《胡文池牧师kap布农族》

 | | | 转寄

险入死阴场地

作者 胡文池 2009.05.17

天有不测风云，人有旦夕祸福。Tī一生将近百年长远ê年岁中，每一个人lóng会tú-tio̍h意外危险ê tāi-chì。

第二pái世界大战末期，m̄知是谁ê鬼主意，日本政府竟然boeh征召我做劳工，去建设飞机场。Chit项事对瘦弱ê我，无异等于被宣判死刑。

战争末期，有一工早起，我接tio̍h大甲街役场(镇公所)发出ê一张命令通知单，ài我三日内到高雄当劳工，建设飞机场，为期三个月。

当时美国空军B二九飞机时常空袭台湾，日间火车m̄敢行驶，每工只有二班夜车。所以日时头tī机场工作ê危险性真高，真chē人被炸死。

三十年前无推土机kap怪手ê操作，因此án-ne笨重ê工程，只好óa靠人工，用锄头挖掘砂土，用畚箕来搬运。

我ê体质瘦弱，皮包骨ê双肩m̄-bat用过扁担挑起物件。所以m̄-nā三个月ê长期劳动无法度承受，甚至只是一工粗重ê工作mā会hō͘我一病不起。家己ê身躯我siōng了解了，因此chit张简简单单ê征召令，重重ê打击了我，ná亲像对我宣告死刑，hō͘我绝望非常。

大甲地方，身强力壮ê人至少有数万，为何偏偏选中我这文弱ê人作劳工，实在百思bē了解，我kap妇人人lóng陷入悲愁ê痛苦中。阮只有求告上帝ê帮助。

果然圣灵指示我ài向熊谷小姐求助。

熊谷小姐chit工本人，bat tī基督教女学校就读时信主。伊是台北日本基督教会ê会友。伊心地善良、温柔虔诚，父亲是位工程师，tùi政府机关退休了后，就自台北搬到大甲，经营烟酒批发。伊因学识高，势力大，所以tī大甲任职防卫团团长。

熊谷小姐因其母早逝，决心不嫁ài tī厝孝养父亲。年龄已经四十gōa岁了。伊每礼拜lóng坐个半钟头ê火车远途赶到台北教会礼拜。

当日下晡我造访熊谷小姐，讲出拜访原因时，伊ê父亲无tī厝，静听了我ê话，koh看tio̍h我瘦弱ê身材了后，深表同情，并讲马上beh到街役场为我办事。

伊对办事员讲：「国家总动员ê意思是beh适材适用，并m̄是讲要求全国ê人做同一ê工作。像教会ê牧师，伊从事教化事业，bōe习惯劳动，而且伊ê身躯koh真衰弱，假使征召伊去建造飞机场，一定会病倒，反tńg造成国家ê损失。我boeh伊留tī chit所在，教导防卫团唱歌，鼓舞士气，增口团员精神力量。」

办事员随时讲：「是!是!团长，我马上照您所讲ê来办理。」伊果然tī hit工下班以前，就来教会chhōe我，the̍h回命令单，然后离去。

顿时，像放下了重担，内心乌暗愁云立时消散，重见光明，感谢上帝奇妙ê安排。

「伊tùi乌暗中和死荫内底，领in出来。」(诗篇一0七：14)
了后，我果然被派到防卫团教导团员们唱歌。