《陈雷文选》

 | | | 转寄

下晡一出戏

作者 陈雷 2008.01.20

12点到，伊家己会来，入去sòa尾间病房111号，无声无说，连开门也无人看见。总是，来进前拢先有一个特别清凉ê芳味，像三月咱the̍h á种ê柚á花，一阵一阵。倒tī眠床鼻着，tō会精神醒起来。Mā有看着伊ê面，若十五暝ê月，温柔光iāⁿ，才30出头niā-niā。Kā看起来，规身躯拢白ê，kan-na头鬃若点á胶乌sìm-sìm，sôe到肩胛头。陈雨水想，大概是病院大夜班ê护士，m̄-kú拢无用药á hō͘伊食，也无讲话，kan-na掠伊ê手骨，概成teh chat脉。想beh问伊，soah m̄知怎样，声that tī nâ喉，话讲bē出来。He目睭比头鬃koh-khah乌，比日月潭khah深，概成teh kā伊讲：“犹早leh，你koh困。”又koh行出去，无声无说，连开门mā无看见。陈雨水想，是家己teh作梦，乌白想？M̄-kú出去了后，房间内犹有伊ê味，芳贡贡ê柚á花。龟怪a，想无啥有，病院ê护士thái会芳水hiù hiah重味？

主治医师真有自信，kā伊讲是真轻ê心脏病，细条血管that着，无啥要紧，安静调养二礼拜tō会回复。M̄-kú这几工，伊感觉人lú siān lú衰弱，特别是大夜班ê护士来了后，规身躯nńg kô-kô，概成pak内ê元气ùi手骨làu ta去。早时主治医师巡病房，看起来拢真好势，bē了解是啥物原因。
12点到，伊家己会来，入去sòa尾间病房111号，无声无说，连开门也无人看见。总是，来进前拢先有一个特别清凉ê芳味，像三月咱the̍h á种ê柚á花，一阵一阵。倒tī眠床鼻着，tō会精神醒起来。Mā有看着伊ê面，若十五暝ê月，温柔光iāⁿ，才30出头niā-niā。Kā看起来，规身躯拢白ê，kan-na头鬃若点á胶乌sìm-sìm，sôe到肩胛头。陈雨水想，大概是病院大夜班ê护士，m̄-kú拢无用药á hō͘伊食，也无讲话，kan-na掠伊ê手骨，概成teh chat脉。想beh问伊，soah m̄知怎样，声that tī nâ喉，话讲bē出来。He目睭比头鬃koh-khah乌，比日月潭khah深，概成teh kā伊讲：“犹早leh，你koh困。”又koh行出去，无声无说，连开门mā无看见。陈雨水想，是家己teh作梦，乌白想？M̄-kú出去了后，房间内犹有伊ê味，芳贡贡ê柚á花。龟怪a，想无啥有，病院ê护士thái会芳水hiù hiah重味？

主治医师真有自信，kā伊讲是真轻ê心脏病，细条血管that着，无啥要紧，安静调养二礼拜tō会回复。M̄-kú这几工，伊感觉人lú siān lú衰弱，特别是大夜班ê护士来了后，规身躯nńg kô-kô，概成pak内ê元气ùi手骨làu ta去。早时主治医师巡病房，看起来拢真好势，bē了解是啥物原因。

这日中昼koh来，换一领笑红ê洋装，深色蓝海ê长裙，鬓边插一chhok白色ê柚á花，讲：“会使a，咱来去。”He声nńg koh tiⁿ，若kō着蜜。陈雨水问：“Beh去tó?”查某人tiām-tiām来牵伊，he手若烧lō ê包á炊好幼面面。随时伊感觉元气饱饱，规身躯轻松若像beh飞。落眠床来，浅拖拖leh tòe伊行。

