《生活e5台语，台语e5生活》

 | | | 转寄

暗青番kā你讲

作者 aThinn 2008.04.13

一ê tòa Elo5'ē「青丛」hittah（Bí洲Los Angeles2, PalosVerdes）ê sengli2人今á日kā我讲伊ê観察：
我顶礼拜去日本siōng大ê感想to̍h sī tī银座差不多所有ê名牌lóng sī AuBi2 ê品牌。一ê女工作一个月ê空课可能kanna ē-tàng tī银座ê高级店买一领衫。莫怪AuBi2 ê人无sáⁿ做工mā ē-tàng有koân ê生活水准。

Sòa落去伊kohka7我讲一段故事：
一冬前我chhōa Tâi'oân ê朋友去拜访一ê tòa San Gabriel做车灯ê人客。我去kàu hia chiah chai'iáⁿ chite5头家差不多三十歳，伊讲伊sī六岁àn Tâi'oân来ê中国人，看起来小可á FOB ( sī英语，意思基本上to̍h sī chím ùi Au, Bí ah sī澳洲以外ê「化外之地」徙过ê「亚客」)。

伊讲伊lóng卖Philips牌ê车灯，m7koh nā sī伊家己卖，无人相信伊卖ê sī正牌ê, 所以伊倩一ê白人做推销，人客khah会相信伊卖ê sī正港ê Philips。

Cit款tai7chi3 tī Elo5e7,逐工teh発生。Lán beh an2choann2？暗生番kā你挂保证，hiah'ê恶质ê pháiⁿ人客mā真chē lóng黄bah皮ê!

Taⁿ siōng thàn钱to̍h sī hōaⁿ品牌ê人。品牌ài hōaⁿ hō͘在，利纯chiah la̍k会tiâu。Koh来，普通时物á nā jú贵，利纯to̍h jú koân。

Taⁿ无论衫ah sī车ah sī电子用品ah sī sim2mih8大学siong7kai3好，nā beh讲khah高级ê产品，除去几nā种日本品牌以外，大部分品牌lóng是白人teh hōaⁿ、白人teh thàn。Lán家己人见nā beh展宝ê时，mā lóng kā红毛ê捧场khah chē。

Chit款现象hâm lán人崇拜AuBi2文化ê情形，绝对m̄ sī无tihtai7 ê。Lán ài hōaⁿ lán ê品牌、直直创lán ê koân价品牌，后pái lán chiah会有jú chē利纯thang khioh。利纯nā khioh jú chē, lán to̍h会jú富裕，ah lán nā jú富裕，lán文化ê地位to̍h会jú koân起lih。M7koh chit尾蛇无尾，两头lóng chùi。品牌本底to̍h sī文化产品，bē输电影kap歌艺。

Lán ê品牌nā beh顾hō͘好势，事(tāi)先ài看lán对lán家己ê文化kap lán ê文化产品kám有信心，ài看lán tang时chiah觉悟tio̍h，进口ê物á无一定phēng lán家己sengli2人teh制造ê物á koh khah好，ah进口ê文化the̍h来当做sī lán ê, 路尾mā sī无khah choa̍h, khah讲mā sī三更半暝走去别间chhù了lán ê钱，tàu hōaⁿ别人ê品牌，翻头koh讲sī姑不二将ê lah。

Lán ê sengli2人beh an2choann2来hōaⁿ lán ê品牌，he m̄ niā sī sengli2界ê tai7chi3，并且sī文化界ê tai7chi3。Lán ê sengli2人beh an2choann2来hōaⁿ lán ê品牌，he m̄ niā看lán ê sengli2人ê功劳，he mā tio̍h ài靠lán ta̍k’ê人来kā in捧场。