《生活e5台语，台语e5生活》

 | | | 转寄

台湾宣教新世纪ê来临

作者 张杨宜宜 2011.01.09

感谢上帝奇异恩典，「台湾宣教基金会(TMF)」创立一年了后，第一份通讯出版了！诚心愿意将伊当作礼物献hō͘恩主。基金会ê呼召是beh突破台湾基督教历史近一百五十年基督徒比例一直khā-tiâu无向前ê 3%难关。因为使命沉重，上帝采取kap撒母耳、彼得仝款ê模式，「呼召三pái」，分由三地五人向我发出「你tio̍h家己设立台湾宣教组织」ê仝款呼声。回应到taⁿ,无日无用双脚chhōe求上帝ê引chhōa。「One Thousand One Team(千元支持一队)」to̍h是上帝事(tāi)先启示、mā是基金会起家第一项支持台湾短宣队ê事工。

十九世纪中旬以后，西方宣教师分批kā福音带hō͘台湾chit-ê美丽之岛。日后加上本土台湾基督长老教会倍加运动ê努力，得救ê基督徒增长到3%左右，可惜久长无koh进展。一个半世纪了后ê二十一世纪，宣教烧热潮koh再起，全球眼光集中tī人口siōng chē ê中国kap所谓基督徒siōng少ê回教国，想bē到台湾基督徒比例比真chē回教国koh-khah低。台湾soah成做一个hō͘人bē记得ê角落。今á日台湾基督徒需要起来接棒！「台湾宣教基金会」mā适时被呼召出来，并聚焦tī两件事：赞助宣教kap建立管道。目的是人人宣教、福音遍传。

第一阶段目标是「十年基督徒达百分之十」，并切切ǹg望kap众教会团体合力来达成。

阮坚信上帝会对他ê呼召负责，我ê回应果然带来上帝ê供应，包括同工、事工kap基金。全能ê上帝配上同心ê同工，kám有难成ê事？Chit时你kám无看tio̍h，圣灵已经开始tī海外教会兴起「台湾宣教」ê波波浪潮？油价飙高，一队一队ê短宣队iáu奋勇向台湾出发。看起来，台湾宣教新世纪已经然来临loh！朋友，咱来赶快phah拚全力拚落去！

欢迎上网浏览台湾宣教基金会(TMF)ê网址
http://taiwanmissionfoundation.org/ （原载台湾宣教基金会通讯第一期,2008.12）