《生活e5台语，台语e5生活》

 | | | 转寄

双连教会设教百周年纪念歌

作者 陈茂生 2011.10.09

br>

1) 宣 教 师(soan-kàu-su)设(siat)讲 义 所(káng-gī-só͘)，引(ín)chhoā厝 边(chhù-piⁿ)信(sìn)耶稣(iâ-so͘)；基督(ki-tok)福 音(hok-im)tio̍h宣 扬(soan-iông)，双 连(siang-liân)地区(tē-khu)最(choè)理 想(lí-sióng)。 　神 学 校(sîn-ha̍k-hāu)内(lāi)做(chòe)礼拜(lé-pài)，o-ló救 主(kiù-chú)大(toā)仁爱(jîn-ài)；神 学(sîn-ha̍k)教 育(kàu-io̍k)做(chò)基 础(ki-chhó͘)，会 友(hoē-iú)信 仰(sìn-gióng)就(chiū)坚 固(kian-kò͘)。

2) 爱俄拿(ai-o-ná)石(chio̍h)做(chò)象 徵(siōng-teng)，双 连(siang-liân)会 友(hoē-iú)宣 教(soan-kàu)情(chêng)；良 牧(liông-bo̍k)溪 圳(khoe-chùn)gâu引(ín)chhoā，桌布(toh-pò͘)精 神(cheng-sîn)最(choè)充 满(chhiong-moá)。 　双 连(siang-liân)教 会(kàu-hoē)重(tiōng)宣 教(soan-kàu)，马偕(má-kai)病院(pīⁿ-īⁿ)gâu医疗(i-liâu)；手(chhiú)牵 手(khan-chhiú)teh服 事(ho̍k-sāi)主(chú)，厝 边(chhù-piⁿ)头 尾(thâu-boé)得(tit)恩赐(un-sù)。

3) 圆山(îⁿ-soaⁿ)脚 边(kha-piⁿ)传(thoân)耶稣(iâ-so͘)，圆 环(îⁿ-khoân)周 围(chiu-ûi)chhoā迷路(bê-lō͘)；大 屯(tāi-tūn)山 顶(soaⁿ-téng)爱(ài)灵 修(lêng-siu)，台 北(tâi-pak)社 区(siā-khu)好(hó)模 样(bô͘-iūⁿ)； 　弹 琴(toâⁿ-khîm)唱 歌(chhiùⁿ-koa)阮(goán)意爱(ì-ài)，o-ló上 帝(siōng-tè)到(kàu)万(bān)代(tāi)。圣 歌(sèng-koa)宣 扬(soan-iông)主(chú)疼 痛(thiàⁿ-thàng)，o-ló主(chú)名(miâ)到(kàu)万 邦(bān-pang)。

4) 多 元(to-goân)礼拜(lé-pài)福 音(hok-im)传(thoân)，信 徒(sìn-tô͘)增 长(cheng-tióng)算(sǹg)boē完(oân)；语 言(gú-giân)种 族(chióng-cho̍k)无(bô)阻 碍(chó͘-gāi)，同(tâng)甜(tiⁿ)同(tâng)苦(khó͘)主(chú)所(só͘)爱(ài)。 　兄 弟(hiaⁿ-tī)姊 妹(chí-moē)相(saⁿ)牵 成(khan-sêng)，服 务(ho̍k-bū)社 会(siā-hoē)gâu见 证(kiàn-chèng)；彼此(pí-chhú)相(sio)疼(thiàⁿ)主(chú)交 待(kau-tài)，同 心(tâng-sim)合意(ha̍p-ì)来(lâi)服 事(ho̍k-sāi)。

5) 盲 人(bông-jîn)事 工(sū-kang)真(chin)看 重(khoàⁿ-tāng)，长老(tiúⁿ-ló)执事(chip-sū)gâu做 工(chòe-kang)；幼稚(iù-tì)学 园(ha̍k-hn̂g)最(choè)老 牌(láu-pâi)，安 养(an-ióng)园 区(oân-khu)众 人(chèng-lâng)知(chai)。 　双 连(siang-liân)大 楼(toā-lâu)新(sin)世纪(sè-kí)，福 音(hok-im)广 传(kóng-thoân)siōng致意(tì-ì)；chhoā人(lâng)归(kui)主(chú)功 劳(kong-lô)成(chiâⁿ)，荣 光(êng-kng)lóng归(kui)主(chú)圣 名(sèng-miâ)。

6) 咱(lán)taⁿ同心(tâng-sim)koh立 志(li̍p-chì)，遵 趁(chun-thàn)上 帝(siōng-tè)圣(sèng)旨意(chí-ì)；暝日(mî-ji̍t)宣 扬(soan-iông)主(chú)疼 痛(thiàⁿ-thàng)，永 远(éng-oán)快 乐(khoài-lo̍k)做(chòe)圣(sèng)工(kang)， 全 心(choân-sim)o-ló耶 和 华(iâ-hô-hoa)，全 心(choân-sim)o-ló耶 和 华(iâ-hô-hoa)，高举(ko-kú)基督(ki-tok)圣(sèng)尊 名(chun-miâ)，高举(ko-kú)基督(ki-tok)圣(sèng)尊 名(chun-miâ)。 哈利 路亚(ha-le-lu-iah)！哈利 路亚(ha-le-lu-iah)！哈利 路亚(ha-le-lu-iah)！