《台语荒漠甘泉（汉罗版）》

 | | | 转寄

《恩宠而逝》序文

作者 赖其万 2005.10.09

Chit本《恩宠而逝》（The Grace in Dying）老实讲并m̄是一本容易读ê册。当我为tio̍h写chit篇序文开始看chit本书ê时，最初真正有一点á后悔接下chit-ê工作，但看完了后，心中对当初邀我写序ê编辑却有讲bē出ê感激。因为chit本书phah开我ê心门，hō͘我chit种看「死亡」做敌人ê医生，chiah发觉家己对死亡ê认识(bat)竟然是hiah-nih-á肤浅，koh讲chit本书tú好及时弥补我chit方面ê缺失。

作者Kathleen Dowling Singh是专攻超个体心理学(transpersonal psychology)以及各种灵性传统(spiritual traditions)ê心理学专家，也因为chit方面ê兴趣，hō͘伊行入佛罗里达州ê安宁病房，有机会陪伴几百位病人步入人生终点，来得tio̍h一般学者所无法得tio̍h ê实际体验。作者tī第一章开宗明义讲：「我是一个平凡ê人，我ê工作neh，是陪伴kap我仝款平凡ê人，tī平常ê情况下死亡。…但我tī chiah-ê平常ê死亡中所看tio̍h、以及tī陪伴ê过程中所体验tio̍h ê，却一点á都无平常；死亡是深刻、超越、koh无平凡ê。大多数人都tī一种庄严、平静、心识转化ê情况下死亡，in tī临终ê时充满tio̍h只ē-tàng被称做灵性ê能量，咱生命其伊ê时刻，lóng m̄-bat有像死亡hiah-nih沈默、却koh chiah-nih光辉灿烂。」

作者对灵性(spiritual)有深入ê研究，透过伊陪伴临终病人所看tio̍h ê各种表现以后，归纳出一段真有意思ê话，「真chē（临终病）人kā我讲，in感觉目前经验tio̍h ê是适得其所，in感受tio̍h一种体验完善ê品质，he是一种真tú好koh安全ê感受。」。书中有真chē充满哲理，令人细腻咀嚼ê睿言佳句。比如讲：「临终者就是处tī一种心智空性（empty mind），kap开放ê心（open heart）ê状态，也常常tī chit种情境里超越个体ê层面。」；「临终经验是一个生命ê向内翻转，kā原本投注tī世间ê精力回收，hō͘所有能量ē-tàng转向存在ê中心。」；「咱tī临终时ê要务，是ài chhōe-tio̍h独自面对死亡ê勇气。临终过程真正ê挑战，是怎样hō͘家己tī临死ê时iáu ē-tàng正活teh，mài tī iáu teh喘气ê时便先来死去。」；「我ê建议是，咱应该kā人生最后chit-ê时刻设想为再度融合ê时刻，因为事实上人ê灵魂回归本元，重新融入圆神意识。」；「只有超越个体ê领域，chiah ē-tàng掌握了解临终过程ê关键。」；「死亡绝对是『koh-khah高ê能量渗透生命』ê特别时刻」。

特别值得推荐ê是第七章，「临终ê心灵阶段」。作者对临终ê心灵过程有非常精辟ê分析。伊认为库伯乐－罗斯医师 (Dr. Elizabeth Kübler-Roth)广为人知ê临终五阶段论：否认、愤怒、讨价还价、沮丧、接受，所提起 ê每一种心理kap情绪反应，lóng是「心智自我(mental ego)」先认定家己是tòa tī身体里，又被迫以chit副身体面对死亡ê情况下，chiah会出现ê反应。作者认为chit五个阶段只不过是tī面对死亡ê第一阶段，伊称做「混乱期」(Stage of Chaos)，á同时也应该包括koh-khah深层ê转化经验：疏离、焦虑、绝望、随之而来ê「放下」、以及灭顶惊惶。但伊认为续「混乱期」之后，应该有koh-khah深ê经验，属tī心灵(psychospiritual)层次ê经验，伊称之为所谓ê「臣服期」 (Stage of Surrender)，á hō͘人向实相开放，进入家己ê深层存在，最后chiah进入「超越期」 (Stage of Transcendence)，hō͘人朝向koh-khah浩瀚，koh-khah兼容并蓄ê灵性整合状态发展。作者同意库伯乐－罗斯所讲ê，「对hiah-ê渴望了解死亡ê人，死亡是一种十分创造性ê力量，生命里非常崇高ê价值，探究死亡时都会被激发出来。」但伊认为库伯乐－罗斯ê临终五阶段只涉及心智自我ê层次，á对人生最后所谓「临死经验」，应该iáu ài koh加上「臣服期」kap「超越期」，chiah ē-tàng对死亡ê心灵阶段有完整ê交代。

