《胡文池牧师kap布农族》

 | | | 转寄

渔船、迷你车、椅轿

作者 胡文池 2009.05.31

「到地极」作主ê见证，是基督徒ê大使命。高山ná亲像地极。Á拓荒工作，开始是一条困难、艰苦ê道路 离开tòa惯了三十多年ê平地生活，beh到遥远ê后山，m̄-nā交通不便，iáu有水土不服ê病。何况boeh进入毒蛇野兽ê高山峻岭，向言语无通、风俗回异，神秘莫测ê高山族人，传讲常被误解为「搅乱天下」ê福音是一件异常困难ê事。

Tī大甲火车站iōng目屎离别会友，tńg到家乡新庄，告别家人。

Siōng早表示反对，极力阻挡ê是母亲。听tio̍h心肝宝贝ê爱子beh前往当时被称做野蛮ê所在传道，马上讲：「bē-tàng，这是真危险ê事。听讲山地人会杀人ah!」亲人朋友mā无一个赞成。经过我再三ê说明了后chiah得tio̍h in谅解。

我带tio̍h妇人人kap五名幼儿达到苏澳boeh坐公路汽车往花莲时chiah知影公路无通。因为热天被风台破坏ê公路，到了秋天iáu未修复，可见台湾tú光复时ê政冶未上轨道，公务员ê办事能力差，凡事lóng是「慢慢来」。「tang时chiah ē-tàng通达?」无人敢讲。无thang奈何，阮只好决定到南方澳坐渔船，由海路前往。

一、父母ê白贼
初秋ê清早八点，阮tī南方澳渔港真无简单chiah chhōe-tio̍h一只boeh载客到花莲ê渔船。Chit条载量只有三十吨，平常是用来抓鱼ê小船，因陆路无通，chiah临时转业，载客来thàn外快。Chit条代用客船，既无船室，mā无遮日避雨ê帆布。只tī船中放几条矮长ê板凳，任君自由选择坐位就算是优待了。

众细kiáⁿ虽然tī图书或tī电影上常常看tio̍h大小各种ê船，所以知影船是浮tī水上ê物件。但是从来m̄-bat坐船过海，自然m̄知影晕船痛苦ê滋味。Tú上船时，in感觉新奇、欢喜、好sńg。

炎烧热ê盛夏已过，凉快ê秋风轻微地吹来。乘客并无chē，只有二十几名。船长mā按时命令开船了。

九月初，风台过了后ê天气真好，薄薄ê白云宛如大伞飘tī上空。港内ê水平静如镜。但是阮ê船离港无久就进入太平洋了。Chit时小船tòe海浪ê起伏开始摇动起来，无停地上下摇动冲破乌潮前进。阮一家人mā开始头晕目眩、呕吐、反腹。早起所食ê山珍海味一尽倾入海中。长子宏仁吐得siōng厉害。食物吐完以了后就吐出苦胆来。个个面色苍白，ná亲像病人，有ê躺下，有ê伏tī船边，情状甚惨!

船顶ê乘客，各种吐得死去活来。船员们却视若无睹，表现出一付事不关己ê款，有ê无闲操作船机；有ê悠哉ê钓鱼，连个回首或一声请安mā无，hō͘人伤心!

「到了无?」长子忍不住痛苦ê问?

「快到了，koh再一下á就到了。」妇人人按摩伊ê背部，一边安慰tio̍h。其实伊家己mā晕得m̄知天日。

无久，gín-á一个一个有气无力ê问：「到了无?」阮唯一ê回答iáu是：「快到了，koh再忍耐一下á。」天晓得，十分之一路途lóng iáu无到，但是基于爱心，mā只好欺骗in了。几pái ê受骗，in竟然受气起来埋怨讲：「lín lóng tī骗阮，讲了kúi-nā-pái beh到了 ，iáu lóng是仝款!」

真无简单chiah，八点钟了后阮终其尾到了花莲港。

二、迷你卡车
一九四七年热天ū大风台，致使东部铁路、公路严重受tio̍h损害。Tùi花莲到阮beh去ê目的地－关山无车thang行。阮tī花莲等了三个礼拜，最后chiah知影近期无法度通车，就下定决心以siōng原始ê交通方法―11号ê双脚车行入。路程170公哩，「用双脚」谈何容易，「行」就困难了。小兵ê身躯是造物主为山地传道ê特制品，瘦长ê kap脚，行路轻快，行远路无问题。Ē-sái讲是火头军是女性，短小ê玉腿，boeh载运近百斤ê肥胖粉身，行行三、四工是一个大难题。何况iáu有五个「兵á子」，该安怎好?

