巴克礼普世版(试读本) 启示录第四章
天 顶ê敬 拜
1然 后我koh看tio̍h天 顶有一个门phah开,hit-ê前bat亲 像喇叭响 声对 我 讲话ê声,koh对 我 讲:「起来chia,我beh报你 看将 来一定会 发 生ê tāi-chì。」2我随时受 圣 神感 动,忽 然看tio̍h天 顶有一个宝座,一位坐tī宝座顶 面。3 Hit位ê面亲 像碧 玉kah红 宝 石teh发 光,宝座周围有一个虹,看 起 来ná亲 像绿 宝 石。4座位ê周围有二十四个座位,顶 面坐二十四个长老,穿白 衫,头 壳戴金 色ê冕 旒。5 Tùi宝座发 出闪电kah tân雷ê声,宝 座 前有七 支灯 火teh to̍h,就是上 主ê七 位神 灵。6宝 座 前有亲 像水 晶hiah清ê玻璃海,宝座四周围有四个活 物,前 后lóng有目 睭。7头 一个活 物亲 像狮,第二个活 物亲 像牛á-kiáⁿ,第三个活 物ê面亲 像人,第四个活 物亲 像teh飞ê鹰。8 Hit四个活 物ta̍k-ê lóng有六支翼,周围kah内面目 睭满 满 是;in暝日lóng无 歇 困teh唱:「圣 哉!圣 哉!圣 哉!主全 能ê上 主,过 去存 在,现 在存 在,将 来mā永 远存 在。」9 Ta̍k-pái活 物将荣 光、尊 贵kah感 谢,归hō͘坐tī宝座永 远 活teh Hit位ê时,10二十四个长老就仆 落去坐tī宝座Hit位ê面 前,敬 拜活 到代代无 尽ê Hit位,koh将in ê冕 旒hiat tī宝 座 前,讲:11阮ê主,阮ê上 主,祢应 该得tio̍h荣 光、尊 贵kah权 能,因为祢bat创 造万 物。万 物ê受 创 造kah存 在lóng是祢ê旨意。