《台语kah魔术》

 | | | 转寄

0508~14阿母ê爱

作者 苏晏德 2023.05.07

阿母的爱(台语文)

阿母的爱上盖媠 A-bú ê ài siōng-kài súi
亲像春天的花蕊 Chhin-chhiūⁿ chhun-thiⁿ ê hoe-lúi
阿母点滴的恩惠 A-bú tiám-tih ê un-hūi
亲像甘甜的露水 Chhin-chhiūⁿ kam-tiⁿ ê loō-chúi

阿母无私阁慷慨 A-bú bô-su koh khóng-khài
亲像月娘遐可爱 Chhin-chhiūⁿ goe̍h-niû hia khó-ài
阿母对人好款待 A-bú tùi-lâng hó khoán-thāi
亲像良善的天使 chhin-chhiūⁿ liông-siān ê thiⁿ-sài

阿母贴心阁温暖 A-bú tah-sim koh un-loán
予阮全家足安全 Hoō goán choân-ke chiok an-choân
阿母辛苦无埋怨 A-bú sin-khoó bô bâi-oàn
予阮感觉无平凡 Hoō goán kám-kak bô pêng-hoân

阿母笑容像春风 A-bú chhiò-iông chhiūⁿ chhun-hong
予阮事事拢亨通 Hoō goán sū-sū lóng heng-thong
阿母个性真开朗 A-bú kò-sèng chin khai-lóng
予阮精神足清爽 Hoō goán cheng-sîn chiok chheng-sóng