《台语荒漠甘泉（汉罗版）》

 | | | 转寄

无可能ê事

作者 陈清俊 译 林俊育 汉罗翻写 2009.11.22

listen 十一月二二(十一月二十二日)
「Lín 信(sìn) 我(goá) 会(oē) 做(choè) chit-ê 事(sū) mah？」(马太9：28)

上帝(siōng-tè) 处理(chhú-lí) 无(bô) 可能(khó-lêng) ê 事(sū)。对(tuì) 伊(i) 永远(éng-oán) bōe siuⁿ 慢(bān)，只(chí) 需要(su-iàu) 用(ēng) 满满(moá-moá) ê 信心(sìn-sim) 将(chiong) 不可能(put-khó-lêng) ê tāi-chì 交(kau) hō͘ 伊(i)，án-ni 上帝(siōng-tè) beh 受(siū) 荣耀(êng-iāu)，交托(kau-thok) ê 人(lâng) ê 性命(sìⁿ-miā) kap 环境(khoân-kéng) 也会(iā-oē) 受(siū) 冲击(chhiong-kek) 影响(éng-hióng)。若是(nā-sī) 咱(lán) bat 违背(uî-poē)、m̄ 信(sìn)、犯罪(hoān-choē)、败坏(pāi-hoāi) ê 生活(seng-oa̍h)，hō͘ 上帝(siōng-tè) 来(lâi) 处理(chhú-lí) 克服(khek-ho̍k) chiah-ê 不幸(put-hēng)、不正(put-chèng) ê 事(sū)。假使(ká-sú) 咱(lán) 肯(khéng) 完全(oân-choân) 交托(kau-thok) 信任(sìn-jīm) 伊(i) 来(lâi) 处理(chhú-lí)，伊(i) beh 处理(chhú-lí) 到(kàu) 胜利(sèng-lī)，lóng bōe 讲(kóng) siuⁿ 慢(bān)。

人(lâng) 讲(kóng)，基督教(Ki-tok-kàu) 只是(chí-sī) 一个(chi̍t-ê) 处理(chhú-lí) 人(lâng) 过去(kè-khì) ê 事(sū) ê 宗教(chong-kàu)。Chit-ê 话(oē) 有(ū) 伊(i) ê 道理(tō-lí)。「第一种(tē-it-chéng)，第二种(tē-jī-chéng)，第三种(tē-saⁿ-chéng)，第四种(tē-sì-chéng) ê 草蜢(chháu-meh)，所(só͘) 食(chia̍h) hiah-ê 年冬(nî-tang)，我(goá)lóng beh 还(hêng) lín。」 (约珥2：25)伊(i) 是(sī) 可靠(khó-khò) ê，无(bô) 保留(pó-liû) ê，会(oē) 将(chiong) tāi-chì 做(choè) 好势(hó-sè)。伊(i) án-ni 做(choè) m̄ 是(sī) 因为(in-uī) 咱(lán) ê 缘故(iân-kò͘)，是(sī) 因为(in-uī) 伊(i) 是(sī)「万项(bān-hāng) 恩典(un-tián) ê 上帝(siōng-tè)」。(彼得前书5：10)愿(goān) 咱(lán) o-ló 信靠(sìn-khò) 伊(i)。――tùi《主日学时报》

无(bô) 一项(chi̍t-hāng) 事(sū) tùi 耶稣(Iâ-so͘) 是(sī) siuⁿ 困难(khùn-lân)，
无(bô) 人(lâng) 会(oē) 工作(kang-chok) 亲像(chin-chhiūⁿ) 伊(i) hiah 简单(kán-tan)。

咱(lán) 有(ū) 一位(chi̍t-uī) 乐意(lo̍k-ì) 做(choè) 无(bô) 可能(khó-lêng) ê 事(sū) ê 上帝(siōng-tè)，伊(i) 讲(kóng)：「在(chāi) tī 我(goá) kiám 有(ū) 一项(chi̍t-hāng) oh 成(chiâⁿ) ê 事(sū)？」(耶利米32：27)――Andrew Murray


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com