巴克礼普世版(试读本) 路加福音第十五章
迷羊ê譬喻 (太18:12-14)
1有一pái,真chē抽 税ê kah pháiⁿ人,来耶稣hia beh听他讲 道理。2法 利赛 派ê人kah经 学 教 师ka̍uh-ka̍uh念讲:「Chit-ê人接 纳pháiⁿ人koh kah in做伙食 饭!」3耶稣用 一个譬喻对in讲,4「Lín中 间啥 人有一 百 只羊,phah-m̄见一 只,kám bē暂 且放九 十 九只tī山 里,去chhōe hit只phah-m̄见ê,一直到chhōe-tio̍h为止?5 Chhōe-tio̍h了 后就 欢 喜,kā hit只羊phāiⁿ tòa肩 胛 头。6 Tńg到厝就 叫厝 边ê朋 友来,kā in讲:「来kah我tàu欢 喜,因为我chhōe-tio̍h phah-m̄见hit只羊。』7我kā lín讲,tī天 顶mā亲 像án-ne,为tio̍h pháiⁿ人中 间有一个人悔 改来欢 喜,比为tio̍h m̄免悔 改ê九 十 九个义 人koh-khah欢 喜。」
Phah-m̄见钱ê譬喻
8「Á是有一个妇人 人有十个银á,nā phah-m̄见一个,kám bē点 灯,拚 扫厝 内,phah拚chhōe,到chhōe-tio̍h为止?9伊一下chhōe-tio̍h就 叫朋 友kah厝 边来,kā in讲:『来kah我tàu欢 喜,因为我phah-m̄见ê银á已经chhōe-tio̍h。』 10我kā lín讲,亲 像án-ne,上 主ê天使会为tio̍h pháiⁿ人中 间有一个人悔 改,来欢 喜。」
放 荡Kiáⁿ ê譬喻
11耶稣koh讲:「有一个人有两个kiáⁿ。12 Hit-ê细汉-kiáⁿ kā老父讲:「阿爸,请kā我应 该得ê财 产分hō͘我。」老父就 分家伙hō͘两个kiáⁿ。13隔无几日,hit-ê细汉kiáⁿ kā所 得tio̍h ê财 产全 部换 做现 金,就 出 外去真 远ê所 在。伊tī hia放 荡乱开 钱。14伊kā所有ê钱开 了 了ê时,hit所 在tú-tio̍h大 饥荒,伊chiah觉悟欠 缺ê艰 苦。15伊就 去hō͘ hit所 在ê一个 人倩。Hit-ê人差伊去 山 里ê园饲猪。16伊iau kah想beh the̍h猪teh食ê豆 粕来止iau,m̄-koh lóng无 人beh hō͘伊食。17后来伊觉 醒讲:『我ê老父有hiah-chē长 工,米粮食kah有chhun,m̄-koh我tī chia teh-beh iau死去。18我beh tńg来去chhōe我ê老父,kā伊讲:『阿爸,我有得 罪天,mā有得 罪你。19 Taⁿ我无资 格koh做你ê kiáⁿ。请hō͘我做你ê长 工to̍h好。』20伊就 出 发tńg去chhōe伊ê老父。离in老父iáu-koh真 远,老父to̍h看tio̍h伊,感 觉真m̄甘,走óa去kā伊揽teh,直直kā伊chim。21 Kiáⁿ kā老父讲:『阿爸,我有得 罪天,mā有得 罪你,taⁿ我无资 格koh做你ê kiáⁿ。』22 M̄-koh老父对hiah-ê奴仆讲:『紧hiaⁿh siōng好ê衫来kā伊穿,kā伊挂手 指,koh kā伊穿鞋。23续牵hit只肥ê牛á-kiáⁿ来thâi,来 办 桌欢 喜庆 祝。24因为我chit-ê kiáⁿ死去有koh活,phah-m̄见有koh chhōe-tio̍h。』 In就 做伙欢 喜庆 祝。」
25 Hit时,大kiáⁿ tùi园 里tńg来,beh到厝ê时,听tio̍h奏 乐kah跳 舞ê声。26伊叫一个奴仆来,问伊看teh做 啥 物tāi-chì。27 Hit-ê奴仆kā伊讲:『Lín小弟tńg来à,lín老父因为伊平 安无事tńg来,所以thâi hit只肥ê牛á-kiáⁿ。』28大kiáⁿ真 受气,m̄入去。老父出 来kā伊苦 劝。29 M̄-koh伊应老父讲:『你 看,我服 事你hiah-chē年,lóng m̄ bat违背你ê命 令。你mā m̄ bat hō͘我一 只羊á-kiáⁿ,thang kah我ê朋 友做伙欢 喜lim食。30 M̄-koh你chit-ê kiáⁿ,交 陪娼 妓,kā你分hō͘伊ê财 产全 部开 了 了。伊一下tńg来,你就 为tio̍h伊thâi肥ê牛á-kiáⁿ。』 31老父kā伊讲:『我ê kiáⁿ ah,你常 常kah我做伙,我所有ê财 产lóng是你ê。32 M̄-koh你ê小弟死有koh活,phah-m̄见koh chhōe-tio̍h,咱应 该tio̍h来欢 喜庆 祝!』」