《台语kah魔术》

 | | | 转寄

路竹苏晏德

作者 苏晏德 2016.09.04

苏晏德(台语文) Soo Iàn-tek(Tâi-gí-bûn)

台文奇才苏晏德 Tâi-bûn kî-châi Soo Iàn-tek
在地出世半路竹 Chāi-tē chhut-sì Pòaⁿ-lōo-tek
魔术表演有特色 Môo-su̍t piáu-ián ū te̍k-sek
台语教学有成绩 Tâi-gí kàu-ha̍k ū sêng-chek

做人趣味阁心适 Chò-lâng chhù-bī koh sim-sek
做事顶真有原则 Chò-sū téng-chin ū goân-chek
平时上爱做公益 Pêng-sî siōng-ài chò kong-ek
台语正名有气魄 Tâi-gí chiàⁿ-miâ ū khì-phek

台检招生有能力 Tai-kiám chio-seng ū lêng-le̍k
母语优先无选择 Bó-gí iu-sian bô soán-te̍k
罗马拼音爱读熟 Lô-má pheng-im ài tha̍k se̍k
指导写诗有收获 Chí-tō siá-si ū siu-he̍k

母语家庭有来历 Bó-gí ka-têng ū lâi-le̍k
台语老师占二席 Tâi-gí lāu-su chiàm nn̄g-se̍k
笑诙故事若演剧 Chhiò-khoe kòo-sū ná ián-ke̍k
重视母语像宝玉 Tiōng-sī bó-gí chhiūⁿ pó-ge̍k