外面大日光iāⁿ-iāⁿ，头前一大片阔旷茶绿ê田地。行无外hn̄g来到一位the̍h á，拢总是老欉ê柚á生kah齐齐，四kho͘围á芳chhèng-chhèng，当teh开花。有钉一tè牌á，写两字大字：“洗芳”。陈雨水问：“Chia敢m̄是阮hia麻豆？”查某人无应，tī一欉文旦柚下底坐落来。“咱beh去tó位？陈雨水koh问。查某人指he阔long-long ê水田，一区续一区，日头脚ê色致有ê金龟绿，有ê胆绿，有ê茶绿，mā有ê是浅浅ê笑绿，变来变去。Hn̄g-hn̄g-hn̄g上尽磅ê所在，有一chōa走thán横ê山岭，一chàn一chàn thia̍p koân起lih，上顶面bak 一iân金色ê云脚，koh后面一giâ一giâ ê白云，规天拢teh giâ云ang。伊讲：“Chhōa你来去看奇迹。”陈雨水应：“M̄-kú我犹未准备好势，…我写犹未了。”“你teh写啥写犹未了？”“写故事。”“啥物故事？”“拢有。心适ê代志、艰苦ê代志、欢喜ê代志、好ê代志、bái ê代志…”“生ê代志拢有？”陈雨水tàm头。查某人问：“Ah死leh？死ê代志leh？”陈雨水心肝头chhia̍k一下，因为死ê故事到taⁿ伊m̄-bat去想过，应：“M̄-bat leh，拢m̄-bat。”查某人无欢喜，问伊：“为啥物无写死？为啥物有写生，无写死ê故事？”“Che…che我…我m̄-bat经验过，bē晓写。”查某人目头拍结，peh起来。“咱来去转。”陈雨水问：“敢m̄是beh去看奇迹？”“另工leh，另工才来去。”

转来到病房，乱糟糟一大阵人，hoah kah大细声，几lōa个穿白衫ê tī hia chông出chông入。陈雨水闪一边khiā hia看，眠床顶直直倒一个人，双手吊二tâng大tâng射。雄雄医生gīm拳头母kā cheng心肝，tǹg胸坎。另外一个kā伊pûn气teh急救。He病人已经规身躯乌绿a m̄知人，目睭仁吊hàiⁿ-hàiⁿ，嘴á开hāⁿ-hāⁿ。斟酌kā看，he面真熟sāi，taⁿ害a，tō是伊家己！惊一tiô，问：“伊是啥人？”查某人应：“Tō是你。”“我？…我死a？！”“犹未，in teh kā你救。”“Ah你，你是啥人？”查某人笑笑，无应伊。陈雨水心头koh chhia̍k一下，hoah：“你，你tō是死！”Ah，hit个无人了解ê谜。M̄-kú …m̄-kú…你thái会chiah súi?你无成死！…“你beh chhōa我去？”查某人摇头：“你taⁿ赶紧倒起lih眠床困。”想beh koh问，查某人已经无去a。这时眠床头ê心电图pi一声，续落koh一声。护士hoah：“转来a！转来a！”陈雨水suh一个大气，tō精神过来。双手吊大tâng射，胸坎cha̍t thóng-thóng，头壳gông车车，脚手nńg siô-siô，bē输tú-chiah作梦。M̄-kú kap查某人讲ê话，一句一句清清楚楚，koh拢会记得。若像有鼻着柚á花ê芳味，hit个面是十五ê月光hóaⁿ，温柔亲切，问伊：“为啥物无写死？为啥物有写生，无写死ê故事？”

赶紧the̍h笔认真写，m̄敢hioh困。因为伊知影，che tō是伊最后ê故事。阿美坐tī眠床边，牵手ê心情艰苦bē理解伊。Tú-chiah险险死无去，医生吩咐ài绝对休息，bē使用头脑，讲bē听，又koh teh写。M̄知teh写啥，那有hiah chē通好写？Bē输teh拚老命。

写好teh等伊，几lōa工伊拢无来。这日中昼又koh鼻着柚á花ê芳味，仝款穿hit领笑红ê洋装，海水深蓝ê长裙。“我teh等你。”陈雨水讲。“我知影。”查某人应。“我写好a。”“你写啥？”这回陈雨水真自信，应：“我写死。我写死ê故事。”查某人tìm头：“按呢你写了a，taⁿ咱来去。”牵陈雨水ùi眠床peh起来。伊人真轻松，真有元气，浅拖拖leh tòe查某人行。

病房tiām-chiuh-chiuh，这回无急救。伊ê某、伊ê查某kiáⁿ、伊ê后生拢围tī眠床边。无张持房间kún-iāⁿ，若大粒玻璃珠á照着透早ê大日。伊有看着家己ê身躯，直直倒tī眠床顶，khàm一tè大tè ê厚玻璃，五彩反射，tō是一个真súi ê面具，半笑半m̄笑，亲切温柔，原来tō是这个查某人ê面。“为啥物khàm你ê面具？”陈雨水问。查某人àⁿ óa来，细细声应：“按呢死ê秘密才bē漏泄出去。”

