《台语荒漠甘泉（汉罗版）》

 | | | 转寄

永远存在tī身边

作者 陈清俊 译 林俊育 汉罗翻写 2009.09.06

listen 九月初六(九月六日)

「独独(to̍k-to̍k) 你(lí) 久长(kú-tn̂g) tī-teh。」 (希伯来1：11)

世上(sè-chiūⁿ) 真(chin) chōe 人(lâng) 孤单(ko͘-toaⁿ) 坐(chē) tī 火炉(hé-lô͘) 边(piⁿ)，边(piⁿ) á 有(ū) 一块(chi̍t-tè) 椅(í) á，以前(í-chêng) 有(ū) 人(lâng) 坐(chē) 过(kè)，taⁿ 空空(khang-khang)，bōe 禁得(kìm-tit) 流(lâu) 出(chhut) 目屎(ba̍k-sái)。In 常常(siông-siông) 孤单(ko͘-toaⁿ) 坐(chē)，总是(chóng-sī) in 无(bô) 想(siūⁿ) tio̍h 一个(chi̍t-ê) 看(khoàⁿ) bōe-tio̍h ê 人(lâng)，就(chiū) tī 身边(sin-piⁿ)。M̄ 知(chai) 甚么(sím-mi̍h) 原因(goân-in)，in 却(khiok) 无(bô) 感觉(kám-kak) tio̍h 伊(i) ê 同在(tông-chāi)，能(oē) 感觉(kám-kak) tio̍h ê 人(lâng) 有(ū) 福气(hok-khì)。总是(chóng-sī) 真(chin) 少数(chió-sò͘)，因为(in-uī) 是(sī) 决定(koat-tēng) tī in ê 心情(sim-chêng)、感情(kám-chêng)、身体(sin-thé) 情形(chêng-hêng)，kap 天气(thiⁿ-khì)。外面(goā-bīn) ê 雨(hō͘)、厚雾(kāu-bū)、无(bô) 眠(bîn)、痛疼(thiàⁿ-thàng)，lóng 影响(éng-hióng) in ê 心情(sim-chêng)，hō͘ in ê 视觉(sī-kak) 蒙雾(bông-bū)，soah 感觉(kám-kak) bōe-tio̍h 伊(i) ê 同在(tông-chāi)。

总是(chóng-sī) iáu 有(ū) 一项(chi̍t-hāng) 比(pí) 感觉(kám-kak) khah 好(hó)、khah 有(ū) 福气(hok-khì) ê 物(mi̍h)，kap 各种(kok-chióng) ê 环境(khoân-kéng) 无(bô) 关系(koan-hē)，却(khiok) 常常(siông-siông) kap 你(lí) 同在(tông-chāi)。就(chiū) 是(sī) 承认(sêng-jīn) hit-ê 看(khoàⁿ) bōe-tio̍h ê 同在(tông-chāi)，伊(i) 是(sī) hiah-nih 奇妙(kî-biāu)、平静(pêng-chēng)、安慰(an-uì)、镇定(tìn-tēng) koh 温暖(un-loán)。承认(sêng-jīn) 主(chú) ê 同在(tông-chāi)，伊(i) 就(chiū) tī 你(lí) chia，tī 你(lí) 身边(sin-piⁿ)。伊(i) ê 同在(tông-chāi) 是(sī) 真实(chin-si̍t)，当(tng) 你(lí)承认(sêng-jīn) 这(che)，能(oē) 增加(cheng-ka) 你(lí) 去(khì) 感觉(kám-kak) ê 能力(lêng-le̍k)，但是(tān-sī) 绝对(choa̍t-tuì) m̄ 是(sī) 靠(khò) 感觉(kám-kak)。

是(sī)， m̄-nā 是(sī) chit-ê 真理(chin-lí) ê 存在(chûn-chāi)，m̄ 是(sī) 物件(mi̍h-kiāⁿ)、事实(sū-si̍t)，á 是(sī) 陈说(tîn-soat)，iáu 有(ū) 一个(chi̍t-ê) 主(chú) tī chia。伊(i) 是(sī) 热心(jia̍t-sim) ê 朋友(pêng-iú)，全能(choân-lêng) ê 上帝(siōng-tè)。Hō͘ 哀哭(ai-khàu) ê 人(lâng) 有(ū) 喜乐(hí-lo̍k) ê 真理(chin-lí)，无管(bô-koán) 伊(i) 为甚么(uī-sím-mi̍h) 来(lâi) 哭(khàu)，也(iā) 无管(bô-koán) in ê 柳树(liú-chhiū) 知(chai) tī 甚么(sím-mi̍h) 河边(hô-piⁿ)(诗篇137：1-2)。――Samuel Dickey Cordon

我(goá) 早前(chá-chêng) ê 欢乐(hoan-lo̍k) 失去(sit-khì)，
Khah 早(chá)所有(só͘-ū)ê财宝(châi-pó)也(iā)无(bô)去(khì)，
Hō͘ 我(goá) iau 饿(gō) ê 心(sim) 会(oē) 得(tit) 饱(pá) ê 实现(si̍t-hiān)，
是(sī)，主(chú) ah，你(lí) 是(sī) tī chia，lóng 无(bô) 变(piàn)。

溪水(khoe-chuí) 会(oē) 干(ta)，koh 会(oē) tīⁿ，
Hiah-nih 幸福(hēng-hok)、丰富(hong-hù)、自由(chū-iû) ê 友谊(iú-gî)，
空中(khong-tiong) 有(ū) 日(ji̍t) 照(chiàu) 也(iā) 有(ū) 云(hûn) 遮蔽(jia-pì)，
主(chú) ah，你(lí) 是(sī) tī chia，我(goá) ê 心(sim) 有(ū) 你(lí)。

体力(thé-la̍t) 衰退(soe-thè)，脚酸(kha-sng) 手软(chhiú-nńg)，
Bōe-thang koh 为(uī) 欢乐(hoan-lo̍k) 奔跑(phun-pháu) phah 算(sǹg)，
为何(uī-hô) 吐气(thó͘-khuì)，kui 日(ji̍t) 忧愁(iu-chhiû) 卖断(boē-tn̄g)，
主(chú) ah，你(lí) 是(sī) tī chia，iáu 有(ū) 啥(siáⁿ) khah 久长(kú-tn̂g)？

一生(it-seng) ê 日子(ji̍t-chí)、朋友(pêng-iú)、友谊(iú-gî)、喜乐(hí-lo̍k)，
Tùi 我(goá) chōe 少(chió) lóng 充足(chhiong-chiok)，
悲惨(pi-chhám) bōe-tàng 伤(siong) 我(goá)，我(goá) iáu beh 吟诗(gîm-si)，
主(chú) ah，你(lí) 是(sī) tī chia，我(goá) ê 心(sim) 有(ū) 你(lí)。――J. Danson Smith


附注:《荒漠甘泉》汉罗版kap "Hong-bô͘ Kam-chôaⁿ"全罗版附CD，由人光出版社出版， 欢迎洽购(06-235-6277分机(122~124) ， e-mail:book@pctpress.com