《生活e5台语，台语e5生活》

 | | | 转寄

享受复活得胜ê人生

作者 许隼夫 2011.04.03

对古早到现代，世间人拢惊死。所以chiah有真济追求「长生不老药」神话流传落来。虽然亦有人死了koh再活起来ê 事，但是一般人拢看做是一件奇事nā-tiāⁿ。所以，真济人m̄信耶稣复活，因为in lia̍h-chò这是迷信，是无科学ê mi̍h件。

总是，换一ê角度来看，生kap死并m̄是人会喘气，ah是未喘气ê代志。有ê 人活着无有意义，生活亲像「行尸走肉」，若像死了一般样。

圣经有记载耶稣基督受钉伫十字架顶死了，第三日对死人中复活是一个千真万确ê代志。伊留落一ê空墓kap包布，伊ki-n-pi显现h信徒与门徒看koh kap in讲话。

Koh-khah要紧ê昰这ê好消息已经变成基督教信仰最重要ê福音。全世界因为信耶稣做救主来改变了in ê人生与生活。使徒保罗用家己ê信心来做见证。伊án-ne写讲：「基督若未bat复活，就阮所传ê是空空，恁ê信也是空空…基督若未bat 复活，就恁ê信无chhai-kang，恁iáu-kú伫恁ê 罪中。」(林前15:14,17)

讲真ê，耶稣基督有复活，伊实实在在有复活！咱thang对当时ê 门徒kap众信徒亲目看见耶稣复活ê身体，kap伊讲话，也做伙食饭。In对悲伤失望ê 心情突然转变做兴奋，喜乐，出力去传复活ê 福音，就明白这复活会改变人ê 能力有ja-n-a大。

　　这款改变ê 力量亲像1815年住伫伦敦ê 人民。有一日旗号乒爬到温彻斯特主教堂(Winchester Cathedral)ê 厝顶，接收停伫远远海港ê战舰ê 旗号乒打来ê 手旗信号。当伊一字一字收着「W-I-L-L-I-N-G-T-O-N--D-E-F-E-A-T-E-D…」(威灵顿受击败) ê时阵，大雾包围遮khm归ê 伦敦城，旗号乒看为tih旗仔ê信号，手旗传信被迫停止。归日久，伦敦人民听着这ê「威灵顿将军受击败」ê消息心里拢真大失望koh伤心。直到第二日早起koh继续传信号，加传五字E-N-E-M-Y。变成「W-I-L-L-I-N-G-T-O-N—D-E-F-E-A-T-E-D—E-N-E-M-Y！(威灵顿击败敌人了！) 这时，伦敦气氛大改变，全城ê人民大声欢呼「咱胜利了！英国ti赢了！」。In ê 忧伤随时变做欢喜。这t-t是主耶稣对死复活带h信徒喜乐ê 心情。亲像两千年前耶路撒冷ê 信徒大声欢欢呼：「哈利路亚，主已经复活了！伊实实在在有复活了！」仝款。

基督复活ê 好消息，是上帝通过这ê 奇妙ê 事件赏赐能力hō͘世间人。Hō͘凡nā信伊ê 人也会得着这ê 复活ê 生命kap 大能力(林前6:14) 。咱也因为这ê 信心来得tih生活ê 大能力。这ê大能力会当赢过一切消极、失望、绝望、忧伤、痛苦、惊惶、恐怖、怀疑、不安ê 心理，甚至黑暗、邪恶、不义ê 权势。H信伊ê 人ê人生态度180度大改变，变成一ê 充满积极、向上、希望、忍耐、安慰、平安、喜乐ê 人。

所以，复活ê 道理不但是「人因信得永生」，也伫今生会得着这ê 复活ê 能力kap过tih得胜ê 生活。基督教徒相信人死后会上天国享受永远ê 生命，这个永远ê 生命并m̄是爱等到死了后chiah享受--ê 。是信主以后随时就会当享受ê 新生命kap新生活。Tú-tú亲像圣经所讲：「死亡被消灭了；胜利已经达成了！」(林前15:54现代)

