巴克礼普世版(试读本) 启示录第九章
1第五个天使一下pûn,我 看tio̍h一 粒chheⁿ tùi天 顶lak落地。Chit粒chheⁿ有领受无 底 深 坑ê锁匙。2 Hit粒chheⁿ phah开无 底 深 坑,就有亲 像大 火炉ê烟,tùi深 坑chhèng起来,日头kah太 空lóng因为深 坑ê烟变乌-暗。3有草 蜢tùi烟ê内面出 来歇tī地 上,in有领受亲 像地 上ê蝎á虫所有ê权 柄。4 Hiah-ê草 蜢受 交带,m̄-thang伤 害地 上ê青 草、树 木kah所有ê植 物,kan-taⁿ thang伤 害hiah-ê tī头 额无hō͘上 主盖 印做记号ê人。5 Koh m̄准草 蜢害死chiah-ê人,kan-taⁿ hō͘ in受 苦五月 日久,in ê痛 苦tú亲 像hō͘蝎á虫 咬tio̍h ê痛 疼。6 Tī hit五月 日中 间,人求beh死mā bē得死,ài beh死mā死bē去。7草 蜢ê形 状亲 像准 备beh出 战ê马,头 壳 顶kah-ná有戴金ê冕 旒,in ê面亲 像人ê面。8有亲 像cha-bó͘人ê头 毛,koh有亲 像狮ê牙。9胸 坎有亲 像铁ê战 甲,in ê翼发 出ê声,亲 像真chē马 车phun-走去 交 战ê声。10 In有亲 像蝎á虫ê尾溜有刺,in有 权 能thang用chit-ê尾溜,来 伤 害人五月 日久。11草 蜢有一个王,就是管 辖无 底 深 坑ê天使,伊ê名希伯来语叫 做「A-pa-tùn」,希腊语叫 做「A-pho-lûn」。12头 一个灾 祸已经过 去,以后iáu有两个灾 祸teh-beh来。13第六个天使一下pûn,我 听tio̍h一个 声,tùi上 主面 前ê金 坛四个角出 来,14 kā gia̍h喇叭ê第六个天使讲:「你tio̍h kā缚tī幼发拉底大河hit四个天使tháu放出 来。」15 Hit四个天使受tháu放ê tāi-chì,是早to̍h安排好势,tī hit-ê时,hit-ê日,hit-ê月,hit-ê年,beh来害死人类ê三 份 之一。16我有听 讲,马 兵ê数目lóng总有两亿。17我tī异 象中看tio̍h马kah骑 马ê人án-ne:in穿ê战 甲色致红kah亲 像火,蓝kah亲 像蓝 宝 石,黄kah亲 像硫 磺;马ê头亲 像狮ê头,tùi in ê嘴吐 出火、烟kah硫 磺。18人类ê三 份 之一,hō͘ tùi hit只马ê嘴吐 出 来ê火、烟kah硫 磺三 项ê灾 祸杀 害。19 Chiah-ê马ê权 柄tī in ê嘴kah尾溜,因为in ê尾溜亲 像蛇有头,用hiah-ê头伤 害人。20其他无受chiah-ê灾 祸杀 害ê人iáu-koh无beh悔 改,无 放 弃in ê手所造ê偶 像,犹 原拜hiah-ê鬼kah bē看、bē听、bē行,用 金、银、铜、石、柴所造ê偶 像。21 Hiah-ê人犯tio̍h thâi人、邪术、淫 乱kah偷the̍h ê罪,mā无悔 改。