我向古物商买了旧乳母车ê四个车轮。Koh再到制材行买木板，家己当木匠，做成一个木箱，高一尺、长二尺半、幅一尺半，像极了市场装鱼ê箱á，最后将木箱安上四个车轮就变成玩具小卡车了。阮决定hō͘一岁kap四岁ê gín-á坐小卡车。其他七岁、十岁、十三岁gín-á tio̍h步行。这辆迷你车无引擎，只好由这一家之主充当仆人拖车了。

上路ê hit一工，承蒙上主ê安排，tú好有一台大卡车boeh载货到凤林口，阮拜托伊载运阮一家人。这车节省了阮bē少ê体力。由凤林口一阵七人，浩浩荡荡向前慢步前进。路边ê人，以奇怪ê眼光看阮，看阮这不三不四ê小队伍，既无像军队，mā无像乞丐。当in看tio̍h像玩具ê小木箱拖tio̍h gín-á，发出哈哈笑声。众细kiáⁿ感觉好sńg mā笑了。三十年前ê花东公路无像现在平坦ê tiám-a-ka路，拖车ê手酸kah beh命。公路虽然被风台大雨洗kah真清气，真chē路段泥土流失只留落来小石头，gín-á ê坐车是寸步oh行。Chit时chūn虽然我boeh背小车，妇人人tio̍h背siōng小ê gín-á，但阮iáu是有讲有笑ê前进。

公路真chē所在，路基因流失而且积水无法度通行。但，无关系，上帝自有安排。公路边ê火车路，虽然路基mā仝款流失，只chhun铁轨悬吊tī原处，阮只好改道行tī铁路上。Ē-sái讲是妇人人kap gín-á胆小如鼠，m̄敢单独行tī一条铁轨上，我只好用单手牵tio̍h「牵手」ê手，两个人行tī二条铁轨上平安通过。本来是各二脚ê两个人连结起来变成四脚ê人，行起来安稳mā安心多了。Tú亲像四轮ê汽车比二轮ê机车稳仝款。莫怪，聪明ê上帝，创造山羊花鹿等行兽时，赐hō͘ in四脚，hō͘ in tú-tio̍h强敌时，thang快速逃行，á不致跌倒。你讲m̄是mah?

虽然日时头行路不觉辛苦，但kui工拖tio̍h近百斤gín-á乘坐ê小车行，beh暗á达到光复村旅社时早to̍h筋疲力尽。不得已chiah拜托当地ê梁阿湖长老chhōe一个人来替我chit-ê车夫牵车。

次日，小兵队伍增加了一个援兵。伊是主内阿美族人，体健力壮真是上主好ê安排。因为行到一条大溪时，发现水深kap腰。连我chit-ê长脚汉mā m̄敢涉水á过。佳哉伊一个接一个，强拉tio̍h阮ê手臂，硬拖过急流深处。

三、抬轿苦，坐轿thiám
经过两工ê步行，不擅tī行远路ê bó͘，达到瑞穗时已体力不继，疲劳万分。进入旅社时马上靠tī膨椅上。上楼梯时，双脚bōe-sái抬起，只好爬上去。经过一个暗时ê歇困，一早，妇人人ê双腿iáu是酸痛不堪，寸步oh行。所以临时央托店主chhōe二个人来，kā藤椅缚tī二支大桂竹上，抬tio̍h伊前进。当时tī东部chit种椅轿是用来迎娶新娘，接送医生或病人ê工具。Chit种ê椅轿，抬ê人叫苦，坐ê人mā难受。无像现在ê计程车，车主、人客lóng大欢喜。

就án-ne
有男、有女、有大人、iáu有gín-á；
有椅轿，iáu有小卡车；
浩浩荡荡慢行tī乡村路上，
过了乌暗隧道，涉水过深河，
爬行通过高架铁桥，
终其尾达到目的地关山了。