《台语kah魔术》

 | | | 转寄

情人节0707

作者 苏晏德 2023.08.20

情人节(台语文)
Chêng-jîn-cheh

七月初七情人节
Chhit-goe̍h chhe-chhit Chêng-jîn-cheh
甜言蜜语有够济
Tiⁿ-giân-bi̍t-gí ū-kàu chē
情话绵绵讲规瞑
Chêng-ōe mî-mî kóng kui-mê
今生只爱你一个
Kim-seng chí ài lí chi̍t-ê

七月初七的暗暝
Chhit-goe̍h chhe-chhit ê àm-mî
攑头仰望看天星
Gia̍h-thâu gióng-bōng khòaⁿ thiⁿ-chhiⁿ
恩爱情人谱情诗
Un-ài chêng-jîn phó͘ chêng-si
孤单男女心稀微
Ko͘-toaⁿ lâm-lú sim hi-bî

七月初七来约会
Chhit-goe̍h chhe-chhit lâi iok-hōe
双人牵手行做伙
Siang-lâng khan-chhiú kiâⁿ chò-hóe
糖甘蜜甜诉情话
Thn̂g-kam bi̍t-tiⁿ sò͘ chêng-ōe
男女相约来赏花
Lâm-lú siong-iok lâi siúⁿ-hoe

七月初七会情人
Chhit-goe̍h chhe-chhit hōe chêng-jîn
期待促成好婚姻
Kî-thāi chhiok-sêng hó hun-in
山盟海誓爱守信
San-bêng hái-sè ài siú-sìn
共渡良宵好落眠
Kiōng-tō͘ liông-siau hó lo̍h-bîn