我来相信耶稣就是受这ê 改变现世ê 生命kap生活ê 福音所吸引ê 。孔子公讲过：「非知生焉知死」；保罗讲过：「所以人若tiàm伫基督，就是做新创造ê人 ，旧ê 代志已经过去，一切拢变成新ê 了。」(林后5:17)　雅各也讲过：「信心kap行为爱相辅并行，信心是藉着行为来达到完全ê …有信心无行为是死ê 」(雅各2:22,26)。我欣赏基督教是一ê 现世ê koh是实际ê 信仰。我一生享受这ê 复活福音ê能力，也认真分享传播这个大能力ê福音。下面是我个人ê 几ê有关复活ê 生活经验kap见证：

我读神学ê 时阵，有一段时间因为看tih周围ê 基督徒自私、自利、不公、不义ê 行为非常失望。又想tih我背祖背宗，无顾全家族ê 强力反对来信耶稣，结果看tio̍h基督徒也是无比佛教徒khah好jōa-chē 。一时阵想beh退学，又m̄敢tńg去见父母kap亲人。心内非常失望痛苦。好佳在，有得tio̍h黄彰辉牧师ê 开导，伊指出耶稣也是活伫一ê真艰难koh真恶劣ê 社会环境中，伊本身有赢过hia ê 艰难。耶稣做咱上好的模范，伊复活ê 福音会改变信伊ê 人，也会改变了全世界。咱受神学教育就是beh培养传播这个改变人ê福音。黄牧师帮助我明白了这个改变ê 福音，我有得tioh安慰kap 鼓励。我改变我ê想法与态度，留落来继续求学。

阮结婚选在鬼仔月（农历七月），这是台湾人ê 大禁忌，无人伫这月日中结婚。总是阮已经信复活ê主，阮无koh再相信mā无teh惊这款迷信ê事。阮受厝边头尾议论纷纷，批评kap指责。阮去说明h阮ê父母听，hō in理解。Kā in讲：圣经有记载，上帝创造ê 日子，每一日拢是好日子。七月结婚「sio̍k koh 有kio̍k」逐项拢真便宜，koh 再破除迷信。阮结婚已经teh beh 45冬，逐日经验着家庭婚姻的美满kap上帝的赐福满满。

当阮牧师娘怀孕待产ê时，也tú好遇着阮爱搬厝，koh阮租ê 厝是一间「粪箕厝」。一般人有khan-sng（迷信）相信住这款厝ê人会liu钱，亲像粪箕poa̍h-poa̍h出去，无人爱住。阮搬入去就开始布置，隔壁ê 老阿婆过来k我讲，太太怀孕时钉铁钉仔不吉利，会钉着胎儿ê 身体，可能造成残障。婴儿诞生了后，阮对病院抱tńg来ê 时，隔壁阿婆第一ê 来看。伊真tio̍h惊也真欢喜讲：「好心好幸leh，许先生，婴儿佳在无an-cho̍aⁿ-iūⁿ 」。我kā伊回答讲：「O-bà-sáng，阮信耶稣，无迷信，mā无khiàn-sńg。多谢您ê关心。」这ê 事件不但改变阮ê人生观念kap 做代志ê 方法，也变做阮分享福音真有力ê 故事。 咱相信复活ê信心就是相信耶稣赢过一切黑暗、邪恶ê 魔力。 伊也赏赐你kap我有这款复活得胜的能力去活出新ê 生命kap新ê 希望！这是咱信心最大ê 保证。相信复活ê信心h咱重新得tio̍h能力，也h咱改变：黑暗变成光明；失望变成希望；怨恨变成仁慈；阮弱变成刚强；忧伤变成欢喜；怀疑变成信心；受苦变成忍耐；怨叹变成感恩；邪恶变成良善；不义变成公义….咱若活伫复活得胜ê能力中，咱ê一生自然就会充满信心、积极、向上、向善、向美…也充满喜乐与平安。　　　　　　　

我真爱Gloria kap William Gaither 这对夫妇做伙写的诗kap 曲「因为主活」(Because He Lives)。是享受复活ê能力真好ê描写：

上帝差他ê圣子，他ê名叫耶稣；
他来疼咱，赦免kap医治病痛；
他放舍生命，为beh赎我罪过，
一ê空的坟墓证明我ê救主活teh。
因为主活teh，我thang勇敢面对明日，因为主活teh，一切惊惶拢消失，
因为我知影，他te̍h掌管将来，
生命满有意义光彩，就是因为主活teh。