《胡文池牧师kap布农族》

 | | | 转寄

献身献力kap献金―两位有名ê楷模

作者 马好留 2010.02.28

(原载一九八二年第一五八三期台湾教会公报) 马好留

当我写本文时，我正参加台湾神学院ê毕业典礼归来，麦礼兰博士以「将生命ê道表明出来」(腓立比书二：16)tī毕业典礼中为题讲道，大家真受感动。看见hiah-ni̍h多年轻人自神学系、基督教教育系、音乐系kap夜间部毕业，是一件大喜乐ê事。我深ǹg望chiah-ê少年人，对服事基督kap伊ê教会有大ê贡献。

典礼中有两位接受特别ê荣誉神学博士学位，这学位m̄是代表in为教会事奉之开始，却是tī in tùi传道生涯中所得tio̍h ê荣誉。Chit两位接受者骆先春博士kap胡文池博士，同in ê bó͘留hō͘台湾教会一个真好ê楷模―「献身、献力kap献金」。

一九六五-一九六九年期间，我ê家庭kap我tòa-tī台东，阮真欢喜认bat骆牧师kap胡牧师夫妇，chit两个家庭留hō͘阮真chē感动ê事迹：

(1)为基督教宣教，in tī一个困难ê时期选择一个艰难ê所在。Tī一九四0-一九五0年间ê台东之农村非常ê偏僻未开发kap sàn-chhiah。对外交通不便，教育ê设备真受限制。但chit两个家庭煞去了，并且扎落in ê根，不急tio̍h离开。In爱hiah-ê人ê灵魂，hō͘ in知影基督耶稣ê爱。

(2)in建á有力ê基督化家庭，有家庭崇拜、教导gín-á认bat上帝ê启示。虽然台东ê学校hit时bōe-sái kap西部ê学校相比。但in ê子女长大了后lóng受好ê教育，kap拥有坚强ê基督教信仰。In中间ê几位相继得tio̍h博士学位。

(3)in爱人ê灵魂kap肉体。Tī身躯kap灵性上帮助hiah-ê人。以实际ê行动，kap人分享福音：通过in，有真chē ê人接受耶稣基督永恒ê生命。骆牧师是一个布道家、教师、语言学家kap音乐家。胡牧师娘是一位助产士不时外出接生。In两对夫妇全心全意献身tī上帝ê工作，贡献in所有ê 才能。

(4)in受山地工作委员会委派，以极微薄待遇做艰难ê工作，当时tī阿美、布农、彪马、东海岸排湾kap雅美部落ê工作tú开始，in to̍h是参与此工作。Tī真chē村庄，in是第一个将耶稣基督绍介hō͘当地ê人。In lóng无怨言ê工作，kap别人分享极微薄ê收入，不要求更换到koh-khah高薪ê职位，in乐意为实行in ê被呼召á付上代价。

(5)in乐意跨越文化ê障碍，kap人分享基督ê爱。原住民tùi in身上发现真实ê朋友，致使原住民愿意学习家己ê语言kap了解in生活ê方式。In ê厝kap心为所有ê人开放。

(6)in ê工作结实累累，in帮助建立真chē ê教会，为数百位新ê基督徒受洗，编辑圣诗创作布农kap阿美族ê文字。胡文池牧师是翻译布农族新约圣经ê主要负责人。

所有台湾基督长老教会ê份子，tio̍h大大ê感谢chit两个有名ê家庭。今年是什一增长运动ê「奉献年」，tī骆牧师kap胡牧师ê家庭，咱会得thang看见án-ne荣耀ê榜样―「献身、献力、献金」，hō͘咱tòe in ê脚踪。