“死ê秘密？”陈雨水想：“敢m̄是khǹg tī柚á园过去，hit chōa giâ云âng ê山后？”查某人摇头，报伊看房间内ê人，阿美a 、娟a、雄a、玉a---拢围tī眠床边，有ê细声teh sn̍gh，有ê大声teh háu，有ê kho̍k-kho̍k liàn目屎---。伊ê某目屎四淋sûi，kháu kah目睭皮肿，头壳khi一旁，the tī查某kiáⁿ身躯，强beh昏去。陈雨水问：“In为啥物háu a？”查某人讲：“你看。”比hit个抱tī玉a手里ê细汉gín-á，伸手teh指hit个玻璃面具，想beh去摸，tō是伊犹未2岁ê孙阿茂。Kan-na伊无háu。陈雨水问：“为啥物伊无háu?”查某人应：“伊无háu，因为伊有看见。”陈雨水问：“为啥物伊有看着，m̄-kú伊无悲伤？”

查某人无应，chhōa伊ùi病房行--出-去。Tī病院ê走廊有听着查某人teh哀叫。Oat入去一间房间。一个少年查某teh生产。“出力！koh tèⁿ一下！beh出来a！”医生teh hoah。少年查某tèⁿ一下大力，he面若chūn-ân ê面巾，hia̍h-á拢汗。哀一声足大声，婴á tō生出来a。Hia ê护士、医生kap查某人ê翁拢欢喜teh笑，teh跳koh hoah-hiu：“查甫ê!查甫ê!”陈雨水问：“In为啥物笑？”查某人讲：“你看。”比hit个tú生出来ê婴á，一个面jiâu peh-peh，糊kah全血kap胎油，ôa 一下一声，soah大声háu bē soah 。“伊为啥物háu?”陈雨水问。这时另外一个查某入来，mā是穿笑红ê洋装，蓝海ê长裙，仝款仝款ê面，若镜照ê，分bē出来。伊行óa去，tī婴á面顶用手hôe一下，he婴á目睭thí金，看着伊tō tiām去无háu｡陈雨水问：“伊是啥人？”查某人应：“伊kap我双生。”忽然间陈雨水才了解查某人ê意思，che tō是伊ê暗示，伊beh hō͘伊ioh ê谜。“Taⁿ咱好来去a。”查某人讲。“小等一下。”陈雨水应，koh oat转去病房，大家犹tī hia háu｡伊行óa去玉a身边，双手mo͘h hit个细汉gín-á ê嘴phóe，chim一下讲：“多谢你。你上盖有看着。”才kā查某人讲：“我准备好a。你chhōa我来去看奇迹。”

行过清芳ê柚á园，向hn̄g-hn̄g ê山岭去。面头前一片阔旷ê绿地，tō是嘉南平地hit款热人ê下晡时，日头ùi海hit面斜过来，照着查某人蓝海chhîⁿ风ê长裙，若ia̍h-á teh ia̍t-si̍t，soah kap排thán横ê山岭仝款，变作七彩相phoa̍h ê虹，一kéng一kéng。这时有听着tiàu-oán ê音乐ùi giâ云ang ê山后过来，一阵一阵，清清楚楚。“这个热天ê下晡，soah来落着一阵ê毛毛á雨，…看戏ê阿伯soah拢走无，…”tō是teh唱陈明章ê歌‘下晡ê一出戏’。Liâm-mih 云tòe he歌声也到位，天kap土脚顶teh拍雨白。伊ná行ná想，这个查某人hō͘伊ioh ê谜，伊ê迷kap暗示，tō亲像今á日热人下晡这出戏，生kap死无一定笑抑是háu，也无一定欢喜悲伤。伊心内暗暗á笑：“我知a，你chhōa我tòe你行。你m̄是死。你是hit个双生ê未来kap未知。”犹有听着he歌teh唱：“…看戏ê人拢无，看戏ê人拢无，…台脚无一声好，台顶是拢总雨…。”

这日中昼koh来，换一领笑红ê洋装，深色蓝海ê长裙，鬓边插一chhok白色ê柚á花，讲：“会使a，咱来去。”He声nńg koh tiⁿ，若kō着蜜。陈雨水问：“Beh去tó?”查某人tiām-tiām来牵伊，he手若烧lō ê包á炊好幼面面。随时伊感觉元气饱饱，规身躯轻松若像beh飞。落眠床来，浅拖拖leh tòe伊行。

