旧年我种一片紫色花(asters) tī 花园里,有小 khóa khah 慢,总是也开了真 súi。有 ê 已经开花结子,有 ê chiah teh-beh 开花。到落霜 ê 时,chit 片花 hō͘ 霜冻死,súi-súi ê 花 lóng 死去 lah。Ah,in 挡 bōe 过寒冷 ê 天气,lóng 总死了了。
Kui ê 冬天 lóng 无 koh chhap 花园 ê 事,因为只是一个花 ê 墓 á 埔。总是几礼拜前,园丁(作穑人)叫我注意看,kui 片 ê 花园发出五十 gōa 丛 ê 紫色花欉。原来我所想 in lóng hō͘ 霜雪冻死 lah。总是霜雪,冬天 ê 冷风 kiám 会 thang 对 in 做什么?
霜雪会夺去我 ê 花,毁坏花,hiat in tī 土脚。霜雪冬风用白雪 ê 脚踏花园,做完 in ê 工作讲:「这就是 lín ê 末日 lah。」总是春天到,受损坏 ê 每一丛紫色花,有五十丛 peh 起来见证讲:「阮亲像死去,其实是活 teh。」
植物 ê 世界是 án-ni,上帝国也是 án-ni,通过死,得 tio̍h 永远活。Tùi 耶稣 ê 受钉死 tī 十字架 kap 坟墓,带到永远活 ê 上帝 ê 宝座 kap 圣殿内。看,ná 失败,其实是胜利。
所以莫得惊受苦,á 失败。这是通过「亲像受责罚,其实无致到死。」 (哥林多后书6:9)是通过受 phah,拆到碎碎碎,soah hō͘ 咱变做有能力 ê 人。Tùi 一个信徒 ê 坚心忍耐受苦,chiah 会产生一大堆 ê 信徒。
有人 hō͘ 事 ê 表面所 le̍k-tio̍h,跟 tè 世间 ê 潮流。In ê 花可能是紧紧茂盛,暂时 ê 兴旺,但是 in ê 结局是永远 ê 死亡。――Henry Ward Beecher