) 雨(hō͘) 一(chi̍t) 大片(toā-phìⁿ)，
天乌(thiⁿ-o͘) 地暗(tē-àm) teh 落(lo̍h)，为甚么(uī-sím-mi̍h)？
花(hoe)，花(hoe)，雨(hō͘) 后(āu) ta̍k 位(uī) 开花(khui-hoe)，新鲜(sin-sian) 美丽(bí-lē) 好(hó) 看(khoàⁿ)，
上帝(siōng-tè) 回答(hoê-tap) 落(lo̍h) 雨(hō͘) ê 因端(in-toaⁿ)。

你(lí) thang óa 靠(khò) 上帝(siōng-tè)，hō͘ 困难(khùn-lân) ê 「尾后(bé-āu)」比(pí) 现在(hiān-chāi) 丰富(hong-hù)，美好(bí-hó) 千(chheng) 倍(pē)，若是(nā-sī) 咱(lán) 能(oē) 正确(chèng-khak) 克服(khek-ho̍k) 困难(khùn-lân)。「见若(kìⁿ-nā) 警戒(kéng-kài) ê 事(sū)，tī 当(tng) 时(sî) 照看(chiàu-khoàⁿ) m̄ 是(sī) 欢喜(hoaⁿ-hí)，是(sī) 忧闷(iu-būn)；若是(nā-sī) 后来(āu-lâi)，就(chiū) tī hiah-ê tùi 警戒(kéng-kài) 来(lâi) 练达(liān-ta̍t) ê 人(lâng) 结(kiat) 平安(pêng-an) ê 果子(ké-chí)，就(chiū) 是(sī) 义(gī) ê 果子(ké-chí)。」(希伯来12：11)真(chin) 大(toā) ê 收成(siu-sêng)，成果(sêng-kó)！


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com