Tī最后一章，作者提起，「陪伴临终病患，对我来讲是一种特别ê恩典。….将死亡当作一种灵性转换过程ê新观点，án-ne ê新观点就是呈现、演化生命ê动态。」Chit本书认为临终过程是一个恩宠ê历程，是chit时段思维ê精品，hō͘咱有koh-khah大ê意愿认识死亡，hō͘死亡koh-khah接近咱ê心灵kap心智。书中作者举出两个人ê死亡，hō͘伊感受tio̍h对临终ê截然无仝ê经验。一位是是伊家己心爱ê父亲，tī数十年久病缠身了后，去世前一年lóng tòa tī医院里，但无人对伊提起伊ê生命beh到终点，最后家人kap伊隔一块玻璃板，无机会握伊ê手，也无办法亲亲伊ê脸颊，hō͘伊独自tī加护病房里过世。Á伊ê伯父tī卅年后也因相同ê疾病过世，但是伊最后ê时间是坐tī伊tī厝里心爱ê椅á顶过世，太太、kiáⁿ儿、孙á陪伴同齐欢笑、哭泣，身边也环绕tio̍h家人ê祷告kap关爱，á神父为伊做弥撒时，伯母也tī一旁。Chit两个极端不仝款ê经验，深深刻画出，今日医学无容允病人平静度过死亡，所引起ê遗憾。

就我个人tùi医生ê角度来思考ê时，一sut-á疑问都无，咱也lóng看过bē少临终、死亡，但咱所注意tio̍h ê往往是心跳、血压、呼吸ê变化。Á tī chit-ê变化ê瞬间，咱ê反应往往是tī ài-boài施行人工复苏术、气管切开术、输血ê决定，好亲像医护人员所关心ê，lóng局限tī到底iáu ē-tàng作kóa什么来阻挡死亡ê自然发生。但透过chit本书，chiah hō͘我体会tio̍h「死亡ē-tàng是非常平和ê」，也因此当医学已经无法扭转颓势时，咱应当鼓励病人，hō͘ in ē-tàng欣然接受不可避免ê结果。Mā拥有chit种修为ê医生，chiah ē-tàng hō͘病人真正以病人为中心ê「完整照顾（total care）」 。读完chit本书最大ê感慨是，我现在ē-tàng深切了解作者所讲chit句话ê真谛：「绝大多数人tī死亡前，chiah-ē身体机能转换ê表现，并无需要英雄式、高科技ê医疗救治。Hō͘生命呈现无正常现象，tī死亡时刻却是正常ê。Chiah-ê生理ê改变是正常ê，这是身体准备beh停止生命ê迹象，chit时身体需要ê是慈悲kap怜悯ê关爱陪伴，将身体翻转，保持清洁、轻声细语、擦擦眉毛、润湿嘴唇……。」

作者经常以chit方面ê经验做演讲，伊bat tī书上讲过，希望听过伊演讲ê人lóng能感受tio̍h一种超越性对死亡ê看法，而且ē-tàng以koh-khah广阔koh-khah深层关怀ê态度对待临终病人。伊也希望chit本书能留落来koh-khah开展性ê存有传统，tùi koh-khah深层ê角度，开展怜悯洞悉心，协助病人进入临终过程ê灵性转换期；koh-khah希望tī接近死亡ê时刻，临终ê病人没koh感觉tio̍h hiah-nih恐怖，也thang koh-khah清楚下一段ê心灵旅程。伊讲：「希望每一位临终病患向世界告别ê时，咱ē-tàng hō͘ in安详án-ne做，外界已经无有任何诱惑、干扰，希望咱chiah-ê陪伴伊ê亲朋好友对teh-beh过世ê人，mài去做任何事情，只要陪伴。」

我深信chit本书ê翻译一定非常无容易，绝对m̄是单纯只会晓英文、医学，或对生老病死关心ê人，就ē-tàng做得好ê。译者m̄-nā需要kā作者ê真义用无仝ê语言表达出来，书中iáu包括真chē佛教、印度教、生死学、哲学、心理学ê术语，如果m̄是in本身对chit方面ê造诣，是无可能以hiah-nih流畅ê中文介绍hō͘国人ê。非常感佩两位译者tī翻译chit本书ê过程中所付出ê心力，我深信「恩宠而逝」是值得向大家推荐ê滋润心灵、丰富人生ê好书。将来若有机会，我一定会选一个周末或假期，koh kā chit本书好好tùi头到尾kap英文原版同齐浏览一遍。我也深信chit本书是值得一读、再读、三读ê好书，而且我相信每pái读了，一定会有无仝ê心灵启发。（2005.7.17赖其万写tī海棠台风袭台之夜）