《生活e5台语，台语e5生活》

 | | | 转寄

请叶金川mài消费台语

作者 蒋为文 2009.05.24

　　　　　　　　　　　 叶金川出席瑞士日内瓦世界卫生大会，tī举办晚宴时遭台湾留学生抗议。叶金川tī抗议现场kap事了后记者会均刻意以台语来回呛留学生。叶金川ê情绪化举动m̄-nā揭露伊配合中国来矮化台湾ê心虚，koh-khah突显中国国民党长期以来丑化kap打压本土语言ê恶行。

Tī国际媒体前接受访问时，叶金川表示chit-pái出席世卫大会ê心情是「感觉真好，真爽」。面对台湾国格被中国矮化ê giâu疑，叶金川m̄-nā boài向国人说明清楚iáu沾沾自喜，当然会遭当地留学生呛声。叶金川为雾雾无清焦点、塑造家己是抗Sars ê英雄，iáu表示当初伊tī处理Sars时赵建铭m̄知躲到toh位。请问对抗公共传染病是一个非公职人员ê骨科医生应有ê责任mah？koh-khah thang恶ê是，平常不替渐渐失传ê台湾母语发声，chit-ê时chūn chiah利用台语回呛留学生，甚至iáu鄙视留学生ê台语程度无好。新生代ê台湾母语讲无好，其实就是因为台湾人遭受华语流感病毒侵害ê了后果！