外面大日光iāⁿ-iāⁿ，头前一大片阔旷茶绿ê田地。行无外hn̄g来到一位the̍h á，拢总是老欉ê柚á生kah齐齐，四kho͘围á芳chhèng-chhèng，当teh开花。有钉一tè牌á，写两字大字：“洗芳”。陈雨水问：“Chia敢m̄是阮hia麻豆？”查某人无应，tī一欉文旦柚下底坐落来。“咱beh去tó位？陈雨水koh问。查某人指he阔long-long ê水田，一区续一区，日头脚ê色致有ê金龟绿，有ê胆绿，有ê茶绿，mā有ê是浅浅ê笑绿，变来变去。Hn̄g-hn̄g-hn̄g上尽磅ê所在，有一chōa走thán横ê山岭，一chàn一chàn thia̍p koân起lih，上顶面bak 一iân金色ê云脚，koh后面一giâ一giâ ê白云，规天拢teh giâ云ang。伊讲：“Chhōa你来去看奇迹。”陈雨水应：“M̄-kú我犹未准备好势，…我写犹未了。”“你teh写啥写犹未了？”“写故事。”“啥物故事？”“拢有。心适ê代志、艰苦ê代志、欢喜ê代志、好ê代志、bái ê代志…”“生ê代志拢有？”陈雨水tàm头。查某人问：“Ah死leh？死ê代志leh？”陈雨水心肝头chhia̍k一下，因为死ê故事到taⁿ伊m̄-bat去想过，应：“M̄-bat leh，拢m̄-bat。”查某人无欢喜，问伊：“为啥物无写死？为啥物有写生，无写死ê故事？”“Che…che我…我m̄-bat经验过，bē晓写。”查某人目头拍结，peh起来。“咱来去转。”陈雨水问：“敢m̄是beh去看奇迹？”“另工leh，另工才来去。”

转来到病房，乱糟糟一大阵人，hoah kah大细声，几lōa个穿白衫ê tī hia chông出chông入。陈雨水闪一边khiā hia看，眠床顶直直倒一个人，双手吊二tâng大tâng射。雄雄医生gīm拳头母kā cheng心肝，tǹg胸坎。另外一个kā伊pûn气teh急救。He病人已经规身躯乌绿a m̄知人，目睭仁吊hàiⁿ-hàiⁿ，嘴á开hāⁿ-hāⁿ。斟酌kā看，he面真熟sāi，taⁿ害a，tō是伊家己！惊一tiô，问：“伊是啥人？”查某人应：“Tō是你。”“我？…我死a？！”“犹未，in teh kā你救。”“Ah你，你是啥人？”查某人笑笑，无应伊。陈雨水心头koh chhia̍k一下，hoah：“你，你tō是死！”Ah，hit个无人了解ê谜。M̄-kú …m̄-kú…你thái会chiah súi?你无成死！…“你beh chhōa我去？”查某人摇头：“你taⁿ赶紧倒起lih眠床困。”想beh koh问，查某人已经无去a。这时眠床头ê心电图pi一声，续落koh一声。护士hoah：“转来a！转来a！”陈雨水suh一个大气，tō精神过来。双手吊大tâng射，胸坎cha̍t thóng-thóng，头壳gông车车，脚手nńg siô-siô，bē输tú-chiah作梦。M̄-kú kap查某人讲ê话，一句一句清清楚楚，koh拢会记得。若像有鼻着柚á花ê芳味，hit个面是十五ê月光hóaⁿ，温柔亲切，问伊：“为啥物无写死？为啥物有写生，无写死ê故事？”

赶紧the̍h笔认真写，m̄敢hioh困。因为伊知影，che tō是伊最后ê故事。阿美坐tī眠床边，牵手ê心情艰苦bē理解伊。Tú-chiah险险死无去，医生吩咐ài绝对休息，bē使用头脑，讲bē听，又koh teh写。M̄知teh写啥，那有hiah chē通好写？Bē输teh拚老命。

写好teh等伊，几lōa工伊拢无来。这日中昼又koh鼻着柚á花ê芳味，仝款穿hit领笑红ê洋装，海水深蓝ê长裙。“我teh等你。”陈雨水讲。“我知影。”查某人应。“我写好a。”“你写啥？”这回陈雨水真自信，应：“我写死。我写死ê故事。”查某人tìm头：“按呢你写了a，taⁿ咱来去。”牵陈雨水ùi眠床peh起来。伊人真轻松，真有元气，浅拖拖leh tòe查某人行。

病房tiām-chiuh-chiuh，这回无急救。伊ê某、伊ê查某kiáⁿ、伊ê后生拢围tī眠床边。无张持房间kún-iāⁿ，若大粒玻璃珠á照着透早ê大日。伊有看着家己ê身躯，直直倒tī眠床顶，khàm一tè大tè ê厚玻璃，五彩反射，tō是一个真súi ê面具，半笑半m̄笑，亲切温柔，原来tō是这个查某人ê面。“为啥物khàm你ê面具？”陈雨水问。查某人àⁿ óa来，细细声应：“按呢死ê秘密才bē漏泄出去。”

“死ê秘密？”陈雨水想：“敢m̄是khǹg tī柚á园过去，hit chōa giâ云âng ê山后？”查某人摇头，报伊看房间内ê人，阿美a 、娟a、雄a、玉a---拢围tī眠床边，有ê细声teh sn̍gh，有ê大声teh háu，有ê kho̍k-kho̍k liàn目屎---。伊ê某目屎四淋sûi，kháu kah目睭皮肿，头壳khi一旁，the tī查某kiáⁿ身躯，强beh昏去。陈雨水问：“In为啥物háu a？”查某人讲：“你看。”比hit个抱tī玉a手里ê细汉gín-á，伸手teh指hit个玻璃面具，想beh去摸，tō是伊犹未2岁ê孙阿茂。Kan-na伊无háu。陈雨水问：“为啥物伊无háu?”查某人应：“伊无háu，因为伊有看见。”陈雨水问：“为啥物伊有看--着，m̄-kú伊无悲伤？”

查某人无应，chhōa伊ùi病房行--出-去。Tī病院ê走廊有听着查某人teh哀叫。Oat入去一间房间。一个少年查某teh生产。“出力！koh tèⁿ一下！beh出来a！”医生teh hoah。少年查某tèⁿ一下大力，he面若chūn-ân ê面巾，hia̍h-á拢汗。哀一声足大声，婴á tō生出来a。Hia ê护士、医生kap查某人ê翁拢欢喜teh笑，teh跳koh hoah-hiu：“查甫ê!查甫ê!”陈雨水问：“In为啥物笑？”查某人讲：“你看。”比hit个tú生出来ê婴á，一个面jiâu peh-peh，糊kah全血kap胎油，ôa 一下一声，soah大声háu bē soah 。“伊为啥物háu?”陈雨水问。这时另外一个查某入来，mā是穿笑红ê洋装，蓝海ê长裙，仝款仝款ê面，若镜照ê，分bē出来。伊行óa去，tī婴á面顶用手hôe一下，he婴á目睭thí金，看着伊tō tiām去无háu｡陈雨水问：“伊是啥人？”查某人应：“伊kap我双生。”忽然间陈雨水才了解查某人ê意思，che tō是伊ê暗示，伊beh hō͘伊ioh ê谜。“Taⁿ咱好来去a。”查某人讲。“小等一下。”陈雨水应，koh oat转去病房，大家犹tī hia háu｡伊行óa去玉a身边，双手mo͘h hit个细汉gín-á ê嘴phóe，chim一下讲：“多谢你。你上盖有看着。”才kā查某人讲：“我准备好a。你chhōa我来去看奇迹。”

行过清芳ê柚á园，向hn̄g-hn̄g ê山岭去。面头前一片阔旷ê绿地，tō是嘉南平地hit款热人ê下晡时，日头ùi海hit面斜过来，照着查某人蓝海chhîⁿ风ê长裙，若ia̍h-á teh ia̍t-si̍t，soah kap排thán横ê山岭仝款，变作七彩相phoa̍h ê虹，一kéng一kéng。这时有听着tiàu-oán ê音乐ùi giâ云ang ê山后过来，一阵一阵，清清楚楚。“这个热天ê下晡，soah来落着一阵ê毛毛á雨，…看戏ê阿伯soah拢走无，…”tō是teh唱陈明章ê歌‘下晡ê一出戏’。Liâm-mih 云tòe he歌声也到位，天kap土脚顶teh拍雨白。伊ná行ná想，这个查某人hō͘伊ioh ê谜，伊ê迷kap暗示，tō亲像今á日热人下晡这出戏，生kap死无一定笑抑是háu，也无一定欢喜悲伤。伊心内暗暗á笑：“我知a，你chhōa我tòe你行。你m̄是死。你是hit个双生ê未来kap未知。”犹有听着he歌teh唱：“…看戏ê人拢无，看戏ê人拢无，…台脚无一声好，台顶是拢总雨…。”